Tamiloviam
ஜனவரி 25 2007
தொடர்கள்
யுனிகோடில் தேடல்
சென்ற இதழ்கள்
கவிதை : ஆர்ப்பாட்ட வாழ்க்கையில்....
- கவிஞர். இமாம் கவுஸ் மொய்தீன் [drimamgm@hotmail.com]
| | Printable version | URL |

   # உயிர் வதை
     எதிர்த்துப் போராட்டம்
     பட்டாடைகள்
     கம்பளி சால்வைகள்
     தோல் பைகள்
     காலணிகள் அணிந்தவர்கள்
     ஆர்ப்பாட்டத்தில்...


   # கட்டில்கள்
     மேசை நாற்காலிகள்
     அலமாரிகளென
     வீடு நிறைய
     மரச் சாமான்கள்
     புதிதாய் எதுவும்
     சந்தையில் வந்தால்
     அதையும் வாங்கிட ஆசை!
     இத்தனைக்கும் பிறகு
     ஆர்ப்பாட்டம் நடத்துகின்றார்
     " மரங்களை வெட்டாதே! " 


   # "இறைச்சிக்காக
     கால்நடைகளை அறுக்காதே!''
     ஆர்ப்பாட்டம் செய்து
     உண்ணா விரதமிருந்தவர்க்குப்
     பாராட்டி விருந்து...
     மட்டன் பிரியாணி
     சிக்கன் பிரியாணி
     புறா காடை
     கௌதாரி சகிதம்...


   # செடிகளைப் பறித்து
     கீரையாய் உண்பர்
     மூலிகைகள் கொய்து
     மருந்தாய் உட்கொள்வர்
     செடிகள் எதையும்
     சிறுவர்கள் பறித்தால்...
     கொதித் தெழுவர்
     கண்டிப்பர்!
     " செடிகளைக் கொய்யாதே!
     பாவம் அவை..."


   # 'உயிர்களைக் காப்போம்
     உரிமைகளைக் கோருவோம்'
     ஆர்ப்பாட்டம் செய்வர்
     பெற்றவர்களையும் - தமக்குப்
     பிறந்தவர்களையும்
     முதியோர் இல்லங்களுக்கும்
     விடுதிகளுக்கும்
     அனுப்பிவிட்டு....!

| |
oooOooo
                         
 
கவிஞர். இமாம் கவுஸ் மொய்தீன் அவர்களின் இதர படைப்புகள்.   கவிதை பகுதியில் வந்த இதர படைப்புகள்.
PROVIDER=MICROSOFT.JET.OLEDB.4.0;DATA SOURCE=D:\Hosting\7909944\html\unicode\db\TOcomments.mdb;Persist Security Info=False;
உங்கள் கருத்து  
(You may need to disable your pop-up blocking software in order to post a comment.)
Copyright © 2001 - 2007 Tamiloviam.com (subsidary of Oviam LLC)- Authors
Best viewed with IE 4.x and above, Netscape 7.2, Firefox 0.8 and above with resolutions 800 X 600 and above.
| Disclaimer |   | Privacy |