தமிழோவியம் (http://www.tamiloviam.com)
தொடர் : அமானுட கேள்விகளும், அரைகுறை ஞானிகளும்
- நல்லடியார்

[ முன்னுரை ]

சாந்தியும் சமாதானமும் படைத்தவன் புறத்திலிருந்து உண்டாகட்டுமாக.

இஸ்லாம் என்பது இன்றைக்கு உலகு புரிந்து வைத்திருப்பது போன்றதொரு மதமல்ல. அது ஒரு வாழ்க்கை நெறி. இஸ்லாத்தின் நோக்கம், மனிதர்கள் அமைதியாக வாழ வேண்டும் என்பதேயாகும்.

மாற்றுமத சகோதரர்கள் நினைப்பது போல இஸ்லாம் ஒரு மதமாக இருந்திருக்குமானால், அது வணக்க வழிபாட்டு முறைகளைப் பற்றித் தான் தன் திருமறையின் வாயிலாகப் போதித்திருக்கும். ஆனால் அந்தத் திருமறையின் ஆரம்ப வசனங்கள் கூறுவது என்னவென்றால்,

இது, (அல்லாஹ்வின்) திருவேதமாகும்;. இதில் எத்தகைய சந்தேகமும் இல்லை. பயபக்தியுடையோருக்கு (இது) நேர்வழிகாட்டியாகும். (பயபக்தியுடைய) அவர்கள், (புலன்களுக்கு எட்டா) மறைவானவற்றின் மீது நம்பிக்கை கொள்வார்கள்; தொழுகையையும் (உறுதியாக முறைப்படிக்) கடைப்பிடித்து ஒழுகுவார்கள்; இன்னும் நாம் அவர்களுக்கு அளித்தவற்றிலிருந்து (நல்வழியில்) செலவும் செய்வார்கள். (நபியே!) இன்னும் அவர்கள் உமக்கு அருளப் பெற்ற (வேதத்)தின் மீதும்; உமக்கு முன்னர் அருளப்பட்டவை மீதும் நம்பிக்கை கொள்வார்கள்; இன்னும் ஆகிரத்தை (மறுமையை) உறுதியாக நம்புவார்கள். இவர்கள் தாம் தங்கள் இறைவனின் நேர்வழியில் இருப்பவர்கள்; மேலும் இவர்களே வெற்றியாளர்கள். (இரண்டாவது அத்தியாயம் - வசன எண்கள் 2-5)

உலக சமயங்களில் இஸ்லாமிய வாழ்க்கை நெறி மட்டுமே அதிகப்படியான கட்டுப்பாடுகளைக் கொண்டுள்ளது. இஸ்லாத்தின் மீது சேற்றை அள்ளிப் பூசிக் கொண்டிருப்போர் நியாயமான விமர்சனங்களை மேற்கொள்வதில்லை. தங்களின் மூடத்தனமும் குற்றங்களும் இஸ்லாத்திற்கு எதிராக இருப்பதால் நியாய உணர்வுகளை அவர்களால் மதிக்க முடிவதில்லை. இஸ்லாமியக் கோட்பாடுகளும் கட்டுப்பபாடுகளும் மனித இனத்திற்கு வலம் சேர்ப்பதை இவர்கள் சரியாகப் புரிந்து கொள்வதில்லை அல்லது புரியாதது போன்று நடிக்கிறார்கள்.

இஸ்லாமிய சமயத்தை விமர்சிக்கும் உரிமை இறைத்தூதர் முஹம்மத் (ஸல்) அவர்கள் வாழ்ந்த காலம் முதல் இன்று வரை அனைவருக்கும் அளிக்கப்பட்டுள்ளது. ஆனால் அந்த விமர்சனங்கள் நியாயமானதாக இருக்கவேண்டும். உண்மை உணர்த்தப்படும் போது ஏற்றுக் கொள்ளும் பக்குவம் நிறைந்ததாக இருக்கவேண்டும். இதுதான் அறிவுடமை.

முதலில் இஸ்லாத்தை விமர்சிப்பவர்கள் இன்றைய முஸ்லிம்களின் செயல்களிலிருந்து தொடங்குவார்கள். பர்தா, பெண்ணுரிமை, பலதாரமணம் எனத் தொடங்கி குண்டுவெடிப்பு, தீவிரவாதம், பின்லாடன் etc என இவர்களின் விமரிசனம் திசைமாரிச் செல்லும்.

இஸ்லாத்தையும் முஸ்லிம்களையும் இப்படித்தான் குறை சொல்ல முடியும். மிகச் சமார்த்தியமாக தங்கள் புழுத்துப் போன கொள்கைகளையும் மூட நம்பிக்கைகளையும் மறைத்து விட்டு, இஸ்லாத்திற்கு பகரமாக அறிவியலையோ அல்லது மேற்கத்திய கலாச்சாரத்தையோ சொல்வார்கள். இதுவா விமரிசனம்?. ஒரு ஆப்பிளை இன்னொரு ஆப்பிளோடுதானே ஒப்பிட வேண்டும்? அதுதானே நியாயமும் நடுநிலையுமாகும்.

அந்த வகையில்தான் திரு.நேசகுமார், சமீபத்தில் மொழிபெயர்த்த டாக்டர். கொய்ன்ராட் எல்ஸ்ட் என்பவரின் "வஹீ- ஒரு அமானுடப் பார்வை" என்ற கட்டுரையைப் படிக்க நேர்ந்தது. மொழிபெயர்ப்பாளரும் ஏதோ சமூக பொறுப்பிலும், உலகளாவிய சகோதரத்துவத்தை நிலை நாட்டுவதிலும் ஆர்வமுள்ளவர் அல்லர். தனிப்பட்ட முறையில் முஸ்லிம்களின் செயல்கள் அவரின் வாழ்க்கையில் எதிர்மறை பாதிப்பை ஏற்படுத்தியதால், அவரின் இஸ்லாமிய எதிர்ப்புவாதத்தை நியாயப்படுத்தி இருந்ததையும், எழுத்தாளர் திரு. யமுனா ராஜேந்திரன் மற்றும் பி.கே. சிவகுமார் இவரின் இஸ்லாமிய எதிர்ப்புவாத அணுகுமுறையை விமரிசித்திருந்ததையும் இங்கு குறிப்பிடுவது பொருத்தமாக இருக்கும்.

சிந்தனைக்கும், அறிவிற்கும் உரமிடும் கருத்துக்கள் எதுவும் அதில் இல்லையென்றாலும், ஏதோ உலகப் பிரச்சனைக்களுக்கெல்லாம் இஸ்லாம் / திருக்குர்ஆன் தான் காரணம் என்பது போலவும், இஸ்லாம் தான் வன்முறைகள் எல்லாவற்றிற்கும் வித்திட்டது போலவும் எழுதியிருந்தார்.

கட்டுரையின் முழு பரிமாணமே நபிகள் நாயகத்திற்கு வந்த "வஹி" எனும் இறைச் செய்தியையும் அதன் நம்பகத்தன்மையையும் அடிப்படையாகக் கொண்டு எழுதப்பட்டுள்ளதால் இதற்கான விளக்கம் எழுத வேண்டியது அவசியமாகிறது.

இதுவரை எவருமே இஸ்லாத்தின் அடிப்படையை ஆராயாதது போலவும் இந்தியாவில் இருந்த ஒரு சில இந்துமத அறிஞர்கள் மட்டும் இதில் கவனம் செலுத்தி அதிலிருந்த முரண்பாடுகளை கண்டுபிடித்தாகவும் அதில் குறிப்பிடத்தக்கவர்களாக சுவாமி தயானந்த சரஸ்வதி, விவேகானந்தர் போன்றவர்களின் பெயர்களில் சில கருத்துக்களை எழுதியிருந்தார். (இவர்களின் பின்னணி "இந்துத்துவா மீட்சி" என்பதும், அதற்கு தடைக்கல்லாக இஸ்லாம் இருப்பதும் வேறு விஷயம்)

அது மட்டுமின்றி சரியான பயிற்சி இல்லாததால், அதாவது ஒரு யோகிக்குரிய பயிற்சி எதுவும் நபிகள் நாயகத்திற்கு இல்லாததால் அவருக்குத் தோன்றிய ஒரு சில நல்ல கருத்துக்களுக்கு இடையே தனது சொந்தக் கருத்துக்களையும் திணித்து தன்னை முன்னிலைப் படுத்தினார் என்ற குற்றச்சாட்டையும் வைத்துள்ளார்.

மனிதர்களின் எதார்த்த குணம், நியாயமான எவ்வித புதிய கருத்துக்களையும் உடனடியாக ஏற்றுக் கொள்வதில்லை. இந்த நிலை ஏன் என்று ஆராய்ச்சி செய்த மனோவியல் ஆராய்ச்சியாளர்கள் "மனிதனின் வாழ்வியல் பய உணர்ச்சிகளின் காரணாமாகவே இவ்வாறு நிகழ்கிறது" என்று கணிக்கின்றனர். இந்த மனப்பான்மையை இரண்டு வகையாகப் பிரிக்கலாம். SUSPICION என்னும் சந்தேக நோக்கு SKEPTICISM என்னும் சமயக் கொள்கைகளின் மீதான அவநம்பிக்கை.

வஹீ-பற்றிய மொழிபெயர்ப்புப் பதிவில் Dr.Koenraad Elst / நேசகுமார் போன்றவர்களுக்கு வந்திருக்கும் சந்தேகம் இரண்டாவது வகையே. இஸ்லாத்திற்கு எதிரான சந்தேகம் அது அறிமுகப்படுத்தப் பட்டதிலிருந்தே தொடர்கிறது. நபிகளாரின் தோழர்களாக பின்னாளில் மாறியவர்கள், இஸ்லாத்தை ஏற்பதற்கு முன் - இஸ்லாமிய ஏகத்துவக் கொள்கையை சந்தேகப் பட்டதோடு அதனை ஒழிக்கவும் கங்கணம் கட்டியவர்கள் என்பதை வரலாற்றின் மூலம் அறியலாம்.

நபிகளாரின் காலகட்டத்தில் இருந்த இஸ்லாத்தின் எதிரிகள் பல்வேறு வகையான இட்டுக் கட்டல்கள் மூலம் முஹம்மது நபியின் தூதுத்துவத்தை சந்தேகத்திற்கு உட்படுத்திட முனைந்தனர். முஹம்மது நபியின் நம்பகத்தன்மையை குறை சொல்ல அவர்களால் முடியவில்லை. ஏனெனில் இஸ்லாத்தை சொல்லும் முன்னரே முஹம்மது நபிகள் அக்கால மக்களிடையே நற்பெயர் பெற்றிருந்தார்கள்.

இஸ்லாத்தையும் அதன் புரட்சிக் கொள்கைகளையும் எந்த அறிவுப்பூர்வமான காரணம் கொண்டும் மறுக்க இயலாதவர்களுக்கு இருந்த ஒரே வழி, முஹம்மது நபியின் சொந்த வாழ்க்கை வரலாற்றை திரித்து அவர் கொண்டு வந்த வாழ்வியல் நெறியான இஸ்லாத்தை ஏனைய மேற்கத்தியக் கொள்கைகள் போல் விமர்சனத்திற்கு அப்பாற்பட்டதல்ல என்ற நிலைக்கு கொண்டுவர விடுபட்ட காரணங்களை தேடிப்பிடிக்க வேண்டிய நிர்ப்பந்தம் ஏற்பட்டது. இதற்கு மேற்கத்திய பின்னனி கொண்ட காவிச் சிந்தனையாளர்களின் உதவி தேவைப்பட்டது.

சில விளக்கங்கள்:

1) இத்தொடரில் இஸ்லாம் அல்லாத பிற மதங்களைப் பற்றிய எனது  கண்ணோட்டம், இதுவரை நான் பார்த்த, பழகிய இன்றும் இனியும் நண்பர்களாக இருக்கும் சக இந்துக்களின்  பழக்க வழக்கங்கள், நம்பிக்கைகள் மற்றும் சில குறிப்புகளை வைத்து எழுதியுள்ளேன்.

2) முடிந்தவரை அநாகரிகமான விமரிசனங்களை தவிர்த்துள்ளேன். சொல்லப்பட்ட கருத்துக்களின் அழுத்தம் சம்பந்தப்பட்ட மதத்தவரை புண்படுத்தவோ அல்லது இதர மதங்களின் குறையைச் சொல்லி சில இஸ்லாமியரின் தவறுகளை நியாயப் படுத்தவது என் நோக்கம் அல்ல. பேய், பூதம் போன்ற நம்பிக்கைகளுக்கு துளியும் இடம் இல்லாத இஸ்லாத்தைக் கொச்சைப்படுத்த, மொழிபெயர்ப்பாளர் அவரின் தொடரில் வானவர் ஜப்ரீல் அவர்களை பூதம் போன்று படம் போட்டிருந்தார். அதற்கு பகரமாக நானும் இந்துக்கள் வணங்கும் லிங்கம் யோனி போன்றவற்றை இட்டு அவர்களின் மனதை புண்படுத்தினால் அவருக்கும் எனக்கும் வித்தியாசம் தெரியாமல் போய்விடும் என்பதால் அதனை தவிர்த்துள்ளேன்.

3) முஹம்மது நபிகளைப் பற்றி நற்கருத்து கொண்ட மாற்றுமத மற்றும் மதம் சாராத அறிஞர்களின் விமரிசனத்தையும் தவிர்த்துள்ளதன் மூலம், இக்கட்டுரையின் நோக்கம், வஹீ பற்றியும் முஹம்மது நபி பற்றியும், முஸ்லிம்கள் மீது சுமத்தப்பட்ட அவதூறுகளுக்கான விளக்கமாகவுமே இத்தொடர் முன்வைக்கப் படுகிறது.

4) இஸ்லாத்தின் மீதான இது போன்ற ஆராய்ச்சிகளும், சிந்தனைத்தாக்குதல்களின் பின்னணியும் என்ன என்பதை இறுதியாக பார்ப்போம்.

5) என்னுடைய வேலைப்பளுவிற்கு இடையே எழுதப்பட்ட சொற்ப விளக்கமே தவிர அவரின் கட்டுரைக்கு முழுமையான விளக்கமாக கருத வேண்டாம். இதனை நான்கு தொடரில் முடித்துவிட எண்ணியுள்ளேன். தேவைப்பட்டால் பிரிதொரு சந்தர்ப்பத்தில் வாய்ப்பு கிடைக்கும்பொழுது விரிவாக பார்ப்போம்.  இவரின் முந்தைய குற்றச்சாட்டுகளுக்கு http://abumuhai.blogspot.com, http://islamicreply.blogspot.com, http://athusari.blogspot.com, http://islamanswers.blogspot.com போன்ற பதிவுகளில் விளக்கம் தரப்பட்டுள்ளது என்பதையும் தமிழோவியம் வாசகர்களுக்கு தெரிவிக்க விரும்புகிறேன்.

oooOOooo
[ யார் இந்த கொயின்ராட் எல்ஸ்ட் (Dr.Koenraad Elst)? ]

Elst Koenraadகொயின்ராட் எல்ஸ்ட் ஒரு உளவியல் நிபுணரோ அல்லது மருத்துவரோ அல்லர். இந்தியாவுக்கு வந்த ஒரு சாதாரண பல்கலைக் கழக மாணவர். இவர் சீன ஆய்வுக்கல்வி, இந்தோ-ஈரானிய ஆய்வுக்கல்வி போன்றவற்றைக் கற்று, இந்து மீட்சி குறித்த பொருளில் ஆய்வு செய்து லவனில் உள்ள கத்தோலிக்கப் பல்கலைக்கழகத்தில் டாக்டர் பட்டம் பெற்றவர். முதலில் பாபர் மசூதி பிரச்னையை மையமாக வைத்தே காஷ்மீர் ஹெரால்டில் எழுதி இந்துத்துவா அபிமானிகளின் ஆதரவைப் பெற்றார்.

சீன வரலாறு, ஆரிய ஜாதியக் கொடுமைகள் மற்றும் படையெடுப்பு குறித்த ஆய்வுகள் செய்து இந்திய அளவில் பரபரப்பை ஏற்படுத்தியவர். கிறிஸ்தவம், இஸ்லாம் பற்றிய எதிர்மறைக் கண்ணோட்டம் கொண்ட எல்ஸ்ட் இந்தியாவில் இந்து மீட்சி இயக்கங்களின் கவனத்தை ஈர்த்தார். இஸ்லாத்தை இதுவரை ஆரியக் கண்ணோட்டத்தில் விமர்சித்து வந்த இந்த இந்து மீட்சியாளர்களிடம்- டாக்டர். கொயின்ராட் எல்ஸ்ட், பிரான்ஸ்வா கோஷியே (Francois Gautier), மைக்கேல் டேனினோ (Michel Danino) போன்ற மேற்கத்திய சிந்தனையாளர்ககளின் படைப்புகள் மிகுந்த வரவேற்பைப் பெற்றன.

சல்மான் ருஷ்டியின் விரச எழுத்துக்களால் எழுந்த உலகளாவிய எதிர்ப்பு இவர்களுக்கு இருக்காதற்குக் காரணம், ருஷ்டி, முகம்மது நபியின் அந்தரங்க வாழ்க்கையைப் பற்றி விரசமாக எழுதி நடுநிலையாளர்களின் எதிர்ப்பைச் சம்பாதித்தன் மூலம் அவரின் எழுத்துக்கள் எடுபடாமல் போயின. இதனை கருத்தில் கொண்டு மேற்சொன்ன இறக்குமதி செய்யப்பட்ட மேற்கத்திய எழுத்தாளர்கள் இஸ்லாம், கிறிஸ்தவம் மட்டுமின்றி ஒப்புக்கு இந்துத்துவா, ஆரிய படையெடுப்பையும் விமரிசித்து கட்டுரைகள் எழுதி ஒரு நடுநிலை முகமூடியுடன் எழுதும் கூலி எழுத்தாளர்கள். டாக்டர் எல்ஸ்டை தாங்கிப் பிடிப்பவர்களின் பின்னணியைக் ஆராய்ந்தால் மறைந்திருக்கும் அவர்களின் இஸ்லாமிய குரோதம் பல்லிளிக்கிறது. (இணைய தளங்களில் டாக்டர். எல்ஸ்டின் படைப்புகளைத் தேடினால் இந்துத்துவா இணையதளங்களும் குழுமங்களும் முந்திக் கொண்டு வருவதிலிருந்தும் இவர்களின் பின்னனி தெளிவாகிறது)

இஸ்லாம் அறிமுகமாகிய காலம் முதல் கடந்த 1400 வருடங்களாகச் சுமத்தப்பட்ட அதே குற்றச்சாட்டை கொஞ்சம் "மேற்கத்திய மனோதத்துவ கண்ணோட்டம்" என்ற புதிய கோப்பையில் கொடுக்க முனைந்துள்ளனர். இதிலும் அவர்களின் அறியாமையும், இஸ்லாத்தைப் பற்றிய அதீத அச்சமும் (phobia) வெட்ட வெளிச்சமாகியுள்ளது.

முதலில் "மனோத்துவம்" என்பதே நிகழ்கால ஆராய்ச்சி. ஒருவனின் வெளிப்புற செயல்பாடுகளையும் ஆழ்மன எண்ணங்களையும் வைத்து அவரின் செயல்பாடுகளை கணிப்பது. 1400 வருடங்களுக்கு முந்தைய மனிதரின் வரலாற்றையும் சாதனைகளையும் வைத்து "மனோதத்துவ ஆய்வு" என்பது ஒரு அனுமானமாகவே இருக்க முடியும் என்பது தெளிவு.

இதுவரை உலக வரலாற்றை மாற்றி அமைத்தவர்களின் முஹம்மது நபி முன்னிலையில் இருப்பதற்கு காரணம் அவரின் பிறப்பு முதல் இறப்பு வரையிலான நிகழ்வுகள் வரலாற்றில் தெள்ளத் தெளிவாகப் பதியப் பட்டுள்ளன. இதற்காகவே கிட்டத் தட்ட ஐந்து லட்சம் தனி நபர்களின் வாழ்க்கை நிகழ்வுகள் அலசப் பட்டு, நம்பகத்தன்மை புடம் போடப் பட்டுள்ளது. இதனாலேயே டாக்டர். எல்ஸ்ட் போன்றவர்கள் எடுத்து வைக்கும் மனோதத்துவ காராணங்கள் எளிதில் நிராகரிக்கப்படும். காரணம் முஹம்மது நபியின் பிறப்பு முதல் இறப்பு வரையான நிகழ்வுகளை ஆராய்ந்தால், எழுதப் படிக்கத் தெரிந்திராத ஒருவரின் கொள்கை எந்த அளவு எதிரிகளையும் ஈர்த்து அவர்களாலே தீவிரமாக எதிர்க்கப்பட்ட அக்கொள்கைகளை பல பிரதேசங்களுக்கும் எடுத்துச் செல்லப்பட்டது என்பதைக் கவனித்தால், டாக்டர் எல்ஸ்டின் அனுமானங்களும் உளவியல் காரணங்களும் கேலிக்குரியவையாகின்றன.

முஹம்மது நபியின் பலதார மணத்தைக் காரணம் சொல்லி கற்பை விமரிசித்தவர்களுக்கு, அத்தகைய திருமணங்களின் காலகட்டம், தேவை, சமூகப் பழக்கவழக்கம் ஆகியவற்றையும், மனைவியரின் நற்சான்றுகளாலும், அத்தகைய குற்றச்சாட்டுகள் எடுபடாமல் போயிற்று. ஒருவனின் கற்பை குறை சொல்லுவதற்கும் அந்தரங்கத்தை விமரிசிப்பதற்கும் அவரின் மனைவியே தகுதியானவள். ஆனால் திருமணம் செய்த அனைத்து மனைவியரும் முஹம்மது நபியை நேசிக்கக் கூடியவர்களாகவே இருந்துள்ளனர். எந்த அளவுக்கென்றால் தன்னுடன் அதிக நாள் தங்கமாட்டார்களா என்று ஏங்கும் அளவுக்கு அவரிகளின் இல்லறம் இருந்துள்ளது.

அன்றைய போர்களைக் காரணம் சொல்லி, ஆதிக்க வெறியர் என்ற குற்றச்சாட்டு, போர்களுக்கான நியாயமான காரணங்களாலும், அத்தகைய போர்களால் ஏற்பட்ட சமூக மாற்றங்களாலும் எடுபடாமல் போயின. அக்கால போர்கள் முஹம்மது நபியின் மீது திணிக்கப்பட்டவையாகவே இருந்ததால், இக்காரணமும் எடுபடாமல் போயிற்று.

குர்ஆன் அது அருளப்பட்ட காலத்தில் வேண்டுமானால் சரியாக இருந்திருக்கலாம், விஞ்ஞானமும் மக்களின் மன நிலையிலும் பெருத்த மாற்றம் ஏற்பட்டுள்ள தற்காலத்திற்கு எப்படிப் பொருந்தும் என்பவர்களால் அதற்கு மாற்றமான சிறந்த கொள்கையை வைக்க முடியாததால், இந்த காரணமும் எடுபடாமல் போயிற்று. விந்தையிலும் விந்தை என்னவென்றால், புதுமையை விரும்பும் இவர்கள், நியாயமாக இதர பழமைவாத மதங்களுக்குப்பின் தோன்றிய இஸ்லாத்தின் உன்னத கோட்பாடுகளை விமர்சிப்பது காழ்ப்புணர்வேயன்றி வேறென்ன?

சரி, இஸ்லாம் ஓர் இனிமையான அமைதியான மார்க்கம் என்றால் ஏன் இஸ்லாத்தின் பெயரால் குண்டு வெடிப்புகளும் தீவிரவாதமும்? எந்த இஸ்லாமிய நாட்டில் மக்கள் அமைதியாக இருக்கிறார்கள்? என்ற கேள்விகள் எழலாம். உலகில் அன்றாடம் நடக்கும் அநியாயங்களில் 90% இஸ்லாம் அல்லாதவர்களால் நடத்தப் படும் போது, அவர்களின் மதமோ கொள்கையோ முன்னிலைப்படுத்தி விமரிசிக்கப்படுவதில்லை.

இங்கொன்றும் அங்கொன்றும் நடக்கும் அடக்குமுறைக்கு எதிராக பாதிக்கப்பட்டவர்களால் நடத்தப்படும் பயங்கரவாதங்களுக்கு, அந்த அடக்குமுறையாளர்களும், அவர்களின் கொள்கைகளும்தான் காரணமேயன்றி இஸ்லாம் எவ்விதத்திலும் காரணமல்ல. அவ்வாறு தீவிரவாதிகளாக்கப்பட்டவர்கள் துரதிஷ்டவசமாக முஸ்லிமாக இருப்பதுதான், இஸ்லாம் விமரிசிக்கப்பட காரணமேயன்றி வேறில்லை. நேபாளத்தில் நடக்கும் நக்சலைட்டுகளின் தாக்குதலுக்கும், இலங்கையில் நடக்கும் இனப்போராட்டங்களுக்கும் எப்படி அவர்கள் சார்ந்த மதம் காரணமல்லவோ அதுபோலதான் முஸ்லிம்களால் நடத்தபடும் தீவிரவாதத்திற்கு இஸ்லாம் காரணமல்ல.

எங்கெல்லாம் தீவிரவாதமும் பயங்கரவாதமும் நடைபெறுகிறதோ அவற்றையெல்லாம் தங்களுக்கு சாதகமாக்கி முஸ்லிம்களின் மேல் வெறுப்பும் துவேசமும் வளர்க்கும் ஒரு கூட்டம் உலகளாவிய அளவில் இருக்கிறது. மொத்தத்தில் இவர்களின் செயல்திட்டம் ஒன்றே ஒன்றுதான். சமத்துவத்தையும், சமூகமாற்றத்தையும் ஏற்படுத்தும் இஸ்லாத்தை ஒழித்து தங்கள் சனாதன கொள்கையை எவ்வித தடையுமின்றி நிறுவுவது.

பாலஸ்தீனம், ஆப்கானிஸ்தான், ஈராக், ஈரான், சிரியா, சூடான் எனத் தங்கள் ஆதிக்கத்துக்குட்பட்ட முஸ்லிம் நாடுகளின் பட்டியலை அதிகரிப்பதில் இஸ்ரேலின் அரசியல் இலாபமும், அமெரிக்காவின் பொருளாதார இலாபமும் அடங்கி இருக்கிறது. எங்கெல்லாம் அரசியல், பொருளாதார, ஜாதிய சிந்தனைகளுக்கு இஸ்லாம் தடையாக இருக்கிறதோ அங்கெல்லாம் தீவிரவாதம் இருப்பதாக இதன் பயனாளர்கள் பிரச்சாரம் செய்வார்கள். (எங்கெல்லாம் இஸ்லாம் கடைபிடிக்கப்படுகிறதோ அந்த நாடுகளை ஆள்பவர்களையும் சட்டங்களையும் காட்டுமிராண்டிகள் எனச்சொல்வர். இவர்களுக்குத் தேவைப்படும் போது, குறிப்பாக வளைகுடா பெட்ரோலை அபகரிக்க அல்லது பங்கு போட்டுக் கொள்ள, தீவிரவாதத்துக்கு எதிரான நண்பர்கள் என்று சவூதி, அமீரகம், குவைத், ஜோர்டான், கத்தார்,பஹ்ரைன் ஆகிய நாடுகளின் முஸ்லிம் முடியாட்சி ஆட்சியாளர்களுடன் கைகோர்த்துக் கொண்டு, இதர முஸ்லிம் நாடுகளில் தீவிரவாதத்தை எதிர்ப்பதாக காட்டிக்கொள்வது வேடிக்கைதானே.)

இஸ்லாத்தின் சமீபத்திய வளர்ச்சியை நோக்கினால் இஸ்லாத்தின் பெயரால் கடந்த 200 ஆண்டுகளுக்குள் எந்த நாடும் அந்நிய நாட்டுடன் போரிட்டதில்லை. கடந்த இருபது வருடங்கள் வரை வெடிகுண்டுகள், தீவிரவாதம் உலக மக்களுக்கு பரிச்சயமில்லாதவை, இன்று இஸ்லாத்தை ஒழிக்க பிரபலப்படுத்தப்பட்டுள்ளன. இவ்வாறு தொடங்கிய இஸ்லாமிய துவேசம் இஸ்லாமிய தீவிரவாதம் என்று வழிமொழியப்பட்டு அதற்கு எதிரானப் போர்கள் என்ற பெயரில் முஸ்லிம்களை கருவறுக்கும் கடமையை சிலரும், இஸ்லாத்திற்குள்ளேயே குழப்பங்களை செய்தும், நம்பிக்கையாளர்களை விமர்சித்தும், கொள்கை ரீதியான குழப்பங்களை செய்து இஸ்லாத்தை முடிந்தவரை இம்சிக்க இன்னொரு கூட்டமும் இயங்கி வருகிறது. அதற்கு இறக்குமதி செய்யப்பட்டவர்கள்தான் டாக்டர்.கொய்ன்ஸ்ராட் எல்ஸ்ட் வகையறாக்கள்.

இவர்களின் சிந்தனை தாக்குதல்களுக்கும், அதற்கான பின்னனியையும் பற்றி அறிய ஒரு பின்னோக்கு பார்வை அவசியமாகிறது. வஹீ பற்றிய தனது கண்ணோட்டத்தில் வெளிப்படுத்தியுள்ள அறியாமைகளையும், அதனை மறைத்து இஸ்லாத்தை குறைசொல்லி பெறப்படும் நீண்டகால பலன்களையும் தோலுரித்து காட்டுவதுதான் இத்தொடரின் நோக்கம்.

oooOOooo
[ அடிப்படையும் அடிப்படைவாதமும் ]

அ) அடிப்படையும் அடிப்படைவாதமும்:

"அடிப்படை" இல்லாத எந்த கொள்கையும், திட்டமும், மதமும், இசமும் நாளடைவில் வழக்கொழிந்து போய்விடும். மதம் அல்லாத மற்றவை குறிப்பிட்ட காலத்திற்கோ அல்லது தனி நபரின் செல்வாக்கினாலோ பின்பற்றப்படலாம். ஆனால் மதம் என்பது தனிமனிதன் முதல் அவன் சார்ந்த சமூகத்திற்கும் பொருந்த வேண்டும். உலகில் தோன்றிய கொள்கைகளின் அடிப்படையைப் பார்த்தோமேயானால் அவை ஒரு குறிப்பிட்ட மனிதனின் சிந்தனையாகவோ அல்லது குழுவினரின் கொள்கையாகவோ இருக்கும்.

அடிப்படைவாதம் (Fundamentalism - The interpretation of every word in the Bible as literal truth அல்லது Strict Adherence to the religious doctrine). அதாவது மதக்கொள்கைகளை சொல்லப்பட்ட அடிப்படையிலிருந்து விலகாமல் கடைபிடித்தல். பத்தொன்பதாம் நூற்றாண்டின் தொடக்கம் வரை "அடிப்படைவாதம்" என்ற சொற்பிரயோகம். கிறிஸ்தவத்தை தீவிரமாக பின்பற்றுபவர்களைக் குறிக்கவே பயன் பட்டது. இன்று அடிப்படைவாதம் என்றால் இஸ்லாத்தோடும் முஸ்லிம்களோடும் தொடர்பு படுத்தப்படுகிறது. காரணம் இஸ்லாம் தவிர ஏனைய மதக் கொள்கைகள் அடிப்படையை விட்டு விலகி விட்டன என்ற ஒற்றைக் காரணமே.

ஆ) தேடல்களும், கலாசாரங்களுக்கிடையேயான மோதல்களும்:

கலாச்சாரங்களுக்கிடையான நம்பிக்கை மோதல்கள்தான் மோதல்களிலேயே மோசமான மோதல். உலகில் மனித இனம் தோன்றியது முதல் மனிதன் பல்வேறு நம்பிக்கைகளை இரண்டு வகையான தேடல்களின் அடிப்படையில் மனிதன் கடந்து வந்துள்ளான். அத்தகைய தேடல்களில் சத்தியத்திற்கும் அசத்தியத்திற்குமிடையேயான போராட்டமே இன்றைய பிரச்னைகளுக்கு காரணமாகும்.

முதலாவதாக வயிற்றுப்பசி மற்றும் உடற்பசி போன்ற புறத்தேடல்கள். மற்றவை அறிவு, ஆன்மீகம் போன்ற அகத்தேடல்கள். புறத்தேடல்களான வயிற்றுப்பசி மற்றும் உடற்பசி போன்றவற்றில் மனிதனுக்கும் மற்ற உயிரினங்களுக்கும் ஏறத்தாழ பொதுவான அம்சங்களே உள்ளன. அகத்தேடல் மூலமே மனிதன் மற்ற உயிரினங்களிலிருந்து வேறுபட்டு சிறப்புறுகிறான்.

ஒவ்வொரு உயிருக்கும் வயிற்றுப்பசியும் உடல்பசியும் வாழ்க்கைக்கான அவசியங்கள். இவையின்றி எந்த உயிரினமும் இல்லை. தான் உணவாகி விடக்கூடாது. அதே சமயம் தனக்கு உணவு கிடைக்க வேண்டும். இந்தத் தற்காப்பு உணர்வு அனைத்து உயிர்களுக்குமுள்ள பொதுவான அம்சம்.

அகத்தேடல்களின் அவசியம் மனிதன் தன் நிலையை ஒரு நிலையிலிருந்து அடுத்த நிலைக்கு மாற்றிக் கொள்ள அவசியமாக உள்ளது. புறத்தேடல்கள் ஒரு நிலையில் முடிவுக்கு வந்துவிடும். அகத்தேடல்களுக்கு முடிவு என்பதே இல்லை. இந்த தொடர்ச்சியான தேடல்தான் மனிதனின் வாழ்க்கையை நடத்திச் செல்கிறது.

இ) ஆன்மீகத் தேடல்களும் மதங்களும்:

புறத்தேடல்களால் திருப்தியடையாத மனித மனம் அகத்தேடல்களை நோக்கிச் செல்கிறது. அத்தகைய தேடல்களுக்கு ஒரு அமைப்பு முறை அவசியமாகிறது. அவ்வாறு தேடிய அகத்தேடல்களின் தொடர்ச்சிதான் மதங்களின் தோற்றமும் பிறப்பும். மதங்கள் மனிதனை நல்வழிப்படுத்த வந்ததாக சொல்லப்படுகின்றன. பல்வேறு காலங்களில் அறிமுகமான மதக்கொள்கைகள் அந்தந்த காலகட்ட மக்களுக்குத் தேவையான வாழ்க்கைத் தத்துவங்களை போதித்தன.அவற்றைப் புரிந்து கொள்ளுதலில் ஏற்பட்ட வித்தியாசம் ஒரு மத நம்பிக்கையை மற்ற மத நம்பிக்கையிலிருந்து வேறுபடுத்தியது.

ஒரு நம்பிக்கையை விட்டு அடுத்த நம்பிக்கைக்குச் செல்லவேண்டிய அவசியம் ஏன் ஏற்பட்டதெனில், மனிதனின் அகத் தேவைகளை அந்த கொள்கைகள் பூர்த்தி செய்யத் தவறியது தான். அவ்வாறு தவறியது மதங்களின் தவறல்ல. ஏனெனில் அந்தந்த காலகட்டத்திற்குத் தேவையான கருத்துக்களே அன்றைய மதக் கொள்கையில் போதிக்கப்பட்டிருந்தன. காலமும் சூழலும் மாறுபடும் போது அந்தந்த கொள்கைகளின் மாற்றமும் அவசியமாகிப் போனது.


ஈ) அராபிய மதங்களின் தோற்றம்:

எகிப்து, பாலஸ்தீனம் உள்ளிட்ட பகுதிகளைக் கொண்ட இஸ்ரேல் அல்லது இஸ்ரவேலர் என்ற யூத இன மக்களின் கொள்கை "யூதம்" என்றும் அவர்களின் இறைத்தூதுவர் மோசஸ் என்பவரால் போதிக்கப்பட்ட கட்டளைகளின் தொகுப்புக்களைக் கொண்டவை "தோராஹ்" அல்லது "தவ்ராத்" என்ற வேதமாகும். வரலாற்றில் அறியப்படும் இவர்களின் காலம் கிறிஸ்து பிறப்பதற்கு சுமார் ஆயிரம் வருடங்கள் (கி,மு.1000). இவ்வேதம் மோசஸின் வாழ்க்கை மற்றும் அவரின் சமூகத்தினருக்கான பத்து கட்டளைகளைக் கொண்டுள்ளது.

அவர்களுக்குப் பின் வந்த ரோமானியப் பிரதேசங்களை உள்ளடக்கிய மக்கள் "கிறிஸ்தவர்கள்" என்றழைக்கப்பட்டார்கள். இறைத்தூதர் இயேசு என்கிற ஈசா கிறிஸ்தவத்தின் ஸ்தாபகர் என்று நம்பப் படுகிறார். கிறிஸ்தவர்களின் வேதமாகிய பைபிள் இறைத்தூதர் இயேசுவின் வாழ்க்கை மற்றும் போதனைகளை உள்ளடக்கியுள்ளது. பிற்காலத்தில் இயேசுவின் சீடர்களால் பைபிள் மாற்றம் செய்யப்பட்டு, பழைய ஏற்பாடு, புதிய ஏற்பாடு என இரு பிரிவாக்கப்பட்டன.

இயேசு கிறிஸ்துவுக்குப்பின் சுமார் ஐந்து நூற்றாண்டுகளுக்குப் பிறகு இறைத்தூதர் முகம்மது என்ற அராபியரால், இஸ்லாம் முழுமையாக்கப்பட்டது. முகம்மது நபிகள் இறைவனிடமிருந்து பெற்ற கட்டளைகளின் தொகுப்பு "குர்ஆன்". இந்த குர்ஆன் முந்தைய யூத, கிறிஸ்தவ வேதங்களின் தொடர்ச்சி என்றும் இதுவே இறைவனால் அனுப்பப்படும் கடைசி வேதம் என்றும் சொல்லப்படுகிறது. இதனை பின்பற்றுபவர்கள் முஸ்லிம்கள் எனப்படுவர்.

யூத, கிறிஸ்தவ வேதங்கள் ஒரு குறிப்பிட்ட பிரதேச, இன மக்களுக்காக அனுப்பப்பட்ட வேதங்கள் என்பதை அவற்றின் உள்ளடக்கத்தின் மூலம் அறியலாம். ஆனால் குர்ஆன் உலக மக்கள் அனைவருக்குமான வேதம் என்றும், முஹம்மது நபி கடைசி இறைத்தூதுவர் என்றும் சொல்லப்படுகிறது.

இவையே மேற்கண்ட மூன்று மதங்களின் அடிப்படையாகும். இவற்றை உள்ளது உள்ளபடி பின்பற்றுபவர்கள் அந்தந்த மத அடிப்படைவாதிகள் எனப்பட்டனர். மேற்கண்ட மூன்று பெரும் மதங்களும் அராபியப் பிரதேசங்களில் தோன்றியவை என்பதும் பைபிளின் புதிய ஏற்பாடு தவிர்த்து இதர வேதங்கள் ஓரிறைக் கொள்கைய ஒப்புக் கொள்வதும் பொதுவான ஒற்றுமையாகும்.
 

 உ) இந்து மதமும் இதர இந்திய மதங்களும்:

இந்தியப் பிரதேசத்தில் பெரும்பாலோரால் பின்பற்றப்படும் இந்து மதம். இதர மதக் கொள்கைகளிலிருந்து வேறுபடுகிறது. இந்து மதத்திற்கும் வேதங்கள் இருந்த போதிலும் இதனை தோற்றுவித்தவர் யார்? அதற்கான அவசியம் என்ன என்ற காரணங்களை அறிய முடியவில்லை. பொதுவாக இந்து மதம் என்பதே பல இன, ஜாதிய குழுக்களாகவே அறியப்பட்டது.

இந்து வேதங்களும் கடவுளால் அனுப்பப்பட்டவை என்று சொல்லப்பட்ட போதிலும் எந்த வேதம் எந்த கடவுளுக்குரியது என்று அறிந்தவர் இலர். பல கடவுளை நம்பும் இந்து மதம் எந்த கடவுள் உண்மையான கடவுள் என்றோ அந்த வேதங்கள் குறிப்பிட உண்மையான கடவுளால் அருளப்பட்டவை என்றோ எவ்வித ஆதாரங்களும் இல்லை. வரலாற்று நாயகர்களின் வாழ்க்கைச் சித்திரங்களும், வடநாட்டு மன்னர்களும் இந்து கடவுளாக வணங்கப் படுகிறது. ஆரியர்களின் மத்திய ஆசிய, வட இந்திய கடவுள் கொள்கைக்கும் திராவிடர்களின் தென்னிந்திய பூர்வீகக் குடிகளின் கடவுள் வழிபாட்டிலும் மிகுந்த வேறுபாடுகளும் முரண்பாடுகளும் இருக்கிறது.

இவ்வாறு இந்து மதம் - பல இன, ஜாதிய குழுக்களின் ஒருங்கமைப்பு என்றே அறியப்படுகிறது. சிந்து என்ற சொல்லிலிருந்தே "இந்து" என்ற வார்த்தையும் அதனைச் சார்ந்த மக்கள் இந்தியர் என்றும் அறியப்படுகின்றனர். உண்மையில் தற்போதைய இந்து மதத்தின் நிறுவனர்கள் மத்திய ஆசியாவிலிருந்து கைபர் போலன் கணவாய் வழியாக சிந்து பிரதேசத்தில் குடியேறிய ஆரியர்களே. இவர்களின் வேதங்கள் மற்றும் கடவுள்களே, தற்போதைய இந்துக்களின் கடவுளாக முன்னிறுத்தப் படுகிறார்கள். இதனாலேயே இந்தியாவின் ஜாதிய பிரச்னைகளும் இந்து மத உள்வேறுபாடுகளும் தொடர்கின்றன என்பது தனிக்கதை.


ஆக யூதம், கிறிஸ்தவம், இஸ்லாம் தவிர்த்து எந்தவித அடிப்படையும் இல்லாது நம்பப்படும் மதம் ஒன்று உண்டென்றால் அது இந்து மதமே. கிறிஸ்தவத்தை தொடர்ந்து அதன் தொடர்ச்சியாக சில நூற்றாண்டுகள் கழித்து ஏற்கனவே உலகில் தோன்றிய முதல் மார்க்கமான இஸ்லாமும் அறிமுகமாயிற்று. மேற்சொன்ன மற்ற மத நம்பிக்கையிலிருந்து இஸ்லாம் முற்றிலும் வேறுபடுகிறது.

இஸ்லாம் ஒரு குழுவினருக்கோ, பகுதியினருக்கோ, இனத்தினருக்கோ சொந்தமல்ல. அகில உலகுக்கும், இனி வரக்கூடிய முழு மனித சமுதாயத்திற்கும் உரியது என்ற சுய அறிமுகத்தோடு சொல்லப்படுவதுதான் மற்ற மதத்தினருக்கு இஸ்லாத்தின் மீதான வெறுப்பையும் சந்தேகத்தையும் உண்டாக்கியது.

மேற்சொன்ன மூன்று மதங்களுக்கும் உள்ள ஒற்றுமை அதன் காலச்சூழலும் வேத அடிப்படையுமே. யூதம், கிறிஸ்துவம், இஸ்லாம் மூன்றுமே ஒரே கடவுளால் கொண்டுவரப்பட்டது. இம்மூன்று மதங்களும் அராபிய, ஆப்பிரிக்க பிரதேசங்களில் தோன்றின. கிறிஸ்தவத்தின் ஆதிக்கத்தால் அதற்கு முந்தைய யூதம் நாளடைவில் வழக்கொழிந்து போனது. இஸ்ரேல் மட்டுமே யூதர்களை அதிகம் கொண்ட ஆக்கிரமிக்கப்பட்ட நாடாக இருக்கிறது.

ஊ) ஆரியர்களின் ஆதிக்கச் சூழ்ச்சியும் திராவிட நம்பிக்கைகளின் வீழ்ச்சியும்:

இம்மூன்று மதங்கள் அல்லாமல் இந்து, பெளத்த, சமண நம்பிக்கைகள் இந்தியப் பிரதேசங்களில் தோன்றின. சமணமும் பெளத்தமும் பிற்கால இந்து மன்னர்களின் ஆதிக்க வெறியால் ஒழிக்கப்பட்டன. அதனால்தான் இந்தியாவில் தோன்றிய புத்தம் சீனாவுக்கும், இலங்கை, இந்தோனேசியா என தளத்தை மாற்றவேண்டிய அவசியம் ஏற்பட்டது. இஸ்லாம் தவிர்த்த மற்ற மதங்களின் வீழ்ச்சிக்கு அதனதன் அடிப்படை நம்பிக்கையிலிருந்து அவை விலகியதே மிக முக்கிய காரணம்.

அரபுலகில் தோன்றிய யூத மதம் அதனைக் கொண்டு வந்த தூதுவர்களை சந்தேகக்கண் கொண்டு கொன்றொழித்ததாலும், கிறிஸ்தவத்தின் அடிப்படை வேத நம்பிக்கைகள், இயேசுவுக்குப்பின் தனி நபர்களின் மனோ இச்சைகளுக்கு ஏற்ப மாற்றியமைக்கப்பட்டதாலும் வீழ்ந்தன.

இந்துமதம் இந்தியாவில் பெரும்பாலோரால் பின்பற்றப்படும் நம்பிக்கை என்ற போதிலும். இதன் அடிப்படை என்ன மற்றும் அதன் முரண்பாடுகளுக்கு சரியான விளக்கம் இல்லை. இந்து மதம் மத்திய ஆசியாவிலிருந்து வந்து குடியேறிய ஆரியர்களின் மதமா? இயற்கையை உருவகப்படுத்தி வணங்கி வந்த இந்திய பூர்வீகக்குடிமக்களான திராவிடர்களின் மதமா? என்ற வினாவிற்கு விடை கிடைக்காமலேயே பின்பற்றப்பட்டு வருகிறது.

இந்து மதத்தில் தூதர்களும், வேதங்களும் முன்னிலைப்படுத்தப்பட்டு தூதர்களையே கடவுளின் அவதாரமாகப் பார்த்து கடவுளை பின்னுக்குத் தள்ளும் அளவுக்கு இந்த வேதங்கள் திணிக்கப்பட்டன. மனித அவதாரங்களின் மறைவுக்குப்பின் வழக்கொழிந்து போயின அல்லது முரண்பாடுகளின் மொத்த உருவமாக இந்து மதம் பின்பற்றப்படுகிறது. இதற்கு இயற்கையான அடிப்படை ஏதுமில்லை. அந்தந்த காலத்திற்கு ஏற்ப மாற்றியமைக்கப்பட்டு பின்பற்றப்படும் ஒரு குழுவாகவே (Cult) இருக்கிறது.

மனிதர்களில் பெரும்பான்மையினரைத் தாழ்த்தியும், சிறுபான்மையினரை உயர்த்தியும் போதிக்கப்படும் ஆரிய நம்பிக்கைகளை முன்னிறுத்தியோ அல்லது அறியாமைக்காலத்தில் இயற்கையை வழிபட்ட திராவிட நம்பிக்கைகளை முன்னிறுத்தியோ இந்துமதத்தை அடையாளப்படுத்த முடியாது. இவ்வாறு அடிப்படையற்ற ஒரு கொள்கையை கைவிட்டு, ஜாதிமுறையை பின்பற்ற வேண்டிய நிர்ப்பந்தத்தை இந்து மதமே ஏற்படுத்தியதுதான் இந்து மதத்தின் வீழ்ச்சிக்குக் காரணமாயிற்று. இவ்வாறு முரண்பாடு கொண்ட கொள்கையாளர்களை ஒருங்கிணைக்கவும், ஆரியக் கொள்கைகளை நிலை நாட்டவும், ஜாதிய காவிச் சிந்தனையாளர்களுக்கு இஸ்லாத்தின் அடிப்படையை சந்தேகப் படுத்த வேண்டிய நிர்ப்பந்தம் அவசியமாயிற்று.

எ) இஸ்லாத்தின் மீதான அச்சமும், அதீத கற்பனைகளும்:

மனிதனின் ஆதிகால வரலாற்றிலிருந்து இன்று இருக்கின்ற நேசகுமார்கள் வரை எல்லோரிடத்திலும் இருக்கின்ற பிரச்னை இந்த இஸ்லாத்தின் மீதான அச்சமே. நாளைய வாழ்க்கை எப்படியிருக்கும், இதுநாள்வரை நான் வாழ்ந்து வந்த, ஆராதித்து வந்த கொள்கைகள் தவறா? என்னிடம் உள்ளதை நான் எப்படி பாதுகாத்துக் கொள்வது என்ற உலகியல் பரிமாற்றங்களிலும் வாழ்க்கையிலும் உள்ள பிரச்சனைகளின் மோதல்களில் தங்களை இழந்துவிடுவதன் காரணமாகத்தான் சில வேளைகளில் அமானுடமான கேள்விகளை எழுப்பி வருகின்றனர்.

இந்நிலை எல்லோருக்கும் அவ்வப்போது ஏற்படுவதுதான். ஆனால் ஒரு சிலர் இதற்கு எதார்த்தமான அணுகுமுறைகளின் மூலமும் சரியான வழிகாட்டுதல்களின் மூலமும் இந்த பய உணர்ச்சியிலிருந்து விடுபட்டு தனது அன்றாட வாழ்க்கையில் வெற்றி பெறுகின்றனர். ஒரு சிலர் இதற்கு வழி தேடுகிறேன் என்று தனது பிரச்னைகளை இன்னும் அதிகமாக்கி மனம் பிறழ்ந்த அந்நிலையிலேயே முழுவாழ்க்கையையும் கழித்து விடுவதுண்டு.

இன்னும் ஒரு சிலர் இந்தப் பிரச்னை எனக்கு மட்டும் இல்லை இன்னும் எத்தனையோ கோடான கோடி பேர்களுக்கு இருக்கிறது அவர்களுக்கெல்லாம் சேர்ந்து நான் வழி காணப் போகிறேன் என்று தனக்குக் கிடைத்த ஒரு சில வாய்ப்புகளை பயன்படுத்தி தனது குறைகளை, நிறைகளாக உலகிற்கு காட்டி தன்னை ஒரு ஞானியாக, அறிவாளியாக உலகிற்கு காட்டி ஆதாயம் தேட முற்படுகின்றனர். இதற்கு intelligence Escapism மேதாவித்தனமான தப்பித்தல் என்பர்.

மேலே சொல்லப்பட்ட இந்த மூன்று நிலைகளுக்கும் உட்பட்டவர்களில் உள்ளவர்கள்தான் அமானுட கேள்வி கேட்கும் அரைகுறை ஞானியான டாக்டர் கொய்ன்ராட் எல்ஸ்ட். இஸ்லாத்திற்கு எதிராக எந்த அரைகுறைகளும் எதை வேண்டுமானாலும் எழுதலாம், அதையெல்லாம் படிக்கவும், புகழவும் ஒரு கூட்டம் தயாராக இருக்கிறது என்ற நிலை காலம் காலமாக நிகழ்ந்து வருகிறது.

இவ்வாறு இஸ்லாத்தின் மீதான அச்சமும் தங்கள் கொள்கையின் மீதான அவநம்பிக்கையும்தான் இவர்களின் துவேசங்களுக்கும் தவறான விமர்சனங்களுக்கும் அடிப்படை. "சிறு இந்திரியத் துளியிலிருந்து படைத்த மனிதர்கள், படைத்தவனிடமே தர்க்கம் செய்கின்றார்கள்" என்று அல்லாஹ் திருக்குர்ஆனில் சொல்வது போல் இம்மனிதர்கள் இங்கே புத்திசாலித்தனமானச் செய்கிறோம் என்ற பெயரில் மனம் பிறழ்ந்தவர்களாக செயல்படுவதை அடுத்த தொடரில் பார்க்கலாம்.

oooOOooo
[ நேசகுமார்+எல்ஸ்டின் குற்றச்சாட்டுகள் ]

மற்ற மதங்களைப்போல் இஸ்லாத்தை எளிதில் விமர்சிக்க முடியாது. கண்ணுக்குத்தெரியாத ஒரு சக்தியை அல்லாஹ் என்றும், அவன் தேர்ந்தெடுத்த சிலரை தூதுவர்கள் என்றும், அவ்வாறு வந்த தூதுவர்களில் முகம்மது நபி இறுதியானவர் என்றும் நம்புவதே இஸ்லாமாக இருப்பதால், இஸ்லாத்தை விட உயரிய வேறு தத்துவங்கள் இருந்தால் அவற்றைக் காட்டி டாக்டர் எல்ஸ்ட் வகையறாக்கள் இஸ்லாத்தை விமர்சிக்க வேண்டும்.

மற்ற மதங்களிலிருந்து இஸ்லாத்தை வேறுபடுத்துவது அதன் அடிப்படை அமைப்பு முறையும் நம்பிக்கைகளுமே. அதாவது கடவுள் ஒருவரே என்றும் முகம்மது நபி அவரின் கடைசி தூதுவர் என்றும் நம்புவது. இதில் ஒன்றை ஏற்று மற்றொன்றை நிராகரித்தாலும் முழுமையான இஸ்லாமிய நம்பிக்கையாகாது. இஸ்லாமிய கட்டமைப்பு இத்தனை நூற்றாண்டுகளுக்குப் பின்னரும் நிலைத்திருக்கக் காரணம் இந்த இரண்டு அடிப்படை நம்பிக்கைகளே. இந்த அடிப்படை நம்பிக்கைகளை விட்டு முஸ்லிம்களை விலக்கும் வரை இஸ்லாத்தையும் அதனைப் பின்பற்றும் முஸ்லிம்களையும் பிரிக்க முடியாது.

ஆக, அடிப்படையற்ற இந்து மதத்திலிருந்து இஸ்லாத்தை நோக்கி வருபவர்களை தடுத்தாக வேண்டிய அவசிய நிலை இந்து மத அபிமானிகளுக்கும், ஆரிய, ஜாதிய சிந்தனையாளர்களுக்கும் ஏற்பட்டுள்ளது. இவ்வாறு வெளியேறிய மக்களின் ஆழ்மனத் தேடல்கள் உண்மையான ஆன்மீகப்பயணம் செய்தன. சிலர் வாழ்க்கையின் முதுமையில் தேடுகிறார்கள். இன்னும் சிலர் வெளியேறவும் முடியாமல், பின்பற்றவும் முடியாத ஒரு தவிப்பு நிலையிலேயே உள்ளனர்.

இதற்குக் காரணம் தன் வாழ்க்கையோடு பின்னிப்பிணைந்துள்ள குடும்பவியல் முறையும் தெய்வ நம்பிக்கையும். தனி மனிதனின் சிந்தனை அவன் குடும்பத்தோடும், சமூகத்தோடும் பிணைந்துள்ளது. இதில் ஏற்படும் மாற்றம் ஒட்டு மொத்த குடும்ப முறையையோ அல்லது சமூக சூழலிலோ பாதிப்பை ஏற்படுத்தும். இவ்வாறு கையறுநிலையடைந்த இந்துக்கள், இந்து மதத்தை கைவிடுவதை விட உள்ளிருந்து கொண்டே புறந்தள்ளும் நிலைக்கு ஆளாகினர். காலப்போக்கில் இவர்களின் சந்ததியினர் எந்த அடிப்படையைப் பின்பற்றுவது என்ற திக்கு தெரியாமல் போகும் நிலை ஏற்படலாம். அதன் கடைசி முயற்சிதான் இஸ்லாத்தின் அடிப்படையை சந்தேகப்படுத்தி விட்டால் இஸ்லாத்தை வீழ்த்தி விடலாம் என்ற அதீத கற்பனை "வஹீ - ஒரு அமானுடப்பார்வை" என்ற அவசர அல்லது அறைகுறை மொழி பெயர்ப்பு பதிவு.

காஞ்சி சங்கராச்சாரியாரின் பாலியல் மற்றும் கொலைக் குற்றச்சாட்டுக்களுக்குப் பின் பிராமண ஆதிக்கம் வீழ்ந்தது என வீரிட்டு எழுந்த பிராமணரல்லாத காவிச்சிந்தனையாளரும், இந்து மதம் மறுமலர்ச்சியை நோக்கி சென்று கொண்டிருப்பதாக அதீத நம்பிக்கை கொண்ட நேசகுமார், தனக்கே உரிய கற்பனைக் குதிரைகளையும் அரை குறை புரிந்து கொள்ளலையும் வைத்து அவசர அவசரமாக மொழி பெயர்த்துள்ளார்.

அவரின் மொழிபெயர்ப்பிலுள்ள சாரம்சங்கள் ஏற்கனவே அவரால் அவதூறு செய்யப்பட்டு விளக்கம் கொடுக்கப்பட்டவை. (உதாரணமாக, தன் முறைப்பெண்ணாக இருந்து தனது வளர்ப்பு மகனுக்கு விவாகம் செய்து வைத்து, பிறகு தான் மணந்த ஜைனப் பற்றிய தகவல்கள்).

முஹம்மது நபிகளின் தனிப்பட்ட வாழ்க்கையை களங்கப்படுத்தி விட்டால், அவரின் தூதுத்துவத்தையும் களங்கப் படுத்தி விடலாம் என்ற நப்பாசை. முதலில் முகம்மது நபிகள் மீதான நேசகுமார்+எல்ஸ்டின் குற்றச்சாட்டுகளை பார்ப்போம்.

1) முஹம்மது பால்ய பாதிப்புக்குள்ளானவரா ?

முஹம்மது நபிகள் சிறு வயது முதலே தந்தையை இழந்து, வளர்ப்புத்தாயால் பாலூட்டப்பட்டு, பிறகு தாயையும் இழந்து, தந்தையின் சகோதரரால் செல்லமாக வளர்க்கப்பட்டும் வந்துள்ளார். முஹம்மது நபிகள், ஓரிறைக் கொள்கையை தனது சமூகத்தாரிடம் சொன்ன போதும், அபூதாலிப் அவர்கள் வெருக்கவில்லை. சொல்லப் போனால் இறை மறுப்பாளர்களால் எந்த தீங்கும் வந்து விடக் கூடாது என்ற கவலையுடையவராகவே முஹம்மது நபிகள் மீது அன்பு கொண்டிருந்தார். இந்த அன்புக்கு பரிகாரமாக அவர் இறக்கும் தருவாயில், ஓரிறைக் கொள்கையை ஏற்றுக் கொள்ளும் படி மன்றாடிய போதும், அல்லாஹ் தான் நாடியவருக்கே அத்தகைய தெளிவைக் கொடுப்போம் என்று வஹீ வரும் அளவுக்கு முஹம்மது-அபூதாலிப் அவர்களின் பரஸ்பர அன்பு தொடர்ந்தது.

இன்றைய மனோதத்துவவியலாளர்கள், தற்போதைய மனநிலை பாதித்தவர்களின் செயல்களுக்கு, பால்ய பாதிப்புகள் ஒரு காரணம் என்று சொல்கிறார்கள். ஆனால் முஹம்மது நபிகளின் வாழ்க்கை வரலாற்றைப் பார்க்கும் போது, சிறுவயது முதல் உண்மையாளர், நம்பிக்கையாளர் என்ற பெயருடன், முகம்மது போல தன் மகன் குணக்குன்றாக இருக்க வேண்டும் என அன்றைய அரபிகள் நினைக்கும் அளவுக்கு நற்பண்பு உடையவராகவும், அன்பிற்குரியவராகவும் இருந்துள்ளார்கள்.

வஹீயின் ஆரம்பக்கட்டங்களில் முஹம்மது நபி அஞ்சி நடுங்கும் போது, அவர்களுக்கு சமாதானம் சொன்ன துணைவியார் கதீஜா அவர்கள், முஹம்மது நபிகளின் சிறுவயது முதலிருந்த நற்குணங்களை சொல்லியே ஆறுதல் படுத்துகிறார்கள். ஆக, முகம்மது நபிகள் பால்ய பாதிப்புக்கு ஆளாகி இருக்கலாம் என்ற குற்றச்சாட்டிற்கு எவ்வித முகாந்திரமும் இல்லை.

2) போர்கள் மற்றும் ஆதிக்க வெறியரா ?

பாகன் அரபிகளின் செயல்பாட்டில் இருந்த துர்பழக்கங்களால் சஞ்சலமுற்ற நபிகள். இறைக்கொள்கைகளை கொண்டு வந்த போது, தங்களில் ஒருவரே இவ்வாறு தெய்வங்களை குறை சொல்லுவதை சந்தேகப்பட்ட பாகன் அரபிகள் நபிகளாரை பல வழிகளிலும் தொந்தரவு செய்து, நபிகளாரின் பொறுமையால் தோற்று, செல்வக்குவியல்களையும், பேரழகு பதுமைகளையும் காட்டி பேரம் பேசினார்கள். முஹம்மது மட்டும் பாகன்களின் கடவுள்களை ஒப்புக் கொண்டிருந்தால் அன்றைய அராபிய பிரதேசங்களின் முடிசூடா மன்னனாக இருந்திருக்க முடியும். ஆனால், தான் கொண்டு வந்த கொள்கையில் உறுதியாக இருந்து வறுமையில் வாடி, சக தோழர்களின் சோகங்களில் பங்கெடுத்து, கொலை செய்யப்பட ஆணையிடப்பட்டதால் சொந்த ஊரை துறக்க நேரிட்டது. இதன் மூலம் ஆதிக்க வெறியர் என்ற குற்றச்சாட்டும் அர்த்த மற்றதாகி விடுகிறது.

3) பலதாரமணம் செய்த ஒழுங்கீனரா ?

முஹம்மது நபிகளுக்கு எதிரான குற்றச்சாட்டுகளிலேயே பிரதானமானது அவர்களின் ஒழுக்கம் பற்றியவைதான். பலதார மணம், விவாக விலக்கு பெற்ற தன் வளர்ப்பு மகனின் மனைவியாக இருந்த, தன் முறைப்பெண்ணான ஜைனப் அவர்களை மணந்தது, பதினொரு வயதில் ஆயிஷாவை மணந்தது என்ற காரணங்களைச் சொல்லி காமவெறியர், ஒழுக்கசீலர் அல்ல என்ற குற்றச்சாட்டை வைக்கின்றவர்கள் அவர்களின் முதல் திருமணத்தை வசதியாக மறந்துவிடுகின்றனர்.

முதல் மனைவி கதீஜா முஹம்மது அவர்களைவிட 15 வயது மூத்தவர். தனது வாலிபம் முறுக்கெடுத்த வயதில் தன்னை விட மூத்த, இரண்டுமுறை விதவையான ஒரு பெண்ணை (கதிஜாவை) மணந்தார்கள். முஹம்மது நபி வாலிபராக இருந்த காலத்தில் கதிஜா அம்மையாருடன் மட்டுமே வாழ்ந்துவந்தார்கள். கதிஜா அவர்களின் மரணத்திற்கு பின்புதான் மற்ற திருமணம் செய்துக்கொண்டார்கள்.

இதனை வைத்து இவர்களின் முதல் கல்யாணத்தை காமவெறி என்ற குற்றச்சாட்டு சொல்ல முடியாது. ஏனெனில், மூத்த பெண்களை மணப்பதும், விதவையை மணம் முடிப்பதும், பலதார மணமும் அன்றைய பாகன் அரபிகளின் பழக்க வழக்கமாகவே இருந்தது. முதல் கல்யாணத்தை அறிவுள்ள எவரும் காமம்தான் காரணம் என குற்றமாகவே சொல்ல முடியாது. இவ்வாறே இதர திருமணங்களுக்கும் பொருத்தமான சமூகக் காரணங்கள் இருந்தன.

ஆக முஹம்மது நபியின் சொந்த வாழ்க்கையிலும், சமூக வாழ்க்கையிலும் குற்றம் சொல்லி தோல்வியுற்றவர்கள், எப்படியும் இஸ்லாத்தின் அடிப்படியை சந்தேகப்படுத்திவிட சோர்ந்துவிடாமல் இன்றும் பல்வேறு காரணங்களைத் தேடிக் கொண்டிருக்கிறார்கள். அதற்கு வாய்ப்பாக தேடிப்பிடித்தவைதான் உளவியல்/அறிவியல் காரணங்கள். ஆனால் அதிலும் தங்கள் அறியாமையையும், காழ்ப்புணர்வையும் பதிந்து வைத்து விட்டுச் சென்றுள்ளதை பார்க்கலாம்.

அறிவியல் அறிந்திடப்படாத காலத்தில் வாழ்க்கையின் வழிகாட்டியாக அனுப்பப்பட்டவர் செய்த சில செயல்களை எப்படி தங்கள் கருத்துக்கு சாதகமாகத் திரிக்க முயன்றுள்ளனர் எனப்பார்ப்போம்.

5) அறியாமையும் அபத்தவாதமும்

a) இரத்தம் வடித்து நிவாரணம் பெறல்:

"முகம்மதின் விஷயத்தில் இந்த மனோதத்துவ அணுகுமுறையை விட அவர் உடல்ரீதியான பிரச்னைகளும் சேர்ந்திருக்கின்றன. முகம்மதின் உடல் நலத்தைப் பற்றிய செய்திகளை ஆராய்ந்து பார்க்கும்போது தெரிய வருவது என்னவென்றால், அவர் தீராத தலைவலியால் அவதிப் பட்டிருந்தார் என்பது. அதைக் குணப்படுத்த கழுத்தின் இரண்டு ரத்தநாளங்களை வெட்டி(இரத்தத்தை வடித்து)க் கொண்டதாகத் தெரிகிறது. முகம்மதின் மனச்சிதைவை இதை வைத்து எடை போட முடியாவிட்டாலும், இந்தக் காரணம் ஒரு வலுவான ஆதாரம் என்று கொள்ளலாம்." இதுவே எல்ஸ்ட் என்பவரின் குற்றச்சாட்டு.

உடலின் நோய்ப் பாதிக்கப்பட்ட பகுதிகளில் தற்காலிகமாக கீறி கெட்ட இரத்தத்தை வெளியேற்றும் முறையை இன்றைய நவீன மருத்துவம் (Phlebotomy அல்லது venesection) பெல்போடமி அல்லது வீன்செக்சன் என்று ஏற்றுக் கொண்டுள்ளது. கடந்த பத்தாண்டுகளுக்கு முன்பு வரை இவ்வாறு இரத்தத்தை வெளியேற்றி நிவாரணம் பெறும் முறையே கடை பிடிக்கப்பட்டது என்பதை அறியாத அல்லது சாதகமாக தவிர்த்து "மனச்சிதைவு" க்கான அறிகுறி என்று அணுகி இருப்பது அவரின் கல்வியறிவை கேலிக்குரியதாக்குகிறது.

இவ்வாறு இரத்தத்தை தற்காலிகமாக வெளியேற்றி நிவாரணம் பெறும் முறை சமீபத்திலோ அல்லது முஹம்மது நபியின் காலத்திலோ தோன்றியதல்ல. இது பற்றிய குறிப்புகள் யூத, கிறிஸ்தவ, இந்து வேதங்களிலும் காணப்படுகிறது. மேலும் பண்டைய இந்தியாவிலிருந்து திபேத்தியர்கள் மூலம் சீனாவிற்கு சென்ற பண்டைய இந்திய ஆயுர்வேத முறையாகும்.

The Talmud recommended a specific day of the week and days of the month for bloodletting, and similar rules, though less codified, can be found among Christian writings advising which saint"s days were favourable for bloodletting. Islamic authors too advised bloodletting, particularly for fevers. The practice was probably passed to them by the Greeks; when Islamic theories became known in the Latin-speaking countries of Europe, bloodletting became more widespread. Together with cautery it was central to Arabic surgery; the key texts Kitab al-Qanum and especially Al-Tasrif li-man "ajaza "an al-ta"lif both recommended it. It was also known in Ayurvedic medicine, described in the Susrata Samhita.

பார்க்க :
http://www.answers.com/bloodletting

மேலும் இவ்வாறு இரத்தத்தை வெளியேற்றி நோய் குணப்படுத்தும் முறை இன்றும் இந்தியாவில் கடைபிடிக்கப் படுகிறது. பார்க்க: http://www.mtn.org/quack/devices/phlebo.htm

b) வலிப்பு நோயும் வரலாற்றுத் திரித்தலும்

"முகம்மது தன் சிறுவயதில் தரையில் விழுந்து கிடந்தது ஒருவகை வலிப்பு நோய் என்று பைஸாண்டினைச் சேர்ந்த(Byzantine) தியோபேன்ஸ் குறித்து வைத்திருக்கிறார். இதுவும் ஒரு திருப்தியான ஆதாரம் என்று சொல்ல முடியாது. ஏனென்றால் வலிப்பு நோயால் ஒருவன் நிரந்தர மனநோய்க்கு ஆளாவதில்லை. வலிப்பிலிருந்து மீண்டபின் அதைப்பற்றியே நினைவிருக்காது. ஆனால் பாரனாய்ட் போன்ற மனோவியாதிகள் நிரந்தரமான தாக்கத்தை ஏற்படுத்தும்." - இது எல்ஸ்டின் இன்னொரு குற்றச்சாட்டு.

முஹம்மது நபி வலிப்பு நோயால் பாதிக்கப்பட்டிருந்தார்கள் என்ற குற்றச்சாட்டுக்களைச் சொல்லி, ஆரம்பகால தூதுத்துவத்தை சந்தேகப்படுத்தும் முயற்சிகள் புதிதல்ல என்ற போதிலும், Dr.Herman Somers போன்ற மத நம்பிக்கையில்லாதவர்களின் கருத்துக்கள் சில சமயம் மேற்கோள் காட்டப்பட்டு முஹம்மது நபிக்கு எதிரான அவதூறுகளை நியாயப்படுத்தும் முயற்சிகள் அவ்வப்போது நடக்கின்றன.

முதலில் முகம்மது நபிகளின் பால்ய வரலாற்றை நோக்கினால், அது போன்ற உடலியல் கோளாறுகள் இருந்திருக்கவில்லை. (முஹம்மது நபியைத்தவிர மற்ற எவருக்கும் இந்த அளவுக்கு வரலாற்றில் அனைத்து சம்பவங்களுக்கும் ஆதாரங்கள் இருப்பதில்லை. குறிப்பாக நம்பிக்கை சார்ந்த விஷயங்களில் ஒருவரின் செயல்பாடுகளை எடைபோட அவரின் பிற செயல்களுடன் ஒப்பிட்டு ஓரளவு அனுமானிக்க முடியும்.)

முஹம்மது நபியின் முழு வாழ்க்கை வரலாற்றையும் நோக்கினால் மிகுந்த உடல் நலத்துடனேயே இருந்திருக்கிறார்கள். சிறு வயதில் வலிப்பு நோய் இருந்தது என்பதற்கு எந்த குறிப்பும் காணப்படவில்லை. முஹமது நபி (epilepsy) வலிப்பு நோயால் அவதிப்பட்டார் என்று குற்றம்சாட்டுவதன் மூலம் அவரால் எடுத்தோதப்பட்ட குர்ஆன் வரிகள் அந்நோயின் வெளிப்பாடு என குற்றம் சொல்லமுடியும் என டாக்டர் சோமர்ஸ் மற்றும் டாக்டர் சர். வில்லியம் மாயிர் ஆகியோர் முனைந்தனர். இவர்களின் அனுமானத்திற்கு நபிகளாரின் வாழ்க்கையில் எந்த ஆதாரமும் இல்லை என பலமுறை நிரூபிக்கப்பட்டுள்ளது.

மேலும் பிரபல WebMD என்ற மருத்துவ தளத்தில் வலிப்பு நோய் பற்றிய குறிப்பில்,

"Epilepsy is a neurological disorder and has nothing to do with your mental capabilities, but there can be a stigma associated with the diagnosis."

Epilepsy is not necessarily a lifelong diagnosis; many people recover on their own, and this could happen to you. Even if it doesn"t, you are in good company: Many great figures from history -- among them Alexander the Great and Julius Caesar -- had epilepsy. - Yours in health,Jacqueline Brooks, MD" அறிய முடிகிறது. இதன் மூலம் வலிப்பு நோய் என்பது தற்காலிகாமானதும், அசாதாரண குறைபாடாக இருந்தாலும் இது ஒருவரின் ஆளுமையை பாதிப்பதில்லை என்பதை அறிய முடிகிறது.

வலிப்பு நோயால் பாதிக்கப்பட்டு வரலாற்றில் சிறப்பான இடத்தைப் பெற்றவர்கள் பலர் இருக்கும்போது இந்த அரைகுறை ஞானிகளுக்கு இத்தகைய பொய்யை சொல்வதில் எந்த வெட்கமும் இருப்பதில்லை.

அவர்களில் ஒரு சிலரை குறிப்பிடலாம். இயேசு கிறிஸ்துவிற்கு பின் கிறிஸ்தவத்தை நவீனப்படுத்திய St. Paul, உலக மகா வீரர்கள் Alexander the Great, Julius Caesar, Joan of Arc, Napoleon Bonaparte, Dante, Flaubert, Paganini, Tennyson, Byron, Charles Dickens, Fydor Dostoyevsky, Molière, Lewis Carroll, Agatha Christie, Handel, யூத இசை ஞானி Beethoven, Vincent Van Gogh, அறிவியலாரளர்கள் Isaac Newton, Alfred Nobel, Richard Burton. இதில் முஹம்மது நபியின் பெயர் இல்லை என்பதன் மூலம் டாக்டர். சோமர்ஸ் மற்றும் வில்லியம் மாயிர் வரலாற்றை அறிந்திருக்கவில்லை அல்லது டாக்டர் எல்ஸ்ட் தனக்கு சாதகமான அம்சங்களை வைத்து முஹம்மது நபியின் மீது அத்தகைய குற்றச்சாட்டை வைத்திருக்கிறார் என்பது புலப்படுகிறது.

http://my.webmd.com/content/pages/11/1812_5085
http://www.bismikaallahuma.org/Muhammad/epilepsy.htm#notes
http://www.islamonline.net/English/In_Depth/mohamed/1424/misconception/article02.shtml
http://www.epilepsy.com/epilepsy/famous.html
http://www.epilepsyfoundation.org/local/michigan/famouspeople.cfm
http://en.wikipedia.org/wiki/Epilepsy

oooOOooo
[ குர்ஆன் ]

இஸ்லாத்தின் மீது கொண்ட மிகையான அச்சத்தினால் அதன் அடிப்படையான இறைவேதத்தின் வெளிப்பாட்டை ஆராய்கிறோம் என்ற போர்வையில் ஆராய்வோரும் குர்ஆனில் நல்ல கருத்துக்கள் இருக்கின்றன என்று ஒப்புக் கொள்ளும் அதேநேரம், அதன் வெளிப்பாட்டின் மீது ஐயம் கிளப்புபவர்கள் / ஐயம் கொண்டவர்களின் சந்தேகங்களை தெளிவு படுத்துவதும் அவசியம்.

quranமுஹம்மது நபியவர்கள் இறை வேதம் அருளப்படும் முன்னர் பெற்றிருந்த நற்பெயராலும், நாணயத்தாலும் குர்ஆன் அருளப்பட்ட காலங்களில் இருந்த மக்களுக்கு அதன் வெளிப்பாட்டில் சந்தேகம் சிறிதும் இருக்கவில்லை. எழுதப் படிக்க அறிந்திராத முஹம்மது நபி குர்ஆனை எழுதி இருப்பார் என்ற ஐயம் அவர்களுக்கு கிஞ்சிற்றும் இருந்திருக்க வில்லை. அன்றைய கால நம்பிக்கையின் படி, நிச்சயம் முஹம்மது ஒரு கைதேர்ந்த மந்திர ஜாலம் செய்யும் வித்தைகாரர் என்ற அளவிற்கே அவர்களின் சந்தேகம் சுழன்றது.

நியாயமாக சிந்தித்தால் குர்ஆன் கீழ்கண்ட மூன்று வழிகளில் மட்டுமே வந்திருக்க வாய்ப்புண்டு.

1) முஹம்மது நபி அல்லாத வேறொரு அராபியரால் எழுதப்பட்டிருக்க வேண்டும்.

2) முஹம்மது நபியால் எழுதப்பட்டிருக்க வேண்டும்.

3) அல்லாஹ்வால் எழுதப்பட்டிருக்க வேண்டும்

குர்ஆனிய வசனங்களில் நிறைந்திருக்கும் இலக்கிய ஆளுமை, கருத்துச் செறிவு, கவிதை நடை இவற்றைக் கொண்டு பார்க்கும் போது மேற்கண்ட காரணங்களில் ஏதாவது ஒன்றன்றி வேறு வழியில் குர்ஆன் எழுதப்பட்டிருக்க வாய்ப்பில்லை.

அரபி மொழியின் வரலாற்றை உற்று நோக்கினால் குர்ஆன் அருளப்பட்ட காலத்தில்தான் அதன் மொழியாளுமையும் செழுமையும், வார்த்தைகளின் தெரிவும் உச்சகட்டத்தில் இருந்தன. அராபிய மொழியில் புலமைபெற்ற எவரும் குர்ஆன், அரபியர் அல்லாத ஒருவரால் எழுதப்பட்டிருக்க வாய்ப்பே இல்லை என அறுதியிட்டுக் கூறுவர்.

அரபி மொழியில் புலமை பெற்ற, தேர்ந்த கல்வியறிவுள்ள, கவித்துவ சிந்தனையுடன் இலக்கண சொல்லாளுமையாக நயமான வார்த்தைகளால் சொல்ல வரும் கருத்தை வெளிப்படுத்தும் யுக்தியறிந்த அராபிய தீபகற்பத்தை நன்கு அறிந்த, மேற்கத்திய கிழக்கத்திய நாகரிகங்களில் ஞானம் உள்ள, இன்றும் பொருந்தக்கூடிய கருத்துக்களுடன் காலத்தால் மாற்ற முடியாத சிந்தனை சக்தி படைத்த ஒருவரால்தான் குர்ஆன் வெளிப்பட்டிருக்கக் கூடும்.

கி.பி.ஆறாம் நூற்றாண்டில்தான் அராபிய இலக்கியம் அதன் உச்ச கட்டத்தில் இருந்தது. யூதர்களுக்கான இறைத்தூதுவர் மூசா நபி (Moses) காலத்தில் அச்சமூகத்தினர் சூன்ய வித்தைகளில் கைதேர்ந்தவர்களாக இருந்தார்கள். அதனால்தான் இறைவன் வழங்கிய அற்புதங்களைக் கொண்டு அம்மக்களை அல்லாஹ்வின்பால் அழைத்தார்கள்.

கிறிஸ்தவ சமூகத்திற்கு இறைத்தூதராக வந்த ஈசா நபி (Jesus) காலத்தில் அவரின் சமூக மக்கள் மருத்துவங்களில் அற்புதம் செய்து வந்தார்கள். அன்றைய மருத்துவத் துறைக்கு சவாலாக இயேசுவின் பிறப்பும் அவர் செய்த நோய் தீர்க்கும் அற்புதங்களையும் கொண்டு அவர் அல்லாஹ்வின்பால் மக்களை அழைத்தார்.

முஹம்மது நபி இஸ்லாத்தை அறிமுகப்படுத்திய போது அரபுலகம் இலக்கிய மோகத்தில், தங்கள் கடவுள், குலம் பற்றிய கவிதைகளை கவித்துவமான வார்த்தைகளைக் கொண்டு படைக்கப்பட்ட கவிதைகளால் சிறந்து விளங்கினார்கள். ஆகவேதான் குர்ஆன் அவற்றையெல்லாம் விஞ்சும் இலக்கிய நயத்துடன் அருளப்பட்டது.

குர்ஆன் ஏற்படுத்திய சமூக மாற்றத்தை வைத்துப் பார்க்கும் போதும், பரம்பரை பரம்பரையாக எதிரிகளாக இருந்த ஒட்டு மொத்த சமூகத்தின் எண்ண ஓட்டத்தையே புரட்டிப்போட்ட புரட்சிக்கு ஓர் இலக்கிய நயமிக்க வேதம் காரணமாக இருந்தது என்பதை வைத்துப் பார்க்கும் போதும், அரபி அல்லாத ஒருவரால் நிச்சயம் குர்ஆன் எழுதப்பட்டிருக்காது என்பதற்கு அதன் இலக்கிய நயமும், சொல்லப்பட்ட உவமானங்களுமே சாட்சியாகும்.

ஆக, அரபி நன்கு அறிந்த ஒருவரால்தான் குர்ஆன் உருவாகியிருக்க வேண்டும் என்பதைத் தவிர வேறு மாற்றுக் கருத்து இல்லை என்ற கண்ணோட்டத்தில் குர்ஆனின் வெளிப்பாட்டை அணுகுவோம்.

1) முஹம்மது நபி அல்லாத வேறொரு அராபியரால் எழுதப்பட்டதா?

குர்ஆனின் கட்டளைகள் நேரிடையானவை (Straightforward) அவை அன்றைய பாகன் அராபிய சமூகப் பழக்க வழக்கங்களை சாடியே சொல்லப்பட்டுள்ளன. அவர்கள் போற்றி பூஜித்து வந்த கடவுள்களையும் மூடப்பழக்கவழக்கங்களையும் சாடியே பெரும்பாலான வசனங்கள் இருக்கின்றன.

பரம்பரை பரம்பரையாக ஆராதித்து வணங்கி குலப்பெருமை பேசி வந்த மக்களின் பழக்க வழக்கங்களையும், மிருகங்களை விட கேவலமாக மதிக்கப்பட்ட பெண்களின் நிலையை உயர்த்தியும், தன் சமூகத்திற்கு எதிரான கருத்துக்களைச் சொல்ல வேண்டிய நிர்ப்பந்தம் அன்றைய எந்த அராபியருக்கும் இருந்திருக்கவில்லை. ஒரு சமயம் முஹம்மது அல்லாத வேறொருவர் குர்ஆனை எழுதி இருந்தால், அன்றைய மக்களால் எளிதில் ஏற்றுக் கொள்ளக் கூடிய கருத்துக்களைக் கொண்டே குர்ஆனை எழுதி இருப்பார்.

குர்ஆனின் உள்ளடக்கத்தைப் பார்த்தால் அன்றைய சமூகத்தில் மலிந்து கிடந்த பழக்க வழக்கங்களான பெண் சிசுக்கொலை, புறம் பேசுதல், இட்டுக் கட்டுதல், அவமானகரமான பட்டப்பெயரிட்டு அழைத்தல் மற்றும் வட்டி, அநீதியான வியாபாரம் (உ.ம்: ஒரு பொருளை தொட்டு விலை பேசினால் அதை கண்டிப்பாக வாங்கியே ஆக வேண்டும் மற்றும் சந்தையில் ஒரு பொருளை வீசுவார்கள் அது யார் மேல் விழுகிறதோ அதை அவர் கட்டாயம் வாங்கியே ஆக வேண்டும்.) இவற்றை எதிர்த்தே இருக்கிறது.

குர்ஆன் அருளப்பட்டக் காலத்தில்தான் அராபியர்கள் மூடப்பழக்க வழகங்களிலும், சமூக அநாகரிகங்களிலும் திளைத்திருந்தார்கள். அம்மக்களின் செயலைச் சாடி ஒருவரால் நிச்சயம் குர்ஆன் போன்ற வேதத்தை எழுதுவதை விட அவர்களைப் பாராட்டி எழுதி இருந்தால் எளிதில் ஏற்றுக் கொள்ளப் பட்டிருக்கும். அல்லாஹ் என்ற ஓரிறையை வலியுறுத்துவதை விட அன்றைய தெய்வங்களை புகழ்ந்திருந்தால் அம்மக்களால் இலக்கியத்திற்கான இன்றைய நோபல் பரிசைவிடவும் அதிகமான பரிசுகள் கிடைத்திருக்கும்.

சமூகத்தில் புரட்சி சிந்தனையுடைய ஒரு குழுவினரால் அல்லது தனி நபரால் எழுதப்பட்டிருக்குமா என்றால் அதுவும் இல்லை என்பதே பதில். குர்ஆனைப் படித்தோமேயானால் அதில் முன் அட்டையிலோ அல்லது முன்னுரையிலோ அல்லது உவமானங்களிலோ எந்த நபரின் பெயரும் குறிப்பிடப் படவில்லை.

புரட்சி சிந்தனையுடைய எவரும் தன் பெயரை பகிரங்கமாக வெளிக்காட்டிக் கொள்ளத் தயங்குவதில்லை. இன்றைய இசங்களெல்லாம் அவர்களின் பெயராலேயே அறியப்படுகின்றன (மார்க்ஸியம், லெனினியம் போன்றவை) ஆனால் குர்ஆன் வசனங்களோ அவை அல்லாஹ்வால் அனுப்பப் பட்டவை என்றே சொல்கிறது.

குர்ஆன் மட்டுமே தன்னை மனிதர் யாரும் எழுதவில்லை என்று அறுதியிட்டுக் கூறுகிறது.

அகிலத்ததாருக்கெல்லாம் இறைவனிடமிருந்து (இது) இறக்கியருளப்பட்டதாகும். அன்றியும், நம்மீது சொற்களில் சிலவற்றை இட்டுக் கட்டிக் கூறியிருப்பாரானால் -அவருடைய வலக்கையை நாம் பற்றிப் பிடித்துக் கொண்டு- பின்னர், அவருடைய நாடி நரம்பை நாம் தரித்திருப்போம். அல்குர்ஆன் 69:44

அவர்கள் மீது தெளிவான நம் வசனங்கள் ஓதிக் காண்பிக்கப்பட்டால், நம்முடைய சந்திப்பை நம்பாதவர்கள், "இது அல்லாத வேறு ஒரு குர்ஆனை நீர் கொண்டு வாரும் அல்லது இதை மாற்றிவிடும்" என்று கூறுகிறார்கள். அதற்கு "என் மனப் போக்கின்படி அதை நாம் மாற்றிவிட எனக்கு உரிமையில்லை, என் மீது வஹீயாக அறிவிக்கப்படுபவற்றைத் தவிர வேறெதையும் நான் பின்பற்றுவதில்லை, என் இறைவனுக்கு நான் மாறு செய்தால், மகத்தான நாளின் வேதனைக்கு (நான் ஆளாக வேண்டும் என்பதை) நான் நிச்சயமாக பயப்படுகிறேன்" என்று (நபியே!) நீர் கூறுவீராக. அல்குர்ஆன் 10:15

(நபியே!) நாம் ஒரு வசனத்தை மற்றொரு வசனத்தின் இடத்தில் மாற்றினால், (உம்மிடம்) "நிச்சயமாக நீர் இட்டுக்கட்டுபவராக இருக்கின்றீர்" என்று அவர்கள் கூறுகிறார்கள்: எ(ந்த நேரத்தில், எ)தை இறக்க வேண்டுமென்பதை அல்லாஹ்வே நன்கறிந்தவன், எனினும் அவர்களில் பெரும்பாலோர் (இவ்வுண்மையை) அறிய மாட்டார்கள். அல்குர்ஆன் 16:101

வரலாற்றில் இதுவரை யாரும் நான்தான் குர்ஆனை எழுதினேன் என்று இதுவரை உரிமை கோர முடியவில்லை. கோரவும் முடியாது. இதுவரை குர்ஆனின் எந்த பதிப்பிலும் எழுதியவர் என்று ஒருவரின் பெயர் இல்லை. குர்ஆனை எழுதியதாக சுட்டிக்காட்டப் பட்ட நபர் ஒருவர் வரலாற்றில் உண்டென்றால் அது முஹம்மது நபி மட்டுமே. அதுவும் சமகாலத்து முஸ்லிம் அல்லாத அரபியர்களால் / எதிரிகளால் சொல்லப்பட்ட குற்றச்சாட்டாகும். குர்ஆனை ஏற்க மறுக்கும் வரலாற்று ஆய்வாளர்கள் கூட குர்ஆன் முஹம்மது என்ற அரபியரால் எழுதப்பட்டிருக்கக் கூடும் என்றே அனுமானிக்கின்றனர்.

2) முஹம்மது நபியால் எழுதப்பட்டதா?

இந்த வாதம் அடிப்படையிலே அடிபட்டு போகிறது. ஏனெனில் முஹம்மது நபியின் வரலாற்றைப் பார்த்தோமேயானால் சாதாரண கல்வியறிவில்லாத எழுதப்படிக்க தெரிந்திராத பாமர அரபி. கல்வியறிவில்லாத ஒருவரால் நிச்சயம் கவித்துவமான, கட்டமைப்புள்ள நயமான உவமானங்களுடன் நிச்சயம் இது போன்ற இலக்கியத்தரம் வாய்ந்த நூலை எழுதி இருக்க முடியாது.

7:157 எவர்கள் எழுதப்படிக்கத் தெரியாத நபியாகிய நம் தூதரைப் பின்பற்றுகிறார்களோ

7:158 .....ஆகவே, அல்லாஹ்வின் மீதும், எழுதப்படிக்கத்தெரியா நபியாகிய அவன் தூதரின் மீதும் ஈமான் கொள்ளுங்கள், அவரும் அல்லாஹ்வின் மீதும் அவன் வசனங்களின் மீதும் ஈமான் கொள்கிறார் - அவரையே பின்பற்றுங்கள், நீங்கள் நேர்வழி பெறுவீர்கள்."

முஹம்மது நபி இஸ்லாத்தைச் சொல்லும் முன்னர் எந்த ஒரு கல்வியும் கற்றதில்லை. முஹம்மது நபியின் ஆசிரியராக இருந்ததாக எந்த ஒரு அரபியும் சொல்லிக் கொண்டதில்லை. முஹம்மது நபியும் கூட தனக்கு எந்த ஆசிரியரும் இல்லை என்றே சொல்கிறார். அவரின் சம காலத்து மக்களும் இன்னும் சொல்லப் போனால் இஸ்லாத்தை எதிர்த்தவர்களின் ஆவேசத்திற்கு தங்களை விட கல்வியறிவு அறவே இல்லாத ஒருவரால் தங்கள் கொள்கைகள் ஏளனம் செய்யப்படுகின்றன என்ற ஆதங்கமே மிகைத்திருந்தது.

1400 வருடங்களுக்கு முன் இருந்த கல்வியறிவில்லாத ஒரு பாமர அரபியால் சமீபகாலத்தில் அறிவியலால் ஒப்புக் கொள்ளப்பட்ட கருவியல், வானவியல், கடலியல் கருத்துக்களை நிச்சயம் சொல்லி இருக்க முடியாது. உதா. கருவின் படிநிலை பற்றிய அறிவியல் உண்மைகள் 19 ஆம் நூற்றாண்டின் இறுதியில்தான் கண்டுபிடிக்கப்பட்டன. ஆனால் குர்ஆன் மிகவும் துல்லியமாக, எந்த அளவுக்கென்றால் நுண் பெருக்கிகளால் மட்டுமே காண முடிந்த உண்மைகளை சர்வ சாதாரணமாகச் சொல்கிறது. (பார்க்க கருவியல், வானவியல்  கட்டுரைகள்).

குர்ஆன் அருளப்பட்ட காலம் இலக்கிய நயத்திலும் புலமையிலும் சொல்லாட்சியிலும் சிறந்து விளங்கிய அரபுக்கள் நிறைந்திருந்த காலம். குர்ஆனை விட உயரிய கவித்துமான வசனங்களை முடிந்தால் கொண்டுவாருங்கள் என்று பகிரங்க சவாலுடன் தான் குர்ஆன் அன்றைய அரபிய இலக்கியவாதிகளிடம் கொண்டு செல்லப்பட்டது.

கல்வியறிவில்லாத ஒருவர் நிச்சயம் இந்த சவாலைத் தவிர்க்கவே விரும்பி இருப்பார். அந்த சவாலும் இன்றுவரை எதிர் கொள்ளப்படாதன் மூலம் குர்ஆனின் தனித்துவமிக்க இலக்கிய ஞானம் வெற்றி கொள்ள முடியாதது என்றுதானே அர்த்தம்?

குர்ஆனைப் பொய்யாக்க முஹம்மது நபியைக் கொல்லவோ அல்லது அவர்தம் தோழர் சமூகத்தாரை போரிட்டு அழிக்கவோ செய்வதை விட அன்றைய இலக்கிய ஞானம் பெற்ற அரபிக்களுக்கு குர்ஆனைப் போல் ஒரு நூலைப் படைப்பது சாதாரண காரியமாக இருந்திருக்கும். ஆனால் எந்த புலவனும் இதற்கு முன்வரவில்லை. ஒரு கல்வியறிவில்லாத ஒருவரால் நிச்சயம் குர்ஆனைப் போன்ற நூலை படித்திருக்க முடியாது என்பது இதன் மூலம் புலனாகிறது.

மேலும் பெரும்பாலான சமூகத்தவரால் நிச்சயம் எதிர்க்கப்படும் கொள்கை எனத் தெரிந்திருந்தும். அதனால் ஒட்டுமொத்த அரபுப் பிரதேசத்தையும் பகைத்துக் கொண்டு நாடோடி வாழ்க்கை வாழ்ந்து ஒரு கொள்கையைச் சொல்ல வேண்டிய அவசியம் முஹம்மது நபிக்கு இருந்திருக்கவில்லை.

பாகன் அரபிகளின் தெய்வங்களை ஏற்றுக் கொண்டிருந்தால் அழகு மங்கைகளும், செல்வக் குவியல்களையும் கொண்டு வந்து காலடியில் போட அன்றைய செல்வந்தர்கள் தயாராகவே இருந்தனர். தன் குடும்பம், சமூகம், நண்பர்கள் இளமை முதல் பாதுகாத்து பெற்று வந்த நற்பெயர் இவற்றை இழந்து அம்மக்களுக்கு எதிரான கொள்கையைச் சொல்ல வேண்டிய அவசியமும் இருந்திருக்கவில்லை.

பிரபல குர்ஆன் ஆராய்ச்சியாளர் மற்றும் அறிஞர் அஹமத் தீதாத் அவர்கள் சொல்வதாவது: குர்ஆனில், இயேசுவின் தாயைப்பற்றி சொல்லும் போது

3:42 (நபியே! மர்யமிடத்தில்) மலக்குகள். மர்யமே! நிச்சயமாக அல்லாஹ் உம்மைத் தேர்ந்தெடுத்திருக்கின்றான். உம்மைத் தூய்மையாகவும் ஆக்கியிருக்கிறான். இன்னும் உலகத்திலுள்ள பெண்கள் யாவரையும் விட (மேன்மையாக) உம்மைத் தேர்ந்தெடுத்து இருக்கின்றான்"

உலகத்திலுள்ள பெண்களிலெல்லாம் தூய்மையான/மேன்மையானவராக மர்யமை அல்லாஹ் தேர்ந்தெடுத்திருக்கிறான் என்று சொல்லப்படுகிறது. இது போன்ற மரியாதை கிறிஸ்தவர்களின் பைபிளில் கூட காணப்படவில்லை!

குர்ஆன் அல்லாஹ்வால் அருளப்படவில்லை என்று சொல்பவர்களிடம், "முஹம்மது ஒரு அரபியர் என்பதை ஒப்புக் கொள்கிறீர்களா என்று கேட்கப்பட்டால், குதர்க்கமும் விதண்டாவாதமும் செய்பவரைத் தவிர மற்றவர்கள் ஒப்புக் கொள்வர். இந்த அடிப்படை உண்மையை ஏற்காதவரிடம் விவாதிப்பதில் பயனில்லை. முஹம்மது நபியவர்கள் ஓர் அரபியர்தான் என்பதைக் குறைந்த பட்ச வரலாற்று அறிவு கொண்ட எவரும் மறுக்க முடியாது.

முஹம்மது நபி தன் சமூகத்தவரையே, குலத்தைவரையே விளித்து பெரும்பாலான குர்ஆனின் கட்டளைகளைச் சொல்கிறார். அவர்கள் ஒப்புக் கொண்டாலும் ஒப்புக் கொள்ளாவிட்டாலும் அன்னை மர்யமின் தூய்மையையும் மேன்மையையும் அன்றைய கிறிஸ்தவர்களிடமும் யூதர்களிடமும் அடிக்கோடிட்டும் ஆணித்தரமாகவும் உள்ளப்பூர்வமாக அறிவிக்கப்பட்டதைச் சொல்கிறார்.

நன்கு கவனிக்க வேண்டும் உலகப் பெண்களில்லாம் தூய்மையானவராக / மேன்மையானவராகச் சொல்லப்படுவது தன்னை ஈன்ற தாயையோ அல்லது தன் இன்பத்திலும் துன்பத்திலும் பங்கெடுத்த மனைவி கதீஜாவையோ அல்லது அருமை மகள் பாத்திமாவையோ அல்ல. மாறாக யூதர் குலத்துப் பெண்ணான இயேசுவின் தாயாகிய அன்னை மர்யமைச் சொன்னார்.

தன் அன்னையை விட அல்லது தன் இல்லாளைவிட அல்லது தன் மகளை விட தனக்குச் சம்பந்தமே இல்லாத இன்னும் சொல்லப்போனால் எதிரியின் குலத்தைச் சேர்ந்த பெண்ணை இந்த அளவுக்கு உயர்வாகச் சொல்ல வேண்டிய தேவை முஹம்மது நபிக்கு இருந்திருக்கும் என்று நியாயமான மனம் படைத்த எவரும் சொல்லமாட்டார்.

ஜாதிய குலப்பெருமை பேசி வந்த சமூகத்தில் பிறந்த எவரும் தன் இனத்தவரை தன் எதிரியின் இனத்தவரை விட உயர்வாகச் சொல்வார் என எந்த அறிவுள்ளவராலும் ஏற்க முடியாது. அதற்கு இருந்த ஒரே காரணம் முஹம்மது நபி இறைவனிடமிருந்த தனக்கு அறிவிக்கப்பட்டவற்றை மட்டுமே சொல்ல பணிக்கப்பட்டார்.

ஆக மூன்றாவது காரணம் மட்டுமே நம்மிடம் இருக்கிறது. அதாவது அல்லாஹ்வால் அருளப்பட்டது. இதற்கான ஆதாரங்களை குர்ஆனிலிருந்தே பார்ப்போம்.

அ) சுயபிரகடனம்:

4:82 அவர்கள் இந்த குர்ஆனை (கவனமாக) சிந்திக்க வேண்டாமா, (இது) அல்லாஹ் அல்லாத பிறரிடமிருந்து வந்திருந்தால், இதில் ஏராளமான முரண்பாடுகளை அவர்கள் கண்டிருப்பார்கள்.

ஆ) சவால்

2:23 இன்னும், (முஹம்மது (ஸல்) என்ற) நம் அடியாருக்கு நாம் அருளியுள்ள (வேதத்)தில் நீங்கள் சந்தேகம் உடையோராக இருப்பீர்களானால், (அந்த சந்தேகத்தில்) உண்மை உடையோராகவும் இருப்பீர்களானால் அல்லாஹ்வைத்தவிர உங்கள் உதவியாளர்களை (யெல்லாம் ஒன்றாக) அழைத்து (வைத்து)க்கொண்டு இது போன்ற ஓர் அத்தியாயமேனும் கொண்டு வாருங்கள்.

2:24 (அப்படி) நீங்கள் செய்யாவிட்டால்-அப்படி செய்ய உங்களால் திண்ணமாக முடியாது- மனிதர்களையும் கற்களையும் எரிபொருளாகக் கொண்ட நரக நெருப்பை அஞ்சிக் கொள்ளுங்கள்.

10:38 இதை (நம் தூதராகிய) அவர் கற்பனை செய்து கொண்டார் என அவர்கள் கூறுகின்றார்களா? (நபியே!) நீர் கூறும்: "நீங்கள் (உங்கள் கூற்றில்) உண்மையாளர்களாக இருந்தால், இதிலுள்ளதைப் போல் ஓர் அத்தியாத்தைக் கொண்டு வாருங்கள்,அல்லாஹ்வையன்றி உங்களால் சாத்தியமானவர்களை (உங்களுக்கு உதவி செய்ய) அழைத்துக் கொள்ளுங்கள்!" .

11:13 அல்லது "இ(வ் வேதத்)தை அவர் பொய்யாகக் கற்பனை செய்து கொண்டார்" என்று அவர்கள் கூறுகிறார்கள்? "(அப்படியானால்) நீங்களும் இதைப் போன்ற கற்பனை செய்யப்பட்ட பத்து அத்தியாயங்களை கொண்டு வாருங்கள் - நீங்கள் உண்மையாளர்களாக இருந்தால்! அல்லாஹ்வைத் தவிர்த்து உங்களுக்கு சாத்தியமான எல்லோரையுமே (இதற்குத் துணை செய்ய) அழைத்துக் கொள்ளுங்கள்" என்று (நபியே!) நீர் கூறுவீராக.

17:88 "இந்த குர்ஆனை போன்ற ஒன்றைக் கொண்டுவருவதற்காக மனிதர்களும் ஜின்களும் ஒன்று சேர்ந்து (முயன்று), அவர்களில் ஒரு சிலர் சிலருக்கு உதவிபுரிபவர்களாக இருந்தாலும், இது போன்ற ஒன்றை அவர்கள் கொண்டு வரமுடியாது" என்று (நபியே) நீர் கூறும்.

நிச்சயமாக இதில் சிந்திக்கக் கூடியவர்களுக்குப் பல படிப்பினைகள் உள்ளன.

oooOOooo
[ குர்ஆன் அருளப்பட்ட விதம் ]

முஸ்லிம்களுக்கும் இஸ்லாம் பரவத்தொடங்கிய காலத்தில் இருந்த முஹம்மது நபியின் சமூக மக்களுக்கும்  திருக்குர்ஆன் அருளப்பட்ட விதத்தில் எவ்வித சந்தேகமும் இருந்திருக்கவில்லை. இறைவனுக்கும் அவனின் தூதுவருக்கும் இருந்த தொடர்பு பற்றிய ஐயங்கள் இஸ்லாத்தை ஏற்ற மக்களுக்கு தேவையற்ற ஒன்றாக இருந்திருக்கிறது.

குர்ஆன் முஹம்மது நபியின் சமூகத்தவர் ஐயம்தவிர்த்து நம்பும் வகையிலேயே அருளப்பட்டது. வஹீ வரும் முன்னரும் வஹீ வந்த பின்னரும் இருந்த அனைத்து நிகழ்வுகளும் வரலாற்றில் ஆதாரங்களுடன் இருப்பதால் முஸ்லிம்களுக்கும் உண்மையை தேடுவோருக்கும் எவ்வித ஐயமும் இல்லை. குர்ஆன் புத்தகமாக அருளப்பட்டதா? அல்லது யாரும் அறியாத விதத்தில் வஹீ அருளப்பட்டதா என்றால் அதுவும் இல்லை.

வஹீ அருளப்பட்ட சூழலில் மனைவியரும் இன்னும் நபித்தோழர்களும் சாட்சியாக இருந்ததால், அதன் வெளிப்பாட்டில் அவர்களுக்கு ஐயம் ஏற்படவில்லை.

திருக்குர்ஆன், குறிப்பிட்ட தலைப்புகளின் கீழ் செய்திகள் வடிவமைக்கப்பட்ட நூல் அல்ல. மாறாக 23 ஆண்டுகளில் பல்வேறு சூழ்நிலைகளுக்கு ஏற்ப இறைவனால் கூறப்பட்ட அறிவுரைகளின் தொகுப்பு என்பதைக் கவனத்தில் கொள்ள வேண்டும்.

நல்லொழுக்கமுள்ள அறிவுள்ள தந்தை தன் மகனுக்குப் பல்வேறு சந்தர்ப்பங்களில் அறிவுரை கூறுகிறார். இவ்வாறு அவர் பத்து ஆண்டுகளில் கூறிய அறிவுரைகளை நாம் தொகுத்தால் அது எவ்வாறு அமைந்திருக்கும்?

1) இதில் முதல் வருடம் கூறிய அறிவுரைகளில் சிலவற்றை மறு வருடமும் அவர் கூறியிருப்பார்.

2) சில அறிவுரைகளை ஏழெட்டு தடவை கூட கூறியிருப்பார்.

3) சில அறிவுரைகளை ஒரே ஒரு தடவை தான் கூறியிருப்பார்.

4) செய்தியின் முக்கியத்துவத்தின் காரணமாக இவ்வாறு திரும்பத் திரும்பக் கூறியிருக்கலாம். அல்லது கூறப்பட்ட அறிவுரையை மகன் சரியாகக் கடைபிடிக்காத போதும் மறுபடியும் கூறியிருப்பார்.

இதே போன்ற காரணங்களால் தான் திருக்குர்ஆனிலும் சில விஷயங்கள் திரும்பத் திரும்பக் கூறப்பட்டுள்ளன. தந்தை மகனுக்குக் கூறிய பத்து வருட அறிவுரைகளைத் தொகுத்துப் பார்த்தால் அது எந்தத் தலைப்பின் கீழும் வரிசைப்படுத்திக் கூறப்பட்டதாக இருக்காது.

முதல் நாளில் மகன் கோபமாக இருப்பதைக் கண்டு பொறுமையைப் பற்றிப் பேசுவார். அடுத்த நாளில் பரீட்சை என்றால் படிப்பதன் அவசியம் பற்றிக் கூறுவார். மறுநாள் மகன் சரியாக சாப்பிடவில்லையானால் உணவு உட்கொள்வது பற்றிப் போதனை செய்வார். அதற்கும் மறுநாள் தாயை மகன் எதிர்த்துப் பேசுவதைக் காணும் போது அது பற்றி அறிவுரை கூறுவார்.

முதலில் இந்தத் தலைப்பிலான விஷயங்களைக் கூறிவிட்டு, அடுத்து வேறு தலைப்பை எடுத்துக் கொள்வோம் என்றெல்லாம் திட்டமிட்டு தந்தை மகனுக்குத் அறிவுரை கூறுவதில்லை. மகனுக்கு தேவைப்படும் செய்திகளைத் தேவையான அளவுக்குக் கூற வேண்டும் என்பது மட்டுமே அவரது திட்டமாக இருக்கும். இது போலவே திருக்குர்ஆனும் பல அறிவுரைகளைக் கூறியுள்ளது.

எனவே திருக்குர்ஆனில் சில செய்திகள் திரும்பத் திரும்ப கூறப்படுவதையும், குறிப்பிட்ட ஒரு தலைப்பின் கீழ் அதன் செய்திகள் அமையாமல் இருப்பதையும் முன்னர் கூறப்பட்டது பிறகு மாற்றப்பட்டதையும் காணலாம். பொதுவாக எழுத்துக்களுக்கும் பேச்சுக்களுக்கும் இடையே பல வேறுபாடுகளைக் காணலாம். இது மேடைப் பேச்சக்களில் மட்டும் இல்லை. வீட்டில் ஒருவர் தன் குடும்பத்தில் பேசும் பேச்சுக்களிலும் இந்தப் போக்கைக் காணலாம்.

ஆனால் எழுத்தில் இவ்வாறு யாரும் எழுத மாட்டோம். திருக்குர்ஆனைப் பொருத்த வரை அது எழுத்து வடிவில் அருளப்படவில்லை. மக்களை நோக்கிப் பேசும் ஒலி வடிவமாகவே அருளப்பட்டது. எனவே தான் திருக்குர்ஆனிலும் இது போன்ற போக்கை அதிக அளவில் காணலாம்.

"நீங்கள்" என்று முன்னிலையாகப் பேசிக் கொண்டே வந்து "அவர்கள்" என்று படர்க்கைக்கு மாறும். "பேச்சாக அருளப்பட்டு, எழுத்து வடிவமாக்கப்பட்டதே குர்ஆன்" என்பதே இதற்குக் காரணம்.

குர்ஆனின் சில முன்னறிவிப்புகள்

கஃபா (அபய பூமி)

('கஃபா என்னும்) வீட்டை நாம் மக்கள் ஒதுங்கும் இடமாகவும் இன்னும், பாதுகாப்பான இடமாகவும் ஆக்கினோம்..." அல்குர்ஆன் 2:125

"..எவர் அதில் நுழைகிறாரோ அவர் (அச்சம் தீர்ந்தவராகப்) பாதுகாப்பும் பெறுகிறார்; இன்னும் அதற்கு(ச் செல்வதற்கு)ரிய பாதையில் பயணம் செய்ய சக்தி பெற்றிருக்கும் மனிதர்களுக்கு அல்லாஹ்வுக்காக அவ்வீடு சென்று ஹஜ் செய்வது கடமையாகும்... அல்குர்ஆன் 3:197

நினைவு கூறுங்கள்! 'என் இறைவனே! இந்த ஊரை (மக்காவை சமாதானமுள்ளதாய்) அச்சந்தீர்ந்ததாய் ஆக்குவாயாக! என்னையும், என் மக்களையும் சிலைகளை நாங்கள் வணங்குவதிலிருந்து காப்பாற்றுவாயாக!" என்று இப்ராஹீம் கூறியதை (நபியே! நீர் அவர்களுக்கு நினைவு கூறும்). அல்குர்ஆன் 14:35

உலகில் முதன் முதலில் இறைவனை வணங்குவதற்காக எழுப்பபட்ட ஆலயம் கஃபா. இந்த ஆலயம் மக்களின் அபய பூமியாகத் திகழும் எனத் திருக்குர்ஆன் கூறுகிறது.

கஃபா, அபய பூமி என அறிவிக்கப்பட்டு 14 நூற்றாண்டுகளைக் கடந்து பின்பும், எத்தனையோ ஆட்சி மாற்றங்கள் நடந்த பின்பும் அது இன்றளவும் அபய பூமியாகவே அமைந்துள்ளது. 14 நூற்றாண்டுகளாக எந்தத் தாக்குதலுக்கும் உள்ளாகாத வரலாற்றுச் சிறப்புமிக்க ஆலயமாகவும் அது இருந்து வருகிறது. திருக்குர்ஆன் கூறியவாறு அது அபய பூமியாகவே நீடித்து வருவது திருக்குர்ஆன் இறைவனின் வார்த்தைகள் தாம் என்பதற்கச் சான்றாக அமைந்துள்ளது.

பாதுகாக்கபட்ட ஃபிர்அவ்னின் உடல்

எனினும் உனக்குப் பின்னுள்ளவர்களுக்கு ஓர் அத்தாட்சியாக இன்றைய தினம் நாம் உம் உடலைப் பாதுகாப்போம் நிச்சயமாக மக்களில் பெரும்பாலோர் நம் அத்தாட்சிகளைப்பற்றி அலட்சியமாக இருக்கின்றார்கள்" (என்று அவனிடம் கூறப்பட்டது). அல்குர்ஆன் 10:92


திருக்குர்ஆன் அருளப்பட்டு பல நூற்றாண்டுகள் கழிந்த பின் ஃபிர்அவ்னின் உடலைக் கண்டெடுத்து எகிப்து அருங்காட்சியகத்தில் வைத்துள்ளனர்.

ஃபிர்அவ்ன் மட்டுமின்றி அவனது படையினர் முழுவதும் மூழ்கடிக்கப்பட்டிருந்தும் திருக்குர்ஆன் கூறியவாறு அவனது உடல் மட்டும் மீட்கப்பட்டது. திருக்குர்ஆன் இறைவனின் வார்த்தை என்பதை நிருபிக்கும் சான்றாகும். பார்க்க

 எதிரிகள் தோற்கடிக்கப்படுவார்கள்

(நபியே!) உம்மை (உம்முடைய) பூமியிலிருந்து அடி பெயரச்செய்து, அதை விட்டும் உம்மை வெளியேற்றிவிட முனைகிறார்கள் ஆனால் அவர்களோ உமக்குப்பின்னர் சொற்ப நாட்களேயன்றி (அங்கு) தங்கியிருக்க மாட்டார்கள். அல்குர்ஆன் 17:76

அதிசீக்கிரத்தில் இக்கூட்டத்தினர் சிதறடிக்கப்பட்டுப் புறங்காட்டி ஓடுவர். அல்குர்ஆன் 54:45

நபிகள் நாயகம் (ஸல்) அவர்கள் மக்காவில் மிகவும் பலவீனமான நிலையில் இருந்தபோது இறுதி வெற்றி நபிகள் நாயகத்திற்கே கிடைக்கும், இவர்கள் புறங்காட்டி ஓடுவார்கள் என்று கூறப்படுகிறது.

வெற்றி பெறுவார்கள் என்பதற்க்கு எந்த அறிகுறியும் இல்லாத அந்தக் கால கட்டத்தில் இறைவனின் இந்த அறிவிப்பு சில வருடங்களிலேயே உண்மைப்படுத்தப்பட்டது.

திருக்குர்ஆன் இறை வேதம் என்பதற்குரிய சான்றுகளில் இதுவும் ஓன்றாகும்.

 மக்காவை நபிகள் நாயகம் வெற்றி கொள்வார்கள்

(நபியே!) நிச்சயமாக எவன் இந்த குர்ஆனை உம்மீது விதியாக்கினானோ, அவன் நிச்சயமாக உம்மைத் திரும்பிக் கொண்டு வந்து (மக்காவென்னும்) அம்மீளும் தலத்தில் சேர்ப்பிப்பான் என் இறைவன் நேர்வழியைக் கொண்டு வந்திருப்பவர் யார், வெளிப்படையான வழிகேட்டில் இருப்பவர் யார் என்பதை நன்கறிந்தவன்" என்று நீர் கூறுவீராக. அல்குர்ஆன் 28:85

நபிகள் நாயகம் (ஸல்) அவர்கள் மக்காவிலிருந்து உயிரைக் காப்பாற்றிக் கொள்ளுகின்ற நிலைக்கு தள்ளப்பட்டு வெளியேறினார்கள்.

இப்படி வெளியேற்றப்படும் ஒருவர் “வெளியேற்றிய ஊருக்கு வந்து அதை ஆள்வார் அவருக்குச் சாதகமான நிலை ஏற்படும்" என யாரும் கற்பனை கூட செய்ய முடியாது.

ஆனால் இவ்வசனம் நபிகள் நாயகம் (ஸல்) அவர்கள் மக்காவை விட்டு மதீனாவிற்குப் புறப்பட்டதைப் பற்றிப் பேசும் போது எந்த இடத்தை விட்டு விரட்டினார்களோ அந்த இடத்திற்குக் கொண்டு செல்வேன் என்று முன்னறிவிப்பு செய்கிறது. இந்த முன்னறிவிப்பை உலகறிய நபிகள் நாயகம் (ஸல்) அவர்களும் சொன்னார்கள்.

சில வருடங்களிலேயே விரட்டப்பட்ட ஊருக்குச் சென்று அதை வெற்றி கொண்டு அவ்வூரைத் தம் வசப்படுத்திய இந்த நிகழ்ச்சியை, விரட்டப்படும் போதே திருக்குர்ஆன் முன்னறிவிப்பாகச் சொல்லியிருப்பது திருக்குர்ஆன் இறைவேதம் தான் என்பதற்கு மற்றொரு சான்றாக எடுத்துக் கொள்ளலாம்.

 அபூலஹபின் அழிவு

அபூலஹபின் இரண்டு கைகளும் நாசமடைக; அவனும் நாசமாகட்டும். அவனுடைய பொருளும், அவன் சம்பாதித்தவையும் அவனுக்குப் பயன்படவில்லை. விரைவில் அவன் கொழுந்து விட்டெரியும் நெருப்பில் புகுவான். விறகு சுமப்பவளான அவனுடைய மனைவியோ, அவளுடைய கழுத்தில் முறுக்கேறிய ஈச்சங் கயிறுதான் (அதனால் அவளும் அழிவாள்). அல்குர்ஆன் 111:1-5.

இந்த அத்தியாயம் நபிகள் நாயகத்தின் பெரிய தந்தையும், நபிகள் நாயகத்தின் முக்கிய எதிரியுமான அபூலஹபின் அழிவைப் பற்றி பேசுகிறது.

நபிகள் நாயகம் (ஸல்) ஆரம்பத்தில் இஸ்லாத்தைப் பிரச்சாரம் செய்த போது நபிகள் நாயகத்தின் மீது மண்ணை வாரி வீசிய அபூலஹப் “இதற்காகத் தான் எங்களை அழைத்தாயா? நீ நாசமாகப் போ!" என்று கூறி தூற்றினான். அவனைக் கண்டிக்கும் விதமாகவே இந்த அத்தியாயம் அருளப்பட்டது. நபிகள் நாயகம் (ஸல்) காலத்திலேயே அவனும், அவனுடைய மனைவியும், குடும்பத்தினரும் முழுமையாக அழிக்கப்பட்டு தடயமே இல்லாமல் ஆக்கப்பட்டார்கள்.

இதில் மிக முக்கியமான ஒரு முன்னறிவிப்பும் அடங்கியுள்ளது. "அபூலஹப் இஸ்லாத்தை ஏற்க மாட்டான். நரகத்திற்கே செல்வான்" என்று இந்த அத்தியாயம் பிரகடனம் செய்கிறது.

இஸ்லாத்தை எப்படியாவது ஒழிக்க வேண்டும் என்று கங்கணம் கட்டிக் கொண்டிருந்த அபூலஹப் இந்த அத்தியாயத்தைப் பொய்யாக்குவதற்காகவேனும் தானும் இஸ்லாத்தில் இணைவதாக நடித்திருக்கலாம். அவ்வாறு நடித்து இந்த அத்தியாயத்தில் கூறப்பட்டவாறு நிறைறேவில்லை. எனவே, முஹம்மது பொய்யர் என்று நிருபித்திருக்கலாம். ஆனால், கடைசி வரை அபூலஹப் எதிரியாகவே மரணித்திருப்பது இது இறைவனின் வேதம் என்பதற்கு சான்றாகும்.

 விண்வெளிப் பயணம்

ஆகவே, நீங்கள் இரு சாராரும் உங்கள் (இரு சாராருடைய) இறைவனின் அருட்கொடைகளில் எதைப் பொய்யாக்குவீர்கள்?. 'மனித, ஜின் கூட்டத்தார்களே! வானங்கள், பூமி ஆகியவற்றின் எல்லைகளைக் கடந்து செல்ல நீங்கள் சக்தி பெறுவீர்களாயின், (அவ்வாறே) செல்லுங்கள். ஆனால், (வல்லமையும் நம்) அதிகாரமும் இல்லாமல் நீங்கள் கடக்க முடியாது." அல்குர்ஆன் 55:32-33

இவ்வசனம் விண்ணுலகம் வரை மனிதன் பயணம் மேற்கொள்ள முடியும் என்று தெளிவாகச் சொல்கிறது. அதே நேரத்தில் அது எவ்வாறு சாத்தியமாகும் என்பதற்கான வழிகளையும் சொல்கிறது.

ஒரு ஆற்றலை உருவாக்கிக் கொள்வதன் மூலமாகவே தவிர நீங்கள் இந்த எல்லைகளையெல்லாம் கடக்க இயலாது என்றும் கூறுகிறது.

விண்ணில் பறக்க முடியுமா? என்பதைக் கற்பனை செய்து கூட பார்த்திராத அந்த சமுதாயத்தில் முடியும் என்பதையும், அதற்கென ஓர் ஆற்றல் தேவை என்பதையும் கூறி, இறை வேதம் தான் என்று திருக்குர்ஆன் தன்னை நிரூபித்துக் கொள்கிறது.

குர்ஆனையும் வஹீயையும் பொய்ப்படுத்தும் முயற்சிகள் நபிகளாரின் காலத்திலேயே தொடங்கி விட்டன. யமாமா பிரதேசத்தைச் சேர்ந்த பொய்யனான "முஸைலமா" என்பவன் தன்னை நபி என்றும் தனக்கு வஹி வருவதாகவும் வாதிட்டான். அவன் குர்ஆனிலுள்ள அல் கவ்ஸர் என்ற அத்தியாயத்தைப் போன்று இட்டுக் கட்டினான். ஆனால் அது அவனுடைய காலத்திலேயே பொய் என்று நிரூபிக்கப்பட்டது.

மேலும் சில வரலாற்று சம்பவங்களை நாம் பார்க்கலாம். உத்பா பின் ராபிஆ என்பவர் நபி (ஸல்) அவர்களிடத்தில் வந்து தங்களது முழு அரசாங்கத்தையும், அனைத்து செல்வங்களையும் அழகிய பெண் மக்களையும் கிரயமாகக் கொடுத்து இஸ்லாத்தை விட்டு விடும்படி வேண்டினார். நபி (ஸல்) அவர்கள் பதிலாக குர்ஆனின் சில வசனங்களை மட்டுமே அவருக்கு ஓதிக் காட்டினார்கள். இத்தகைய நிலைக்கும் இறங்கி வர தயாரான அந்த மக்கள், இரண்டு வரி அரபு வார்த்தைகளை அமைத்து அல்லாஹ்வின் சவாலை ஏற்றுக் கொள்ளத் தயாராக முடியவில்லை.

அல்லாஹ்வுடைய குர்ஆனும் நபி (ஸல்) அவர்களும் விவாதப் பொருளாகிய செய்தி அரபுப் பகுதியை தாண்டிப் பரவிய போது ஹஜ்ஜுடைய நேரம் வந்தது. உலகின் பல பகுதிகளிலிருந்தும் மக்கள் ஒன்று கூடும் தருணத்தில் சொல்லப்படும் செய்தி உலகம் முழுவதும் போய்ச் சேரும் என்பதால் நபி (ஸல்) அவர்கள் அங்கு இஸ்லாத்தை எடுத்துச் செல்ல ஆயத்தமானார்கள். இதற்கு எதிராக அரபு மக்களும் திட்டம் தீட்டினார்கள். இதற்காக தங்களது மூத்த தலைவரும், சிறந்த அறிவாளியுமான வலீத் இப்னு முகீராவிடம் ஆலோசனை செய்யக் குழுமினர்.

"உலகின் பல பாகங்களிலிருந்தும் வரக் கூடிய மக்கள் முஹம்மதைப் பற்றி எம்மிடத்தில் விசாரிக்கும் போது நாங்கள் அவரைப் பற்றி என்ன சொல்வது? எல்லோரும் ஒருமித்து கூறுமாறு எமக்கு ஒரு வழியைக் கற்றுத் தாரும்" என்று வேண்டினர்.

அதற்கவர், "நீங்கள் அவரைப் பற்றி முதலில் அபிப்ராயம் சொல்லுங்கள். நான் இறுதி முடிவு செய்கிறேன்" என்று கூறினார்.

சிலர் கூறினர் : "அவர் பைத்தியக்காரர் என்று சொல்லாமே"

வலீத்: "அது தவறு, மக்கள் அவரைப் போய் சந்திக்கும் போது உங்கள் குட்டு வெளிப்பட்டு நீங்கள் சொன்னது பொய் என்று தெரிந்து விடும்"

கூடியிருந்தவர்கள்: "அவர் ஒரு கவிஞர் என்றோ ஜோசியக்காரர் என்றோ, ஷைத்தானுக்கு வழிப்பட்டு சில மறைவான விஷயங்களைக் கூறுகிறார் என்றோ கூறலாம்"

வலீத்: "இதுவும் தவறு. அவரோடு பழகும் போது நீங்கள் கூறியது அவதூறு என்று அறிந்து உங்கள் மீது வெறுப்புத்தான் மிஞ்சும். ஏனென்றால், உங்களிலேயே அரபுக் கவிதை இயற்றுவதில் என்னை விடத் திறமைசாலி வேறு யாருமில்லை. அல்லாஹ்வின் மீது ஆணையாக நான் கூறுகிறேன். அவர் சொல்வது போன்ற சொல் நயமும், கருத்து நயமும் செறிந்த வார்த்தைகளை எந்தக் கவிதையிலும் நான் பார்க்கவில்லை.

கூடியிருந்தவர்கள்: வேறு என்ன தான் அவரைப் பற்றிக் கூறுவது?"

வலீத்: "அவர் ஒரு சூனியக்காரர். அவரது சூனியத்தால் கணவன் மனைவிக்கு இடையிலும், பெற்றோர் பிள்ளைகளுக்கு இடையிலும் பிரிவினை ஏற்படுத்துகிறார் என்று கூறுங்கள்".

கூடியிருந்தவர்கள் அந்த முடிவையே ஏற்றுக் கொண்டார்கள்.

நபி (ஸல்) அவர்களைத் தோற்கடிக்க இப்படியெல்லாம் முயற்சிகளும் திட்டங்களும் தீட்டியவர்கள், அல்லாஹ்வின் சவாலை ஏற்றுக் கொள்ள முன்வரவில்லை என்றால் அதற்குக் காரணம், இறைவேதத்தின் உண்மையான பின்னணியை அவர்கள் உணர்ந்து வைத்திருந்தது தான்.

சமகாலத்து கவிஞர்களாலும், இதர சூழ்ச்சியாளர்களாலும் களங்கப்படுத்த முடியாத முஹம்மது நபியையும், குர்ஆனின் வெளிப்பாட்டையும் டாக்டர். கொய்ன்ராட் எல்ஸ்ட் வகையறாக்கள் முயன்றிருப்பது, கூரை ஏறி கோழி பிடிக்க முடியாதவர் வானம் ஏறி வைகுண்டம் போவது பற்றி சிந்திப்பது போலுள்ளது.

38:87 "இது அகிலங்களுக்கெல்லாம் நல்லுபதேசமேயன்றி வேறில்லை."
 

oooOOooo
[ கீழைத்தேய ஆய்வு ]
கீழைத்தேய ஆய்வு (Science of Orientalism) என்பது பொதுவாகக் கீழைத்தேய நாடுகள், இனங்களின் மொழி, மதம், பண்பாடு, நாகரிகம், வரலாறு பற்றிய மேற்கத்திய ஆய்வாளர்களின் ஆராய்ச்சியைக் குறிக்கும். (பார்க்க: Encyclopedia Britannica). கீழைத்தேய ஆய்வு என்பது ஆரம்பத்தில் ஐரோப்பிய காலனித்துவவாதிகளின் ஆதரவிலும் அதனைத் தொடர்ந்து கீழைத்தேய உலகில் கிறிஸ்தவ மதப்பிரச்சாரத்தை மேற்கொண்ட கிறிஸ்தவ மதப்பிரச்சாரகர்களின் துணையாலும் வளர்ச்சியடைந்தது.

கீழைத்தேயங்களைக் கைப்பற்றி ஐரோப்பிய அரசியல் ஆதிக்கத்தை அங்கு நிலைபெறச் செய்யவும், கீழைத்தேய மக்களுக்கும் அவர்களது மதம், பண்பாடு, வாழ்க்கை முறைக்குமிடையேயுள்ள பிரிக்க முடியாத உறவைச் சீர்குலைத்து, அவர்களைக் கலாச்சாரப் பண்பாட்டு ரீதியாக அடிமைப்படுத்தவும் அம்மக்களின் மொழி, பண்பாடு, நாகரிகம், வாழ்க்கைமுறை பற்றிய அறிவு மிக அவசியம் என்பதை உணர்ந்த காலனித்துவவாதிகள் இத்துறைகளில் ஆழமான அறிவும் புலமையும் பெற்ற ஒரு குழுவை உருவாக்க முனைந்தனர்.  இதுவே மேற்குலகில் கீழைத்தேய ஆய்வின் ஆரம்பமாகும்.

குறிப்பாக, கிறிஸ்தவ மதத்திற்கும் (ஐரோப்பாவிற்கும்) முஸ்லிம் உலகிற்குமிடையில் நிகழ்ந்த சிலுவைப்போர்களின் பின்னர்தான் முஸ்லிம்களைக் கலாச்சார ரீதியாக அடிமைப்படுத்தும் ஆரம்ப முயற்சிகள் மேற்கொள்ளப்பட்டன. மேற்குலகில் காலனித்துவவாதத்தின் எழுச்சிக்குப் பின்னர் இவ்வுணர்வு மிக உக்கிரமாகச் செயல்பட்டது. முஸ்லிம்களைக் கிறிஸ்தவர்களாக மாற்றுவதில் தோல்விகண்ட மேற்கத்தியவாதிகள், முஸ்லிம்களுக்கும் இஸ்லாத்திற்குமிடையேயுள்ள தொடர்பைத் துண்டிக்கும் முயற்சிகளை மேற்கொண்டார்கள்.

இஸ்லாத்தின் அடிப்படை மூலாதாரங்களான குர்ஆன், ஹதீஸ் பற்றிய சந்தேகங்களை முஸ்லிம்களின் உள்ளத்தில் தோற்றுவித்து, இஸ்லாத்தைச் செயலிழந்ததாக ஆக்கி, அவர்களைக் கலாச்சாரப் பண்பாட்டு ரீதியாக முற்றிலும் சீர்குலைத்துவிடுவதே மேற்கத்தியவாதிகளின் திட்டமாக அமைந்தது.

பிரான்ஸிலிருந்து பிரசுரிக்கப்பட்ட Le Monde Mussalman என்னும் இதழில் Mr. Chatalier என்னும் கிறிஸ்தவ மிஷனரி ஒருவர் எழுதிய கட்டுரையில் காணப்படும் இக்கருத்து இதனை மிகத் தெளிவாகக் காட்டுகின்றது.

"No doubt our missionaries have failed so far indirectly undermining the faith of the Muslims, This end can be achived only by the propagation of ideas through the mediam of European languages.

"முஸ்லிம்கள் இஸ்லாத்தின் மீது கொண்டுள்ள நம்பிக்கையைப் பலவீனமடையச் செய்வதில் எமது மிஷனரிகள் (பிரச்சாரகர்கள்) தோல்வி கண்டு விட்டனர் என்பதில் சந்தேகமில்லை. மேற்கத்திய மொழிகள் மூலம் நம் கருத்துக்களைப் பரப்புவது கொண்டே இதனைச் சாதிக்க முடியும்".

அவர் மேலும் கூறுகிறார்:

"With the weakening of their belief in Islam, decay and disintergration are bound to set in and when this decay and this disintergration spreads throught the world of Islam, the religious spirit of the Muslims will be entirely uprooted and will never be able to re-emerge in a new form".

"இஸ்லாத்தின் மீது அவர்களுக்குள்ள நம்பிக்கை பலவீனமடைந்தவுடன், அவர்களை வீழ்ச்சியும் நலிவும் பலவீனமும் ஆட்கொண்டுவிடும். நலிவும் பலவீனமும் முஸ்லிம் உலகம் முழுவதும் வியாபித்துப் பரவியதும் முஸ்லிம்களின் மத உணர்வு முற்றிலும் வேரோடு பிடுங்கப்பட்டுவிடும். அதன் பின்னர் அவர்கள் மீண்டும் புது உருப்பெற்று என்றும் தலை தூக்க முடியாது. "[Ref: Khurshid Ahmad, "Islam & the west". (1970, P 13-15)]

எனவே முஸ்லிம்களின் உள்ளத்தில் இஸ்லாத்தைப் பற்றிய சந்தேகங்களைத் தூண்டிலாகப் போட்டு, அதில் மீன்பிடிக்க அடிகோலிட்ட மிஷனரிகளின் உத்தியையே இந்தியாவின் காவிச் சிந்தனாவாதிகள் தொடருகிறார்கள். அவர்களுக்கு (மிஷனரிகளுக்கு) ஆள்பிடிக்க வேண்டும் என்பது நோக்கமென்றால். இவர்களுக்கோ மாந்தர்கள் விடுதலை அடைந்துவிடக்கூடாது. அதாவது, சாதிய முறையினால் மனிதனை மனிதனாகப் பார்க்காத கேவல நிலையை விட்டு வெளியேறத்துடிக்கும் மனிதர்களைத் தடுத்தாக வேண்டும் என்பதே தலையாய நோக்கமாகும்.

இஸ்லாத்தின் மீது சேற்றை வாரி இறைப்பவர்கள், இஸ்லாம் என்ற வாழ்க்கை நெறிக்கு மாற்று வழியாக அதைவிடச்சிறந்த ஒன்றைச் சொல்லமுடியாது என்று நன்கு உணர்ந்திருப்பதால்தான் போலிப் பிரச்சாரங்களை முடுக்கி விட்டிருக்கிறார்கள்.

முன்பு குறிப்பிட்டதுபோல மேற்கத்தியர்கள் 'கீழைத்தேய ஆய்வு' என்ற பெயரில் குர்ஆனின் மொழிபெயர்ப்பையும் ஹதீஸ்(நபிவழிச் செய்தி)களையும் திரித்தும் இட்டுக்கட்டியும் அல்லது இட்டுக்கட்டி கூறப்பட்ட ஹதீஸ்களை மக்கள் மத்தியில் தந்திரமாகப் பரப்புவதில் ஈடுபடலாயினர்.

இத்துறையில் குர்ஆனைவிட ஹதீஸ்களும் சீறாவும் (நபி வரலாறு) அவர்களுடைய கவனத்தைக் கவர்ந்தன. காரணம், நபிகளாரின் வாழ்க்கையை, அவருடைய தன்னினைவைக் குறை சொல்வதில் வெற்றி பெற்றுவிட்டால் இறைவனிடமிருந்து அவருக்கு வந்ததாகக் கூறப்படும் அனைத்தையும் - குறிப்பாக வஹீ எனும் 'அமானுட' அடிப்படையை ஆட்டங்காணச் செய்து விடலாம் என்பதே கீழைத்தேயவாதிகளின் நோக்கமாக இருந்தது. எனவே கீழைத்தேயவாதிகள் - குறிப்பாக யூதர்களும் கிறிஸ்துவர்களும் முகம்மது நபி அவர்களின் மேல் தமது கருத்துப்போரை ஆரம்பித்தனர்.

இத்துறையில் முதலாவது முக்கிய முயற்சிகளை மேற்கொண்டவர் இக்னாஸ் கோல்ட்லியர் (Goldzier) என்பவர் ஆவார். இவர் முதலாவதாக ஜெர்மன் மொழியில் 1890இல் தமது விமர்சனங்களை இரண்டு வால்யூம்களாகப் பதிய வைத்தார். கோல்ட்ஸியரைத் தொடர்ந்து அல்பிரட் கிலோம் (A.Guillaume) தனது Traditions of Islam என்னும் நூலிலும் Margoliut தனது Mohammadanism என்னும் நூலிலும் கோல்ட்ஸியரின் கருத்துக்களையே வலியுறுத்தியுள்ளனர். ஏனைய கீழைத்தேயவாதிகளான Granuborm, Dozy, Hurgrinje, Lammens, Juynnoil ஆகியோரும் அவ்வழியைப் பின்பற்றலானார்கள். அவர்களுள் Juynboll, மதங்கள் பற்றிய ஆங்கிலக் கலைக்களஞ்சியத்தில் (Encyclopedia of Religion and Ethics) சுன்னா பற்றிப் பின்வருமாறு குறிப்பிடுகின்றார்.:

"The word Sunnah is often wrongly taken to mean "traditions" (viz. regarding The deeds and sayings of the Prophet) but it really means the method of behaviour generally followed" (Edinburgh. Vol. VII P. 1959).

அவர் சொன்னதாவது:
"சுன்னா என்பது பெரும்பாலும் 'ஒழுகலாற்று விதிகளை'  (அதாவது நபிகளாரின் வாக்குகள் செயல்களை)க் குறிப்பதாகத் தவறாகக் கருத்துக் கொள்ளப்படுகின்றது. ஆனால், உண்மையில் அது மக்களால் பொதுவாகப் பின்பற்றப்பட்ட மரபு ரீதியான நடத்தையையே குறிக்கும்".

Juynboill தனது இக்கருத்துக்கு Goldzier மற்றும் Hurgrinje ஆகிய இருவரின் கருத்துக்களையே ஆதாரமாகக் காட்டியுள்ளார்.

கிப்தி (Coptic) கிறிஸ்தவ இனத்தைச் சேர்ந்த  Majid Khadgri என்பார்,  இமாம் ஷாபிஈ அவர்களின் ரிஸாலா பற்றித் தாம் எழுதிய Islamic Juris Prudence - Shafi"s Risala (Baltimore 1961) என்ற நூலின் முன்னுரையில், இஸ்லாத்திற்கு முந்திய காலப்பிரிவில் அரபு நாட்டில் வழக்கிலிருந்த பொதுச் சட்டமே (Common Law) சுன்னா என்று அழைக்கப்பட்டது என்றார்.

இவர்கள் சொல்ல வரும் கருத்தே இவர்களின் நரித்தனத்தை அடையாளம் காட்டுவதோடு இவர்களின் மனநிலையையும் வெளிச்சம் போட்டுக் காட்டி விடுகிறது.

 

முஹம்மது நபியின் சமுதாய மக்கள், பெண்குழந்தைகளை உயிரோடு புதைப்பவர்களாகவும் இறை ஆலயத்தை நிர்வாணமாகச் சுற்றுபவர்களாகவும் திகழ்ந்தனர்.  அவர்களின் இதுபோன்ற எத்தனையோ அறியாமை காலத்துப் பழக்கங்களை முஹம்மது நபி துடைத்தெறிந்தார். (அறியாமைக் காலத்துப் பழக்கங்கள் பற்றி சற்று விரிவாக பிறகு பார்க்க இருக்கிறோம்).

 

கீழைத்தேயவாதிகளின் ஆய்வாக இருக்கட்டும் நேசகுமாரின் கட்டுரையாக இருக்கட்டும் முஹம்மது நபியின் வழிமுறையை எதிர்த்து அவரின் முந்தைய சமுதாயம் வாழ்ந்த அறியாமை காலத்துப் பழக்கங்களைச் சிறந்ததாகக் கூறுவதன் மூலம் இவர்கள் எத்தைகைய வழிமுறைகளுக்குத் திரும்பிச் செல்ல விரும்புகிறார்கள் என்பது வாசகர்களுக்கு எளிதாக விளங்கும்.

மொழிபெயர்ப்பாளர் நேசகுமார் எடுத்து வைக்கும் வாதங்கள் எல்லாம் கீழைத்தேய ஆய்வாளர்களின் திரித்தல்களே தவிர வேறெதுவும் இல்லை. முன்பு தனது 'சொந்த ஆராய்ச்சி என்று சொல்லி எழுதிக்கொண்டிருந்தவர் கடைசியாக "கொயின்ராட் எல்ஸ்ட்" மொழிப்பெயர்ப்பு என்று சற்று இறங்கி வந்துள்ளார். தனக்கு இஸ்லாத்தைப்பற்றி அவ்வளவாக தெரியாது என்று அவர் ஒத்துக்கொண்டதையும் இங்கு நினைவு கூர்கிறேன்.

எது எப்படியிருந்தாலும் கீழைத்தேயவாதிகளின் திரித்தல்கள் தமிழில் வருவது தமிழ் இணைய வாசகர்களுக்கு வேண்டுமானால் புதிதாக இருக்கலாம். ஆனால்,  இது புதிய மொந்தையில் வார்க்கப் பட்ட (இக்னாஸ் கோல்ட்லியரின்) பழைய கள்தான் என்பதில் ஐயமில்லை.

 

....தொடரும்

oooOOooo
[ யாருக்கு வலிப்பு? ]

வரலாற்றுக் குறிப்புகளைக் கொண்டு முஹம்மது நபியின் தூதுத்துவத்தையும் வஹீ அருளப்பட்ட விதத்தையும் ஆய்ந்த ஒரு சிலர், நபிகளாரின் உன்னத வாழ்க்கையையும் வஹீ அருளப்படுவதற்கு முன்னர் நபிகளார் தம் சமூகத்தில் பெற்றிருந்த நம்பகத் தன்மையையும் கருத்தில் கொண்டு, 'அவரால் குர்ஆன் எழுதப்படவில்லை அல்லது அதை எழுதுவதற்கான உள்நோக்கம் அவருக்கு இருந்ததில்லை' என ஒப்புக் கொண்ட போதிலும், 'அவர் வலிப்பு நோயால் அவதிப்பட்டார் அல்லது தாம் இறைச்செய்தி அனுப்பப்படும் தூதர் என்ற மனப்பிரமையில் உழன்றார்' என்ற அடிப்படையற்றக் குற்றச்சாட்டை வைக்கின்றனர்.

வரலாற்றில் பிறப்பு முதல் இறப்பு வரையிலான அனைத்துச் செயல்பாடுகளும் ஆதாரங்களுடன் பதிந்து வைக்கப்பபட்ட ஒரு மனிதர் உண்டென்றால் அவர் முஹம்மது நபி மட்டுமே என்பதை மனதில் வைத்துக் கொண்டு, இவர்களின் இக்குற்றச்சாட்டை அணுகுவோம். முஹம்மது நபியின் வாழ்க்கைக் குறிப்புகளின் மூலம், நபிகளார் வாழ்ந்த அறுபத்து மூன்று ஆண்டுகளில் மனோதிடமான ஆளுமையுள்ளவராகவும் சாதாரண வாழ்க்கை வாழ்ந்தவராகவுமே (normal and sane life) அவர் அறியப்படுகிறார்.

மேலும் இஸ்லாத்தைக் களங்கப்படுத்தப் பயிற்றுவிக்கப்பட்ட கிறிஸ்தவ ஓரியண்டலிஸ்டுகளுங்கூட 'இக்குற்றச்சாட்டில் உண்மையில்லை' என மறுக்கின்றனர். முஹம்மது நபிக்கு வலிப்பு நோய் இருந்ததாகச் சுமத்தப்பட்ட அவதூறை மறுக்கும் பிரபல கிறிஸ்தவ ஓரியண்டலிஸ்ட் டேனியேல் சொல்வதாவது:

"Epilepsy as applied to the Prophet was the explanation of those who sought to amuse rather than to instruct" - Mohammad The Sublime Qu'ran and Orientalism p. 13.

"நபிகள் நாயகம் அவர்களுக்கு வலிப்பு நோய்  இருந்ததாகக் கூறுபவர்களது உள் நோக்கம், நபிகள் நாயகத்தைக் குறித்துச் சரியான தகவல் தருவதன்று; மாறாக, அவரை எள்ளி நகையாடுவதே".

மற்றொரு பிரபல கிறிஸ்தவ ஓரியண்டலிஸ்ட் ஜான் டேவன்போர்ட் (John Davenport) சொல்வதாவது:

"This remark that Muhammad has suffered the attacks of epilepsy is one of the false, awkward sayings of the Greeks by which they meant to stain the prestige of the propagator of a new religion, and turn the world of Christianity against his moral behavior and qualities." Udhri Taqsir, p.20

"முஹம்மது நபி வலிப்பு நோயால் அவதியுற்றார் என்பது, ஒரு புதிய மார்க்கத்தைச் சொல்பவரின் மரியாதையை மாசுமடுத்த கிரேக்கர்கள் பொய்யாகச் சுமத்திய குற்றச்சாட்டாகும். மேலும் கிறிஸ்தவ உலகை, நபியவர்களின் நடத்தைகளுக்கும் பண்புகளுக்கும் எதிராக வழி நடத்துவதுமாகும்."

முஹம்மது நபியின் மீதான வலிப்பு நோய் பற்றிய குற்றச்சாட்டுக்கு வரலாற்றில் எவ்வித முகாந்திரமும் இல்லாத போழ்து, கற்பனையாக இட்டுக் கட்டுபவர்கள், வலிப்பு நோய் பற்றிய குறைந்த பட்ச ஞானம் கூட இல்லாதவர்கள் என்றுதான் சொல்ல வேண்டும்.

பிரபல மருத்துவரும் இஸ்லாமிய அறிஞருமான டாக்டர். ஜாகிர் நாயக், வலிப்பு நோயின் கூறுகளையும் முஹம்மது நபியின் செயல்பாடுகளையும் ஆய்ந்து சொல்வதாவது:

வலிப்புகள் பலவகைப்படும். முக்கியமாக,

1) Grand mal = வலிப்பு அல்லது அதுபோன்ற ஒத்த தன்மையுடைய பாதிப்பு. அதாவது வலிப்பு வந்தவரைச் சுயநினைவிழக்கச் செய்து, உடல் அங்கங்களை உதறி, ஸ்தம்பிக்கச் செய்யும் இசிவு நிலை.

2) Petit mal = உடல் அங்கங்களை உதறலெடுக்கச் செய்து, தசைகளை இழுத்துக் கொண்டு கணநொடியில் தோன்றி மறைகின்ற இழுப்புடன் கூடிய இசிவு நிலை.

3) Focal Seizures = மூளையின் குறிப்பிட்ட பகுதியை பாதித்து, பிறகு அப்பகுதி கட்டுப்படுத்தும் அவையங்களைத் தாக்கும்.

4) Psychomotor = ஒரு சில நொடிகளுக்கு மட்டுமே நிகழ்கின்ற அரற்றலும், முனகலுமாக வார்த்தைகளோ சொற்றொடர்களோ இல்லா நிலை. இதில் பாதிக்கப் பட்டவர் அதீத மன அழுத்தத்தினால் எவ்வித நோக்கமுமின்றி உடைகளைக் கலைப்பது, பின் மீண்டும் சரி செய்வது போன்ற செயல்களில் ஈடுபடுவார். (http://en.wikipedia.org/wiki/Psychomotor_agitation)

கிராண்ட் மாலினால் பாதிக்கப்பட்டவர்கள், தமது உடல் செயல்பாடுகள் ஸ்தம்பிக்கப்பட்டு/ இசிவு ஏற்பட்டு, சுயநினைவிழந்து, உடல் அவையங்களை உதறியும் சில நேரங்களில் வலியினால் வீரிட்டும் அலறுவர். இத்தகைய பாதிப்பு ஏற்படுவதற்கு அறிகுறியாக, பாதிக்கப்பட்டவர் தமது இயல்பு நிலையிலிருந்து விலகி, உடல் விறைத்து, மூச்சு வாங்கிக் கீழே விழுவர். இன்னோருக்கு உதறல் ஏற்படும்போது தலைவலி உண்டாவதற்கும் தன்னிலை மறந்து நாக்கைக் கடித்துக் கொள்வதற்கும் வாய்ப்புள்ளது.  இவர்கள் இயல்பு நிலைக்குத் திரும்பியவுடன் சற்றுமுன் தமக்கு என்ன நடந்தது என்பதையும் அறியார்.

ஆனால், முஹம்மது நபிக்கு வஹீ அருளப்பட்டபோதெல்லாம், தன் உடல்நிலை/மனநிலை அனுபவத்தை மிகத்தெளிவாகப் பின்வருமாறு விளக்கினார்கள் என்பதை ஹதீஸ்கள் மூலமும் குர்ஆன் வசனங்களின் மூலமும் அறிய முடிகிறது.:

புகாரி 1:2. ஹாரிஸ் இப்னு ஹிஷாம்(ரலி) இறைத்தூதர்(ஸல்) அவர்களிடம், 'இறைத்தூதர் அவர்களே! தங்களுக்கு இறைச்செய்தி எவ்வாறு வருகிறது?' எனக் கேட்டதற்கு, "சில வேளைகளில் அது மணி ஓசையைப் போன்று என்னிடம் வரும். அவ்வாறு வருவது எனக்கு மிகக் கடினமாக இருக்கும். அவர் (வானவர்) கூறியதை நான் நினைவுபடுத்திய நிலையில் அவர் என்னைவிட்டுப் பிரிந்துவிடுவார். மேலும் சில வேளைகளில் அ(வ்வான)வர் ஒரு மனிதர் வடிவில் எனக்குக் காட்சியளித்து, என்னுடன் உரையாடுவார். அப்போது அவர் கூறுவதை நினைவிலிருத்திக் கொள்வேன்" என்று இறைத்தூதர்(ஸல்) கூறினார்கள் என ஆயிஷா(ரலி) குறிப்பிட்டார்.

மேலும்,

''கடும் குளிரான நாள்களில் நபி(ஸல்) அவர்களுக்கு வஹீ (இறைச்செய்தி) இறங்குவதைக் கண்டேன். அவர் (வானவர்) நபி(ஸல்) அவர்களைவிட்டு விலகிச் செல்லும்போது (குளிரிலும்) அவர்களின் நெற்றியிலிருந்து வியர்வை சொட்டும்'' என ஆயிஷா(ரலி) கூறினார்.

புகாரி 4:3 - "நான் நடந்து சென்றுகொண்டிருந்தபோது வானத்திலிருந்து ஒரு குரலைக் கேட்டு என் பார்வையை உயர்த்திப் பார்த்தேன். அப்போது ஹிரா குகையில் என்னிடம் வந்த அதே வானவர் வானத்துக்கும் பூமிக்குமிடையே ஓர் ஆசனத்தில் அமர்ந்திருக்கக் கண்டு அச்சமுற்றேன். (வீட்டிற்குத்) திரும்பி வந்து (கதீஜாவிடம்) என்னைப் போர்த்துங்கள் என்றேன். அப்போது, 'போர்வை போர்த்தியவரே எழும்! (மக்களுக்கு) எச்சரிக்கை செய்யும்!' (திருக்குர்ஆன் 74:01) என்பது தொடங்கி 'அசுத்தங்களைவிட்டு ஒதுங்கி விடும்!' என்பது வரை ஐந்து வசனங்களை இறைவன் அருளினான்'' என இறைத்தூதர்(ஸல்) அவர்கள் கூறினார்கள் - அறிவிப்பாளர்: ஜாபிர் இப்னு அப்தில்லாஹ்(ரலி).

குர்ஆன் 4:163 "(நபியே!) நூஹுக்கும், அவருக்குப் பின் வந்த (மற்ற) நபிமார்களுக்கும் நாம் வஹீ அறிவித்தது போலவே, உமக்கும் நிச்சயமாக நாமே வஹீ அறிவித்தோம். மேலும், இப்றாஹீமுக்கும், இஸ்மாயீலுக்கும், இஸ்ஹாக்குக்கும், யஃகூபுக்கும் (அவர்களுடைய) சந்ததியினருக்கும், ஈஸாவுக்கும், அய்யூபுக்கும், யூனுஸுக்கும், ஹாரூனுக்கும், ஸுலைமானுக்கும் நாமே வஹீ அறிவித்தோம். இன்னும் தாவூதுக்கு ஜபூர் (என்னும் வேதத்தைக்) கொடுத்தோம்".

குர்ஆன் 42:51 "வஹீயாகவோ, திரைக்கப்பால் இருந்தோ, தான் விரும்பியதைத் தன் அனுமதியோடு வஹீயை அறிவிக்கக் கூடிய ஒரு தூதரை அனுப்பியோ அன்றி அல்லாஹ் எந்த மனிதரிடத்திலும் (நேரிடையாகப்) பேசுவதில்லை. நிச்சயமாக அவன் உயர்ந்தவன்; ஞானமுடையவன்".

முஹம்மது நபிக்கு வஹீ அருளப்பட்டச் சூழலைப் பற்றி சொல்லப்படும் வரலாற்றுக் குறிப்புக்களை ஆய்ந்தால், மணியோசை கேட்பது போல் நபிகளார் உணர்ந்ததாகவும், ஜிப்ரயீல் நேரடியாக அவர் கண் முன்னே குர்ஆன் வசனங்களை ஓதிக் காட்டியதாவும் அறிய முடிகிறது. இக்காரணிகளைக் கொண்டு குர்ஆன் அருளப்பட்ட சூழலில் முஹம்மது நபியின் நடவடிக்கையுடன் ஒப்பிட்டுப் பார்த்தோமாயானால் முஹம்மது நபி கிராண்ட்மாலால் பாதிக்கப்படவில்லை என்பது தெளிவாகிறது.

அடுத்து,

பெடிட்மாலால் (Petit mal) பாதிக்கப்பட்டவர்களில் எழுபது விழுக்காட்டினர் இருபது வயதுக்கு முன்பே பாதிக்கப்படுவர். இது கணநேர பாதிப்பே. இதனால் பாதிக்கப்பட்டவர் சுயநினைவு இழக்க மாட்டார்.  ஒரே நாளில் பலமுறை பாதிக்கப் பட்டாலும் தன்னிச்சையற்ற செயல்பாடுகள் அவருக்கு இரா. முஹம்மது நபிக்கு வஹீ அருளப்பட்ட நிகழ்வுகளுடன் ஒப்பிட்டால் பெடிட்மால் காரணியும் பொருந்தவில்லை.

அதெவ்வாறெனில், முதலாவதாகக் குர்ஆன் அருளப்பட்டபோது முஹம்மது நபியின் வயது நாற்பது. ஒவ்வொரு முறையும் வஹீ அருளப்பட்ட கால நீட்சியானது ஒருசில கணங்கள் அல்ல; மாறாகப் பல மணி நேரங்கள் என்பதைக் கவனத்தில் கொண்டால் பெடிட்மால் காரணி, வஹீ அருளப்பட்ட சூழல்களுக்கு எதிராகவே இருக்கின்றது.

போகல் சீஜர் மற்றும் சைக்கோமோட்டார் பாதிப்பு என்பன வலிப்புடன் தொடர்புடையவைதாம். அவற்றால் பாதிக்கப்பட்டவர், பாதிப்பு ஏற்பட்ட மிகச்சற்று நேரத்தில் வீரிட்டு அலறி, பேசமுடியாமல் வார்த்தை தடுமாறுவர்.

குர்ஆன் முழுவதிலும் சொல்லப்பட்ட வார்த்தைகளை ஆய்ந்தால் மிகத்தெளிவாகவும், இலக்கிய தோரணையிலும், அழகிய உவமானங்களுடனும் எவரும் எளிதில் புரிந்து கொள்ளக்கூடிய கருத்துக்களுடன் உயர்ந்த சொல்வன்மையுடன் அவை சொல்லப்பட்டுள்ளன.

ஆக இந்த நான்கு காரணிகளும் முஹம்மது நபிக்கு வலிப்பு இருந்தது என்ற அவதூறைத் துடைத்தெறியும் மருத்துவ ரீதியான, மறுக்க முடியாத காரணங்களாகும்.

வலிப்பு நோயால் பாதிக்கப் பட்டவர்கள், அதிலிருந்து மீளும்போது சற்று முன் நடந்தவைகளை மறந்த நிலையில் இருப்பர். ஆனால் வஹீ அருளப்பட்டப்பின் தனக்கு அறிவிக்கப்பட்டதை மிகத்தெளிவாக எடுத்துரைக்கும் மனநிலையிலேயே நபிகளார் இருந்திருக்கிறார். இது வலிப்பு நோயுற்றவரின் மனநிலைக்கு முற்றிலும் மாறானாதாகும்.

இவையன்றி, தனைமறந்த நிலையில் சொல்லப்பட்டவற்றை எப்படி முஹம்மதால் திரும்ப சொல்ல முடிந்திருக்கும்? இந்தக் கேள்வியை நியாயமாக வஹி அருளப்பட்டதை நம்பிய அல்லது நம்பாமல் கேலி செய்த அன்றைய அரபிகளுள் எவராவது நிச்சயம் கேட்டிருக்க வேண்டும். ஆனால் வஹீ அருளப்பட்ட விதத்தை அறிந்தவர்களில் இக்கேள்வியை யாரும் கேட்டதாக ஒரேயொரு செய்தியைக்கூட வரலாற்றிலிருந்து அறியமுடியவில்லை.

மேலும் வலிப்பு நோயால் பாதிக்கப்பட்ட ஒருவரால் எதிர்காலத்தில் நடக்க இருக்கும் பாரசீகமும் ரோமப் பேரரசும் வெல்லப்படும் வரலாற்று உண்மைகளையும், மனிதக் கருவின் படிநிலைகள், வானவியல் தத்துவங்கள், கடலியல் அற்புதங்கள் போன்ற அறிவியல் உண்மைகளையும் சொல்ல முடியுமா என டாக்டர்.கோயன்ராடு விளக்குவாரா? ஆகவே, 'முஹம்மது நபி வலிப்பு நோயால் அவதிப்படிருந்தார்' என்று சொல்வதை மருத்துவ ஞானம் உள்ள எவரும் கண்ணை மூடிக்கொண்டு நிராகரிக்க முடியும்.

முஹம்மது நபிக்கு எதிராகச் சுமத்தப்பட்ட இட்டுக்கட்டல்களைப் பற்றி நார்மன் டேனியல் (Norman Daniel) அவர்கள் சொல்லும்போது,

"All writers tended - more or less - to cling to fantastic tales about Islam and its Prophet... The use of false evidence to attack Islam was all but universal." Norman Daniel, Islam and the West, One world Publications 1993, p.267

"மேற்கத்திய எழுத்தாளர்களின் நோக்கமானது, மிகையாகவோ அல்லது குறைவாகவோ இஸ்லாத்தைப்பற்றியும் முஹம்மது நபியைப்பற்றியும் ஆதாரமற்ற கற்பனையான உலகளாவியக் கட்டுக்கதைகளே (Tales)" என்கிறார்.

Daniel also goes on to explain: "At the worst there was the assertion of the fantastic, and its repetition without discrimination; at the best there was the selection of only those facts that served the purpose of controversy." ibid, p.268

மேலும் "அவ்வாறு வலிந்து திணிக்கப்பட்ட கற்பனைகள் படுமோசமான, சாதக பாதகங்களை அலசாமல் திரும்ப திரும்ப ஒப்புவிக்கப்பட்டவையே. அவை, வாக்குவாதத்திற்காக உள்நோக்குடன் தேடிப்பிடிக்கப் பட்ட மிகச்சில நிகழ்வுகள்" என்று விளக்கமும் கூறுகிறார்.

மேலும் வலிப்புக்கான காரணம், நோயின் அறிகுறி அல்ல. ஒன்றோடொன்று தொடர்புடைய அறிகுறிகளின் தொகுப்பு. நியூரான்கள் எனப்படும் மூளைக்கு மின் உணர்வுகளை அனுப்பும் நரம்பில் ஏற்படும் உபரியான மின்சக்தியால் ஏற்பட்ட தவறான செயல்பாட்டின் (Malfunction) தூண்டலால் ஏற்படும் சுயநினைவிழப்பைச் சரிசெய்ய ஏற்படும் உதறலே வலிப்பு.

மூளை நரம்பின் இந்த அசாதாரண நிலைக்குத் தனியொரு காரணம் இல்லை. மேலும் ஐம்பது விழுக்காடு வலிப்பு நோயாளிகளின் நோய்க்காரணியை எளிதில் கண்டுபிடித்துவிட முடியும். அவை பிறப்பின் போதான அல்லது பிறகு ஏற்பட்ட காயங்கள், பிறப்பிலிருந்து இருக்கும் குறைபாடுகள் (e.g. Cerebral Palsy), மூளையையும் தண்டுவடத்தையும் பாதித்து (Meningitis) நரம்பு மண்டலத்தைத் தாக்கும் கொடிய வியாதி, மன அழுத்தம் போன்றவை.

ஆனால் முஹம்மது நபியவர்களோ மனரீதியிலும் உடல் ரீதியிலும் சிறந்து விளங்கியதாகவே வரலாற்றுக் குறிப்புகளின் மூலம் அறிய முடிகிறது. மிகுந்த மன அழுத்தமுள்ள சந்தர்ப்பங்களிலும் கூட மனோவலிமையுடனும் திண்மையான மனநிலையிலேயே நபிகளார் இருந்திருக்கிறார்.

நபியவர்களின் வாழ்வு நிகழ்வுகளை நடுநிலையோடு அணுகும் ஒருவரால், நபியவர்களின் மீது சுமத்தப் பட்ட உலகாதாயம், அதிகார வெறி, அரபிகளை மட்டுமே ஒன்றிணைத்தல், வலிப்பு நோயால் அவதி போன்ற குற்றச்சாட்டுக்கள் எல்லாமே  தவறானவை என ஒதுக்கித் தள்ளப் படும் என்பதில் ஐயமில்லை

ஆக, டாக்டர். கோயன்ராடின் ஆய்வில் முன்வைக்கப்பட்ட மன நோய்க்கான காரணிகள், வலிப்பு மற்றும் உளவியல் கண்டுபிடிப்புகள் அனைத்தும் முஹம்மது நபியின் மீதான, முஸ்லிம்களின் மீதான, இஸ்லாத்தின் மீதான புரையோடிப்போன காழ்ப்புணர்வின் வெளிப்பாடே என்பது வெள்ளிடை மலை என்பதை இத்தொடரில் அலசப்பட்ட அறிவியல், உளவியல், சமூக காரணங்களின் மூலம் தெளிவு படுத்திவிட்டேன்.

டாக்டர். கோயன் ராடின் பின்புலத்தில் இருக்கும் இந்துத்துவா வாதிகளின் தொடர்பும், நேசகுமாரின் முஸ்லிம்கள் மீதான, முஹம்மது நபி மீதான காழ்ப்புணர்வுக்குக் காரணம் பற்றியும் இங்கு ஆராய வேண்டிய அவசியம் ஏற்படுகிறது. அவற்றையும் பார்ப்போம்.

oooOOooo
[ ::முடிவுரை :: ]

வாசக நண்பர்களே,

இதுவரை வஹீ (வேத வெளிப்பாடு) மனநோயின் அறிகுறி என்ற காழ்ப்புணர்வு கலந்த இறக்குமதி செய்யப்பட்டக் குற்றச்சாட்டை குர்ஆன், ஹதீஸ் மூலமும், சமூக, வரலாற்று, அறிவியல் மற்றும் உளவியல் சார்ந்த மருத்துவக்குறிப்புகளை சம்பந்தப்பட்ட துறை வல்லுநர்களின் கருத்துக்களுடன் ஒப்பிட்டு ஆதாரங்களுடன் வைக்கப்பட்ட இம்மறுப்புத்தொடரைப் பார்த்தோம்.

பின்னூட்டங்கள் என்ற பெயரில் வெவ்வேறு புனைப்பெயரில் தேவையற்ற திசை திருப்பல்கள், தனி மனித துவேசம், ஏளனம் மற்றும் ஆதாரமற்ற அவதூறுகள் சொல்லப்பட்ட போதிலும், மிகுந்த பணிகளுக்கிடையிலும் என்னால் முடிந்தவரை அந்தந்த தொடரில் விளக்கியும் தேவைப்பட்டால் மறுத்தும் உள்ளேன். நான் தவறுகளுக்கு அப்பாற்பட்டவனல்ல. நானும் இவ்வகையானப் பின்னூட்ட எதிர்வினைகளில் சில இடங்களில் நிதானம் தவறியுள்ளேன் என்பதை வருத்தத்துடன் ஒப்புக் கொள்ளும் அதேவேளையில், இத்தொடரின் அவசியம் ஏன் என்றும் தெளிவுபடுத்த விரும்புகிறேன்.


உலகின் பெரும்பாலான மக்களின் மதம் சார்ந்த நம்பிக்கையை அம்மதம் சாராத மற்றும் அதற்கு நேரெதிர் கொள்கை கொண்ட மதத்தின் பிரதிநியாகத் தன்னைக் கருதும் ஒருவரின் அறியாமையும் காழ்ப்பும் கலந்த அவதூற்றை தமிழ் வாசகர்களுக்கு தெளிவு படுத்துவதே இத்தொடரின் நோக்கம்.

நம் வாழ்க்கையில் சந்திக்கும் எத்தனையோ குற்றச்சாட்டுகளுடன் இதுவும் ஒன்று எனச்சென்றிருந்தால், நல்லடியார் என்ற நபரே அறியப்படாமல் எங்கோ ஒரு இணைய தளத்தில் அளவளாவிக் கொண்டிருக்கும் கோடி பேரில் நானும் ஒருவனாகவே இருந்திருப்பேன். எனினும், எத்தனையோ தமிழ் முஸ்லிம்கள், இதனைப் பொருட்படுத்தாமல் இதுபோன்ற வசவுகளாலும் அவதூறுகளாலும் இஸ்லாம் வீறு கொண்டு வளர்ந்து வரவே செய்யும் போது, 'அரைகுறை ஞானிகளும் அமானுடக் கேள்விகளும்' என்ற ஒன்பது வாரத் தொடர் அவசியமா? எனக் கேட்கலாம்.

முஹம்மது என்ற தனிமனிதரை அல்லாஹ் தன் அடியார்களுக்கு போதனை செய்யும் கடைசித்தூதுவராக தேர்ந்தெடுத்து, சோதனைகளிலும் துயரங்களிலும் பங்கெடுக்க வைத்து தனக்கு அறிவிக்கப்பட்டபடி ஓரிறையை நம்பிக்கை கொண்டு 1400 வருடங்களாக இன்று உலகின் 160 கோடிக்கும் அதிகமான நம்பிக்கையாளர்களைக் கொண்டும், அமெரிக்கா, ஐரோப்பா போன்ற மேற்கத்திய நாடுகளிலும் வேகமாக வளர்ந்தும், இஸ்லாம் அல்லாத நடுநிலையானவர்களாலும், அறிஞர்களாலும் பெரிதும் மதமாச்சாரியங்களுக்கு அப்பாற்பட்டு மதிக்கப்பட்டுக் கொண்டிருக்கும் ஒருவர் எடுத்தியம்பிய மார்க்கத்தை,பொருந்தாக் காரணம் கொண்டு குற்றம் சாட்டும் தனிநபரின் அல்லது சிறு குழுவின் நோக்கம் என்னவாக இருக்கும்?

இந்து மதத்தை தன் பிடியில் வைத்து, ஏறத்தாழ இந்தியாவின் அனைத்து அரசியல் கட்சிகளிலும் செல்வாக்குப் பெற்றிருந்த காஞ்சி சங்கராச்சாரியாரின் கைதுக்குப் பின் இந்து மதச் சகோதரர்களிடம் அவர்களின் மதத்தின் மீதான பிடிப்பு நழுவுகிறதோ என்ற ஐயத்தில் உழலும் தீவிர(இந்துத்துவா)வாதிகளின் அவநம்பிக்கையின் வெளிப்பாடுதான் இது போன்ற, இஸ்லாத்திற்கு எதிரான குற்றச்சாட்டுக்களைத் தேடிப்பிடித்து மொழி பெயர்த்துப் பகை வளர்ப்பது. சகோதரர்களாக, அண்டை வீட்டுக்காரர்களாக, சக ஊழியர்களாக, நண்பர்களாகப் பழகி வரும் நம்மிடையே தேவையற்ற கசப்புணர்வை வளர்ப்பதன் மூலம் இந்துத்துவம் நிலைநாட்டப்படும் என்று தவறாக நம்பும் பிறழ்-நம்பிக்கையாளர்களுள் ஒருவர்தான் 'அமானுட' நேசகுமார்.

நாகூர் ரூமி அவர்கள் இஸ்லாத்தை தமிழ் இணைய குழுமங்களில் அறிமுகப்படுத்தியதை சகிக்க முடியாமல், மதத் தீவிரவாதங்களை எதிர்க்கும் பொதுவான சமூக ஆர்வலராக அறிமுகப்படுத்திக் கொண்டு, தன் எழுத்துத் திறமையால்(?) தன்னை முற்போக்கு இந்துத்துவவாதியாக பல்வேறு பதிவுகளிலும் நிரூபித்து நிலைதடுமாறிய பின்னூட்டங்களிலும் காண முடிந்தது.

உலகில் எத்தனையோ விசயங்கள் ஆய்வுக்குட்படுத்தப்படாமல் இருக்கும்போது, குர்ஆனை அறிமுகப்படுத்திய காலத்தில் இருந்த மக்களுக்கும், பிற்காலத்தில் அதனை தங்கள் வாழ்க்கைநெறியாக ஏற்றுக் கொண்டுள்ள மக்களுக்கும் இல்லாத அவநம்பிக்கையும் சந்தேகமும் ஒரு தனிநபருக்கு மட்டும் வந்தது ஏன்? சமூகப் பொறுப்பா? சமத்துவ ஈடேற்றமா? துவேஷமா? அல்லது தன் நம்பிக்கைக்கு சாவு மணி அடிக்கும் ஒரு கொள்கை என்ற தேவையற்ற காழ்ப்புணர்வா? ஆம்! காழ்ப்புணர்வு கலந்த அவநம்பிக்கைதான் இத்தகைய அமானுடக் கேள்விகளின் ஊற்றுக்கண்!!

இப்படி இன்னொருவரின் ஆன்மீக நம்பிக்கையை தனக்கு தோதான காரணங்களை தேடிப்பிடித்து ஒப்பிட்டு நோக்கும் அவநம்பிக்கையை ஒரு மனநலக் குறைபாடா என்றால் அதனை முழுவதுமாக மறுக்க இயலாது. அதே வேளை, இதனை மனநோய் என்றும் வரையறுக்க இயலாது.

இப்படிப்பட்ட மனநிலைக்கு உள்ளானவர், மற்றவரை எதிரியாகப் பார்ப்பது மட்டுமின்றி, விவாதக் களத்தில் இறங்கி விவாதத்தைத் திசைதிருப்பவும் செய்கிறார். இந்த அவநம்பிக்கை கேடு விளைவிக்கக்கூடியதா என்றால் அதற்குப் பதில் ஆம் என்பதாகவே இருப்பதால் அதனைப்பற்றிய ஒரு சிறு அலசலை இங்குப் பார்ப்போம்.

ஒருவருக்கு அவநம்பிக்கை தோன்றுவதற்கு மிக முக்கிய காரணம் அவருடைய சொந்த அனுபவங்களே. இவ்வாறு ஒருமுறை அவநம்பிக்கை என்னும் இந்நிலைக்கு ஆளானவர், தாம் அவநம்பிக்கை கொண்டுள்ள நபரின் அல்லது கொள்கையின் நல்ல விஷயங்கள் அனைத்தையும் ஒதுக்கித் தள்ளிவிட்டு, எங்கே குறை காணலாம் என்கிற ஒரே நோக்கில் தான் செயல்படுவார். அதே வேளை இவர் அவநம்பிக்கை கொண்டுள்ளவர் செய்யும் நல்லெண்ண முயற்சிகள் கூட இவரின் அவநம்பிக்கையை அதிகரிக்குமே தவிர குறைப்பதில்லை.

எனவே அவநம்பிக்கை கொண்டுள்ளவர், தன் கருத்தைச் சரியென நிறுவ எல்லா முயற்சிகளையும் மேற்கொள்வார். 

அவநம்பிக்கைக்கு அடிமையானவர் முதலில் தம் எதிராளியின் மீது கருத்து வேற்றுமையை வலிந்து உண்டாக்குவார். இதனால் சுமுக உறவு பாதிக்கப்படும். பின்னர் கருத்து வேற்றுமையைத் தகராறாக்க (conflict) முயல்வார். அதனால், இவரது அவநம்பிக்கைக்கு உள்ளானவர், ஒரு கட்டத்திற்கு மேல் எதிர் நடவடிக்கை (retaliation) எடுக்கும் அளவிற்குத் தள்ளப் படுவார்.

அவநம்பிக்கைகளைப் பொதுவாக இரு வகைகளாகப் பிரிக்கலாம். அவை:

(1) முன்னெச்சரிக்கை கலந்த அவநம்பிக்கை:

இதற்கு உதாரணமாக, சாலையைக் கடக்கும் ஒருவர் தூரத்தில் வரும் வாகனம் தன் மேல் மோதிவிடக் கூடாது என்ற முன்னெச்சரிக்கையில் விரைந்து சாலையைக் கடக்கும் மனநிலையை இதற்கு ஒப்பிடலாம்.

இது நம்மில் எல்லோருக்கும் பல்வேறு சந்தர்ப்பங்களில் ஏற்படும் பொதுவான மனப்பாங்கு. இதனால் தன் நலம் மேலோங்கி இருக்கும் அதே சமயம் பிறருக்கு தீங்கு செய்யும் நோக்கம் இருக்க வாய்ப்பில்லை.

(2) அதீத அவநம்பிக்கைகள்:

இந்த அவநம்பிக்கைகள் மிகச்சிறிய அளவிற்கே இருக்கும் போது நன்மை பயப்பனவாக உள்ளன. அதாவது இதன் மூலம் நாம் நமக்குச் சில எல்லைகளை வகுத்துக்கொண்டு பிறரைப் பாதிக்காவண்ணம் செயல்படுவது.

இதற்கு உதாரணமாக நெருப்புச்சுவர்களைக் (firewall) குறிப்பிடலாம். எப்போது இந்த எல்லைகளைக் கடந்து அவநம்பிக்கை செல்கிறதோ அதனால் தீமைகள் விளைய பெருமளவில் வாய்ப்புள்ளது. இது ஒரு நிலைக்கு மேல், பேரச்சமாக (paranoid) உருவெடுத்து அவநம்பிக்கை கொண்டுள்ளவருடைய மனநலனைப் பாதிக்கும். இந்நிலைக்கு ஆளானவர் தன் சக்தியை, தான் அவநம்பிக்கை கொண்டுள்ளவருடைய செயல்களைத் தீயனவாக உருவகப் படுத்தப் பெரும் பாடுபட்டுத் தன் முழு ஆற்றலையும் நேரத்தையும் செலவழிப்பார்.
 

அவநம்பிக்கையால் பாதிக்கப்பட்ட எவருக்கும் அதை உணர்ந்து கொள்ளும் வாய்ப்பு மிகவும் குறைவே.

இதனை எவ்வாறு கண்டறிவது? ஒருசில வழிமுறைகள் உள்ளன: 

அ) அடுத்தவர் எதைச் செய்தாலும் அதன் மீது சந்தேகம் (suspicion) கொள்வது

ஆ) ஒத்துழைப்பை, ஒருவருக்கொருவர் அல்லது ஒன்றுக்கொன்று சார்புடைமையை (interdependence) பலகாலமாகத் தொடர்ந்து மறுதலித்தல் (chronic denial).

இ) அடுத்தவர் செயல்களைத் தேவையின்றி மிக நுணுக்கமாகக் கண்காணித்தல் (microscopic monitoring)

ஈ) ஒரு பேச்சுக்குக் கூட நன்மைதரும் ஒத்துழைப்பு (constructive cooperation) நல்க மறுத்தல்

உ) அடுத்தவர் செயல்களைப் பொதுமைப் படுத்தி (generalize) தன் கருத்தை மட்டுமே சரியென நிறுவப் பாடுபடல்

அதீத அவநம்பிக்கையின் தாக்கத்தால் பாதிக்கப் பட்டிருப்பவர், தனது நிலையை விட்டுச் சற்றேவிலகி, யார் மீது அவநம்பிக்கை கொண்டுள்ளாரோ அவருடைய இடத்தில் தன்னை இருத்தி, நிலைகளைச் சீர் தூக்கிப் பார்க்கவேண்டும். இதுவே அவநம்பிக்கை குறைந்து, மனநலம் சிறக்க சிறந்த வழியாகும். எல்லாத் தீவிரவாதங்களுக்கும் இஸ்லாமியக் கொள்கைகளே காரணம் என்று நம்பும் திரு.நேசகுமாரிடம் மேற்கண்ட உளவியல் காரணங்கள் மொழி பெயர்ப்புத்தொடரிலும், அடுத்தடுத்த வலைப்பூ கட்டுரைகளிலும்,பின்னூட்டங்களிலும் பிரதிபலித்தன.


தனது கட்டுரையில் இஸ்லாத்தின் அடிப்படையை மேற்கத்திய அறிஞர்களின் போர்வையில் ஆய்வுக்கு உட்படுத்துவதன் மூலம் இஸ்லாத்தை ஆட்டம் காண வைக்கலாம் என்ற நப்பாசையில் முஸ்லிம்கள் மற்றும் முஹம்மது நபி மீதான காழ்ப்புணர்வை வெளிப்படுத்திவரும் திரு.நேசகுமாருக்குச் சில கேள்விகளை

முன்வைத்து விளக்கம் பெற விரும்புகிறேன்:

1) சுவாமி தயானந்த சரஸ்வதி அவர்களால் அறியப்பட்ட முரண்பாடுகள், அதாவது திருக் குர்ஆனில் உள்ள முரண்பாடுகள், பகுத்தறிவிற்கு ஒவ்வாத கருத்துக்கள் என்னவென்று எழுத முடியுமா? அல்லது சுவாமி தயானந்த சரஸ்வதி போன்ற பெரியவர்களின் பெயர்களில் எதையாவது எழுதினால் யார் கேட்கப் போகிறார்கள் என்ற நினைப்பில் தனது சொந்தக் கருத்தை எழுதினாரா? 

2) சுவாமி தயானந்த சரஸ்வதி அவர்களின் அரிய கண்டுபிடிப்பில் முரண்பாடுகள் எவையேனும் இருந்தால் அதற்கு பதில் எழுதும் தகுதியும், திறமையும் பல முஸ்லிம்களுக்கு இருக்கின்றன. ஆகவே சுவாமி தயானந்த சரஸ்வதி அவர்களால் அறியப்பட்ட முரண்பாடுகளை இங்கே எழுத வேண்டுகிறேன். இல்லையென்றால் சுவாமி தயானந்த சரஸ்வதி அவர்களின் பெயரைத் தவறாகப் பயன்படுத்தியதற்கு வருத்தம் தெரிவிக்க வேண்டுமென்று கேட்டுக் கொள்கிறேன்.

3) சரியான பயிற்சி இல்லையென்றால் இப்படித்தான் பல பிரச்சனைகள் உருவாகும். நபிகள் நாயகத்திற்குச் சரியான பயிற்சி இல்லை என்பது பல யோகிகளின் கருத்து என்றுஎழுதியிருந்தார். நபிகள் நாயகத்தின் கருத்துக்களை உரசிப் பார்த்த இந்து மதயோகிகள் யார் யார்? 

4) யோகிகள் என்றால் என்ன பயிற்சிகள் வேண்டும்? அதில் எத்தனை படிகள் உள்ளன? இவையனைத்தையும் ஒழுங்காக முடித்தால் இவர் "இந்த யோகி" என்று எந்தப் பல்கலைகழகத்தில் அல்லது குரு குலத்தில் யோகிகளுக்கான குணாதிசயங்களையும், கல்வித் தகுதிகளையும் வரையறுத்தனர்? எந்த யோகி நபிகள் நாயகத்தின் வாழ்க்கையும் கருத்துக்களையும் உரசிப்பார்க்கும் தகுதி பெற்றுள்ளார்? எதை வைத்து என்றும் திரு.நேசகுமார் ஆதாரங்களுடன் விளக்குவாரா?

5) யோகிகளைப் பற்றியும் அவர்களின் பெயரால் நடக்கும் பித்தலாட்டங்களைப் பற்றியும், யோகிகள் வழிவந்த தற்கால சாமியார்களின் செயல்களின் விளவுகளைப் பற்றியும் எழுதினால் அதற்கான உளவியல் காரணங்களை விளக்க முடியுமா?
 
6) இஸ்லாம்தான் உலகத் தீவிரவாதத்திற்கும், வன்முறைக்கும் காரணம் என்று "வன் உரையை, எழுத்து தீவிரவாதத்தை" கட்டவிழ்த்து விட்டிருக்கும் அன்பரே, பின்வரும் பிரச்சனைகளுக்கு மூல காரணம் எதுவாக இருந்தது, யார் இதற்கெல்லாம் காரணம் என்று விளக்கம் தரமுடியுமா?


அ) ஈராக் யுத்தத்தில் இதுவரை 25000 மேற்பட்ட அப்பாவிப் பெண்கள், குழந்தைகள், ஆண்கள் என்று மரணம் அடைந்துள்ளனர். புஷ்ஷின் கொள்கைகளுக்காக 2000க்கு மேற்பட்ட அமெரிக்க வீரர்கள் ஈராக் மக்கள் மேல் புனிதப் போர்? செய்துள்ளனர். இதன் அடிப்படைக் காரணம் என்ன? இஸ்லாமா? ஜனநாயகமா? எரிபொருளா? சதாம் ஹுசைனா? (விளக்கம் சொல்வாரா?)
 
ஆ) 2000த்திற்கு மேற்பட்ட முஸ்லீம்கள் குஜராத்தில் இந்துத் தீவிரவாதிகளால் இனப் படுகொலை செய்யப்பட்டனர். இதற்காக முன்னால் பிரதமர், ஜனாதிபதி உட்பட உண்மையான இந்தியர்கள் தலை குனிந்து நின்றனர். அஹிம்சையை போதித்த காந்தியடிகள் பிறந்த மண்ணில் இப்படி ஒரு இனச்சுத்திகரிப்பா? என உலகமே அதிர்ந்ததே! இதற்குக் காரணாமாயிருந்த பரிவாரக் கூட்டங்களுக்கு அடிப்படையாக இருந்தக் கொள்கை என்ன? இத்தீவிரவாதத்திற்கு வித்திட்டது யார்?
 
இ) பாபர் மசூதி தரைமட்டாமாக்கப்பட்டு மும்பையில் இரண்டாயிரத்திற்கு மேற்பட்ட முஸ்லிம்கள், பெண்கள்,குழந்தைகள், இந்துத் தீவிரவாதிகளால் படுகொலைச் செய்யப்பட்டனர். இந்துத் தீவிரவாதிகளுக்கு அடிப்படையாக இருந்த கொள்கைகள் யாவை?

ஈ) அப்பாவி முஸ்லிம் பெண்களை நிர்வாணப்படுத்தி, தெருத் தெருவாக நடத்திச் சென்று கடைசியில் கற்பழித்துக் கொன்று அத்துடன் நில்லாமல் அந்த ஊர்வலத்தை வீடியோ படம் எடுத்த சூரத் நகர இந்துத் தீவிரவாதிகளுக்கு தீனி போட்ட அந்தக் கொள்கைகள் எங்கிருந்து பெறப்பட்டன? மொழிபெயர்ப்பாளர் பதில் சொல்வாரா?

உ) பக்கத்து நாடான இலங்கையில் இதுவரை 25 லட்சத்திற்கு மேற்பட்ட மக்கள் கொல்லப்பட்டுள்ளனர். இதற்கெல்லாம் காரணாமாயிருந்த கொள்கைகள் என்ன அன்பரே? இஸ்லாமா?

ஊ) வியாட்நாமில் லட்சோப லட்ச மக்கள் கொல்லப்பட்டு வெறும் மண்டையோடுகள் மட்டும் கூடாரம் கூடாராமாக அடுக்கி வைக்கப்பட்டுள்ளதே, இதற்கெல்லாம் காரணாமாயிருந்தது இஸ்லாமா?

எ) போஸ்னியாவிலும், குரோஷியாலும், கொசோவாவிலும் லட்சக்கணக்கான முஸ்லிம்கள் கொன்று குவிக்கப்பட்டு இன்றுவரை தோண்டி எலும்புகள் எடுக்கப்பட்டு வருகிறதே, இதற்கெல்லாம் காரணாமயிருந்த அடிப்படைக் கொள்கைகள் யாவை?
 
ஏ) 1984ல் 2700க்கு மேற்பட்ட சீக்கியர்களை டெல்லித் தெருக்களில் ஓட ஓட விரட்டி, கொன்று தீர்த்தனரே. அதற்கெல்லாம் காரணாமாயிருந்த கொள்கைகள் யாவை?
 
சகோதரரே, மனம் பிறழ்ந்து கண்டதையும், கேட்டதையும் எழுதி தனது புளுத்துப் போன சிந்தனைகளுக்கு உரம் தேடும் நீங்கள்தான் சரியான பயிற்சி இல்லாமல் சிந்தித்தும் எழுதியும் வருகிறீர்கள். மனித குலம் தோன்றிய காலம் முதல் இன்றுவரை மதம் அல்லாத காரணங்களுக்காகக் கொல்லப்பட்டவர்களின் எண்ணிக்கையையும் பக்கம் பக்கமாக ஆதாரத்துடன் என்னால் எழுத முடியும். அதற்கெல்லாம் அடிப்படைக் காரணம் என்னவென்று பதில் தர முடியுமா?

மொழிபெயர்ப்பாளர் துவக்கத்திலிருந்தே, தன்னை நடுநிலையாளராகக் காட்டிக்கொள்ள முயன்றும் அவ்வப்போது தோற்றுவிடுகிறார். பொங்கிவரும் இஸ்லாமிய எதிர்ப்புணர்வை அவரால் அடக்க முடியாமையே இதற்குக் காரணமாகும். இஸ்லாத்தின் வளர்ச்சியைக் கண்டு பொறாமை கொண்ட சிலர் அவருக்குக் கொம்பு சீவி விடுவதுதன் மூலம் தங்களின் உண்மையான முகங்களை வெளிக்காட்டி வருகிறார்கள். தமிழகத்தை இன்னொரு குஜராத் ஆக்கத்துடிக்கும் இந்துத்துவாவின் பன்முகங்களில் இது ஒரு முகமாக இருந்தாலும் ஆச்சரியப்படுவதற்கில்லை. எது எப்படி இருந்தாலும் இஸ்லாம் தோன்றிய காலத்தில் இருந்தே எழுந்துவரும் எதிர்ப்பலைகளைக் கணக்கிட்டால் இது ஒரு சுண்டைக்காய் என்பதை மட்டும் இப்போதைக்கு சொல்லி முடிக்கிறேன்.


சுயகுறிப்பு :

நான் தமிழிலோ அல்லது ஆங்கிலத்திலோ பெரும்புலமை பெற்றவன் அல்லன். இத்தொடருக்குத் தேவையான தகவல்களை குர்ஆன், ஹதீஸ் மற்றும் நம்பகமான இணைய தளங்களிலும், என் பார்வையில் பட்ட ஆய்வுக்கட்டுரைகளிலும், புத்தகக் குறிப்புகளிலிலுமிருந்து எடுத்துள்ளேன். இத்தொடர் சம்பந்தப்பட்ட பெரும்பாலான கேள்விகளுக்கு தேவையான அளவுக்கு பதிலளித்து விட்டேன் என நம்புகிறேன். மேற்கொண்டு விளக்கங்கள் தேவைப்பட்டால் பின்னூட்டம் வைக்கலாம் அல்லது எனக்கு மடலிடுங்கள். வாய்ப்புக் கிடைக்கும் போது நிச்சயம் பதிலளிப்பேன். (இன்ஷா அல்லாஹ்).

இத்தொடரின் சில பின்னூட்டங்களில் விவாதிக்கப்பட்ட இதர விசயங்கள் யாரையும் புண்படுத்தி இருந்தால் மன்னிப்புக் கேட்டுக் கொள்கிறேன். இஸ்லாத்தின் மீது சுமத்தப்பட்ட அவதூற்றை என்னால் முடிந்தவரை தகுந்த ஆதாரங்களுடன் மறுத்துள்ளேன் என்ற மனநிறைவோடு இத்தொடரை முடிவுக்குக் கொண்டு வருகிறேன்.

பிரபல தமிழ் எழுத்தாளர்களின் படைப்புக்களைத் தமிழிணைய வாசகர்களுக்கு வழங்கி வரும் தமிழோவியத்தில் அடியேனின் எளிய கருத்துக்களை சுதந்திரமாக எடுத்து வாசகர்களுக்கு முன் வைப்பதற்கு வழி திறந்து வய்ய்ப்பு தந்ததற்கும், முகம்மது நபியின் மீதான அவதூறுகளுக்கு பதில் சொல்லும் முகமாக எனது மறுப்புரையைத் தொடராக வெளியிட ஒப்புக் கொண்டதற்கும், தமிழோவியம் திரு.கணேஷ் சந்திரா அவர்களுக்கு என் நன்றியை தெரிவித்துக் கொள்ள கடமைப்பட்டுள்ளேன்.

நடுநிலையாக பின்னூட்டமிட்டு ஊக்கப்படுத்தியவர்களுக்கும், இஸ்லாம் குறித்து மேலதிக பின்னூட்டங்களை வழங்கியவர்களுக்கும், மாற்றார் தோட்டத்து மல்லிகை வாசமாக மணத்த இதர பின்னூட்டங்கள் இட்டவர்களுக்கும், மேலதிக விளக்கங்கள் கொடுக்க எனக்கு வாய்ப்பளித்து, என்னைத் தட்டியும் தட்டிக் கொடுத்தும் பின்னூட்டமிட்டவர்களுக்கும் பின்னூட்டமிடாத வாசகர்களுக்கும் என் நன்றிகளையும், வாழ்த்துக்களையும் தெரிவித்துக் கொள்கிறேன்.


வாழிய செந்தமிழ், வாழ்க நற்றமிழர், வாழிய பாரத மணித்திரு நாடு! நம் அனைவரின் மீதும் இறைவனின் சாந்தியும் சமாதானமும் என்றென்ன்றும் உண்டாவதாக!

oooOOooo
Copyright © 2005 Tamiloviam.com - Authors