காமெடி பீஸ் சீமான்

திராவிட முன்னேற்றக் கழகத்தின் மாண்புமிகு இளவரசியாருக்கு ஒருவழியாக ஆறு மாத சிறைவாசத்திற்குப் பிறகு ஜாமீன் கிடைத்து விடுதலை ஆகிவிட்டார்.
 
புளகாங்கிதம் அடைந்து இருக்கிறார்கள் கழகத்தின் கண்மணிகளில் ஒரு தரப்பினர்!
 
ஏற்கனவே எமர்ஜென்சியின் போது கொஞ்ச நாட்களே சிறை சென்ற செம்மல் மு.க.ஸ்டாலினுக்கு ‘மிசா’ பட்டம் கொடுக்கப்பட்டது போல, கனிமொழிக்கு இனிமேல் ‘2ஜி கனிமொழிஜி’ என்ற பட்டம் வழங்கப்படுமா என்று தெரியவில்லை! அப்படிக் கொடுக்காமல் விட்டார்களேயானால், அதை விட பெரிய ஆணாதிக்க வெறி வேறு எதுவும் இருக்க முடியாது. அவரைப் போல கொஞ்ச நாட்கள் மட்டுமா உள்ளே இருந்தார் இவர்? அவர் அங்கே எந்த கொடுமையையும் அனுபவித்தது போல தெரியவில்லை. முரண்டு பிடித்த போது விழுந்த அடிகளை தாங்கிக் கொள்ள சிட்டிபாபு போன்றவர்கள் இருந்தார்கள். ஆனால் இங்கே அப்படியா? கொசுக்கடியிலிருந்து, டெல்லியின் கடும் குளிர் வரை இவர் மட்டுமே தாங்கிக் கொள்ள நேர்ந்திருக்கிறது. எனவே கனிமொழி சென்னையில் வந்து இறங்கியவுடன் பெரும் விழா எடுத்து ‘2ஜி கனிமொழிஜி’ என்ற பட்டத்தை வழங்குவது தான் உத்தமம்.
 
ooOoo
 
பெங்களூர் கோர்ட்டில் கேட்கப்பட்ட அனைத்து கேள்விகளுக்கும் வெற்றிகரமாக பதில் அளித்து விட்டார் ஜெ.
 
பதில் அளித்து களைத்த காரணத்தினால் ஓய்வெடுக்க கொடநாடு செல்லப் போவதாக அறிவுப்புகள் வெளிவந்தன. இந்நிலையில் கடைசி நேரத்தில் கொடநாடு பயணம் ரத்து செய்யப்பட்டிருக்கிறது.
 
கனிமொழி ஜாமீன் வாங்கி வீடு திரும்புவதற்கும் ஜெ.வின் கொடநாடு சுற்றுலாப் பயணம் ஒத்தி வைப்பிற்கும் சம்பந்தமிருக்காது என்று நம்புவோமாக!
 
ooOoo
 
”ராசா ஜாமீனில் வெளியில் வர விரும்பினால் என்னைத் தொடர்பு கொண்டு பேசட்டும். அதன் பிறகு அதற்கான வழிமுறைகள் செய்யப்படும்” என்று கூறியிருக்கிறார் மு.கருணாநிதி.
 
இது என்ன கணக்கு என்று புரியவில்லை. அப்படியெனில் ‘கனிமொழி ஜாமீன் கோரமாட்டார்’ என்று முன்னர் கூறியதற்கும், அதன் பிறகு “ஐயா ஜாமீன் தாங்க, அம்மா ஜாமீன் தாங்க” என்று படையெடுத்ததற்கும் காரணம் “எனக்கு ஜாமீன் கேளுங்க” என்று கனிமொழி இவரிடம் தொடர்பு கொண்டு பேசியததால் தான் இருக்குமோ?!
 
அது சரி, இவ்வளவு நடந்தும் ராசா ஏன் இதுவரை ஜாமீன் கோரவேயில்லை?! வெளியில் இருப்பதை விட உள்ளே இருப்பதே உசிதம் என்று நினைத்திருப்பாரோ?!
 
கனிமொழி குற்றமற்றவர். அவருக்கு எதுவுமே தெரியாது என்றே வைத்துக் கொள்வோம். நீரா ராடியாவுடன் நடந்த தொலைபேசி உரையாடல்கள் என்னவாயிற்று? அதெல்லாம் கூட பேசியது கனிமொழி இல்லையாமா?
 
எது எப்படியோ, ஜாமீனில் கனிமொழி வெளியில் வந்திருப்பதில் வாரமிருமுறை புலனாய்வு (?!) இதழ்களுக்கு படு கொண்டாட்டமாக இருக்கும். திஹார் ஜெயிலில் என்னென்ன மாதிரியான கொடுமைகள் இருக்கின்றன என இன்னும் ஒரு சில வாரங்களுக்கு தமிழக மக்கள் படித்து மிரளலாம்!
 
ooOoo
 
இத்தனை நாட்கள் ‘ஈழத்தாய்’ ஜெ.விற்கு காது கிழியும் அளவிற்கு ஜிங்ஜாக் அடித்துக் கொண்டிருந்த செந்தமிழன் சீமான் இப்போது ஒரேடியாக தாக்கிப் பேச ஆரம்பித்திருக்கிறார். போகட்டும். ஆனால் தனது ஒன்றரையணா கட்சியில் உறுப்பினர் இல்லாதவரெல்லாம் நல்ல தாய் தந்தைக்கு பிறந்தவர்கள் அல்ல என்று அவர் சொன்னதாக செய்திகள் வெளியாகியிருக்கின்றன. அவர் அப்படி பேசியிருந்திருக்க மாட்டார் என்று நம்புவோமாக. 
 
அப்படிப் பேசியிருந்தால் அதை கடுமையாக கண்டித்து சீமானையெல்லாம் பெரிய ஆள் ஆக்க வேண்டாம். ஏற்கனவே தமிழக அரசியலில் எக்கச்சக்க காமெடி பீஸ்கள்! பத்தோடு பதினொன்று, அத்தோடு இது ஒன்று என்று சீமானையும் வைத்துக் கொள்ள வேண்டியது தான்.
 
என்ன கொடுமை என்றால், ஆதித்தனாரின் ‘நாம் தமிழர்’ இயக்கத்தின் பெயரை வைத்து அந்த பெயரையே கேலிக்கூத்தாக்கிக் கொண்டிருக்கிறாரே இவர் என்பது தான்!

தொடர்புடைய படைப்புகள் :

10 thoughts on “காமெடி பீஸ் சீமான்

  • January 11, 2012 at 4:32 am
    Permalink

    இவன்களுக்கு சீமான் வைகோ பழநெடுமாறன் போன்றோரை வசைபாடவே நேரம் சரியாக இருக்கிறது. தற்போதும் வாடகைவீட்டில் குடியிருக்கும் நெடுமாறன், பல படவாய்ப்புகளின் மூலம் கிடைத்திருக்க வேண்டிய பெரும் தொகையைக் கூட துச்சமாக நினைத்து தமிழினத்துக்காய் முழங்கும் சீமான், பெரும் செல்வந்தராய்ப் பிறந்து ஊழலின் கறைபடா உத்தமர் வைகோ இவர்களெல்லாம் மொத்தமாக அயோக்கியர் எனில் நல்லவர்கள் யார்? சோனியாவா அல்லது கருணாநிதியா?

    Reply
  • January 11, 2012 at 2:55 am
    Permalink

    மாயவரத்தான் என்பவன் தமிழை எழுதப்படிக்க கற்ற அந்நியன்.

    Reply
  • January 11, 2012 at 2:52 am
    Permalink

    இந்த மாயவரத்தான் கடி தாங்கமுடியலைடா சாமி. இவனுக்கு உலகமகா எழுத்தாளன் என்ற நினைப்பு. முத்தமிழனின் கருத்து முற்றிலும் சரி. ரிசி அவர்களின் எதிர்பார்ப்பு ஏற்புடையதே.

    Reply
  • January 11, 2012 at 2:42 am
    Permalink

    காமெடி பீஸ் என்று சீமானை சொல்பவர்களுக்கு மகிந்தவும் சோனியாவும் மண்ணுமோகனும் கதாநாயக பீஸ்களா?

    Reply
  • December 2, 2011 at 10:19 pm
    Permalink

    சீமானை இகழ எந்த நாய்களுக்கும் உரிமையில்லை. ராஜபட்சே க்கு கருத்துக்களின் மூலம் துதிபாடும் போலி தமிழர்தான் சீமானை வசைபாடுவோர்.

    Reply
    • December 7, 2011 at 1:23 am
      Permalink

      நண்பரே,
      எனக்கும் சீமான் மீது மிகுந்த நம்பிக்கை உண்டு. கொள்கைப் பிடிப்புள்ளவர்கள் எப்பேர்ப்பட்ட சூழ்நிலையிலும் மனம் தளராமல் பாதை மாறாமல் செல்ல வேண்டும். ஆனால் ஆரம்ப அரசியலிலேயே சீமானிடம் தடுமாற்றம் தெரிகிறது. வைகோ தனியான கட்சி ஆரம்பித்த காலங்களில் நான் 9ம் வகுப்பு படிக்கும் சிறுவன். ஆனால் வீராவேசாமக பல இளைஞர்களும் நடுத்தர வயதினரும் அவர் பின்னால் சென்றதை நான் கண்டிருக்கிறேன். 10ம் வகுப்பு படிக்கையில் உடற்பயிற்சிப் பாடத்தில் வைகோவின் வீரதீர தலைமையை வியந்து எங்களுக்கு எடுத்துரைத்தார் உடற்கல்வி ஆசிரியர். எல்லாம் சிறிது காலம்தான். தனியே நின்று தோற்றுப்போய்.. அப்புறம் எந்தக் கட்சியிலிருந்து பிடிக்காமல் வெறுத்துப் போய் வெளியே வந்தாரோ, அந்த கட்சியுடனேயே கூட்டணி வைத்தார். ஓட்டரசியலில் சிக்கினார். அதேபோல ஓட்டரசியலில் சிக்கி விடக்கூடாது என்பதே சீமானைப் பின் தொடர விரும்புவோரின் அவா! இந்த எழுத்தாளரும் அதையே தான் விரும்பியிருக்கவேண்டும். ஆனால் நிகழ்வு அப்படி இல்லாததால் எரிச்சலில் எள்ளல் செய்திருக்கிறார். அதற்குப்போய் நீங்கள் நாய் கீய் என்றெல்லாம் பெரிய வார்த்தை விடலாமா அன்பு முத்தமிழரே?

      Reply
      • December 26, 2011 at 3:23 am
        Permalink

        ரிஷி அவர்களே பதிலுக்கு நன்றி. சீமான் போன்றோரின் பின்னால் கண்ணைமூடிக்கொண்டு செல்லத் தேவையில்லை. ஆனால் நீங்கள் உன்னிப்பாகக் கவனித்தால் ஒன்று புலப்படும். அதாவது சீமான். வைகோ. பழநெடுமாறன் போன்றோரின் போராட்டங்களையும் கருத்துக்களையும் கொச்சைப் படுத்தும் பலர் மகிந்தவுக்கும் முசோலினியின் சொந்தக்காரிக்கும் துதிபாடுவோராகவே இருக்கின்றனர். அவர்கள் நடுநிலையில் நின்று கருத்துரைப்பவர் அல்லர். எனவேதான் ஆத்திரம் மேலிடுகின்றது.

        Reply
      • December 30, 2011 at 10:30 am
        Permalink

        அட,, விடுங்க. காமெடி பீஸின் அல்லக்கை மகா காமெடி பீஸாகத் தானே இருக்கும்!

        Reply

Leave a Reply

Your email address will not be published. Required fields are marked *

கடைசியாக : November 30, 2011 @ 8:54 am