ஆகஸ்ட் 18 2005
தராசு
வ..வ..வம்பு
முச்சந்தி
திரைவிமர்சனம்
மனம் போன போக்கில் மனிதன் போகலாமா?
இந்து மதம் என்ன சொல்கிறது ?
கவிதை
சிறுகதை
அறிவிப்பு
கவிதை
 
  முதல் பக்கம்
தொடர்கள்
யுனிகோடில் தேடல்
சென்ற இதழ்கள்
கவிதை : நிச்சயமற்ற உலகம் ! நிச்சயமறியா மனிதர் !
- சத்தி சக்திதாசன் [sathnel.sakthithasan@bt.com]
| Printable version | URL |


நிச்சயமற்றவைகளைத்தேடி ஓயாமல்
நித்தமும் ஓடிடும் இந்த
நித்திய புருஷர்கள் வாழும்
நிதர்சன பூமி

எத்தனை ஆசைகளைச் சுமந்து
எப்படியெல்லாம் விரைந்து
எதை  எதையோ அடையும்
எண்ணத்துடன் தினமும்
எத்தனை பேர் தம்மைத் தாமே
ஏமாற்றும் கோலம்

நிச்சயமற்ற உலகம் ! நிச்சயமறியா மனிதர் !

கன்னத்திலே கண்ணீர் வரைந்த
காய்ந்த கோடுகளுடன்
கனவான எதிர்காலத்தை நோக்கி
காத்திருக்கும் கன்னியரின்
கவலை போக்க வழியிருந்தும்
கல்லான மனம் கொண்டு , எங்கே
கதிவேகத்தில் இந்தப் பய்ணம்

நிச்சயமற்ற உலகம் ! நிச்சயமறியா மனிதர் !

வாழ்வெல்லாம் உழைத்து ஓடாகி
வளமற்ற நிலையில் நிலைத்து
வாடித், தன் தலைமுறை
வறுமைக் கோட்டைத் தாண்டிட
கல்வி தேடிக் கொடுக்க எண்ணிடும்
கலங்கிய ஏழைப் பெற்றார்தம்
கவலையைப் போக்க ஒரு வழி காட்டாத
கல்நெஞ்சச் சமுதாயம் தான் எமைச்சுற்றி

நிச்சயமற்ற உலகம் ! நிச்சயமறியா மனிதர் !

தூய்மை உள்ளத்துடன் உலகில்
துணிவாய் செயலாற்றும்
தானைத் தலைவர்களின்
தலைமைத்துவத்தால் மட்டுமே
தரணியில் மக்கள் துன்பம் வென்று
தடைகளைத் தாண்டுவார்

நிச்சயமற்ற உலகம் ! நிச்சயமறியா மனிதர் !

நிறுத்துங்கள் ஓட்டத்தை
நிதானித்துக் கேளுங்கள்
நிச்சயமற்றவர் பட்டியலில்
நீங்களும் நானும்
நிச்சயம்
நித்தியமான உண்மையை
நிறுத்துங்கள் நெஞ்சத்தில்
நிச்சயமாய் மலரும் ஓர்
நியாயமான சமுதாயம்

 

 

PROVIDER=MICROSOFT.JET.OLEDB.4.0;DATA SOURCE=D:\Hosting\7909944\html\unicode\db\TOcomments.mdb;Persist Security Info=False;
உங்கள் கருத்து  
(You may need to disable your pop-up blocking software in order to post a comment.)
Copyright © 2005 Tamiloviam.com (subsidary of Oviam LLC)- Authors
Best viewed with IE 4.x and above, Netscape 7.2, Firefox 0.8 and above with resolutions 800 X 600 and above.
| Disclaimer |   | Privacy |