அம்மா மரியா!
பெற்றால்தான நீ அன்னையா?
பாலருந்த உற்றால்தான
நீ அன்னையா?
அதுவும் இல்லை இதுவும் இல்லை
எங்கள் வாழ்வில் உன்னையன்றி
எதுவுமில்லை
உன் அன்பொன்றே பொதுவில் எல்லை
அழுதால் தருவாய்
தொழுதால் வருவாய்
விழுதாய்த் தொடர்வாய் - துயராம்
பழுதைத் துடைப்பாய்
உணர்வாய், உயிராய்,
எமதாய், நிறைவாய்
குணமாய்க் குலமாய்ப் பெரிதாய்
வழியாய்த் தொடர்வாய்
தோளில் சிலுவை சுமந்தான் தாயே!
சுமந்த வாழ்வைச் சுமந்தே வருந்தும்
எனக்கும் தாயே.