எந்திரன் விமர்சனம்

எந்திரம் என்பது மனிதனுக்கு பயன்படும் ஒரு சாதனம், அந்த எந்திரத்திற்கு உணர்வு என்று ஒன்று வந்துவிட்டால் அது மனித குலத்தை ஆளத்தொடங்கும் என்பதுதான் படத்தின் மையகரு. கண்டிப்பாக இது ரஜினி படமில்லை, ஆரம்பப் பாடல் இல்லை, தீப்பொறிக்கும் வசங்கள் இல்லை, நாயகன் அடிக்க 20 பேர் பறந்து போய் விழவில்லை, அம்மா, தங்கை பாசப் போராட்டமில்லை, கவர்ச்சியில்லை, கிளப் டான்ஸ் இல்லை, இல்லாமல் இதுவும் தமிழ்ப் படம். ஆச்சர்யமில்லையா?

விஞ்ஞானியான ரஜினி (வசீகரன்) ஒரு ரோபோ (AndroHumanoid Robot) தயாரிக்கிறார். அதே சமயம் அவருடைய குரு Danny Denzongpaவும் இதைனைப் போலவே முயற்சிக்க தோல்வியடைகிறது. ரஜினி உருவாக்கிய எந்திரனுக்கு(சிட்டி) அங்கீகாரம் அளிக்கும் பொறுப்பு அவருக்கு இருக்கையில், ரஜினி உருவாக்கிய எந்திரனுக்கு உணர்வில்லை, அதனால் இது ஆபத்தானது என்று அங்கீகாரத்தை மறுத்து விடுகிறார்.மீண்டும் முயன்று வசீகரன் அந்த எந்திரனுக்கு உணர்வுகளை ஊட்டி அங்கீகாரம் பெற்றுவிடுகிறார். ஆனால் உணர்வு பெற்ற எந்திரனோ ரஜினி காதலிக்கும் ஐஸ்வர்யாவையே காதலிக்க வேறு வழியில்லாமல் எந்திரனை அழித்து குப்பைத் தொட்டியில் வீசி விடுகிறார். தூக்கி எறிந்த மீதிப்பாகங்களை வைத்து மீண்டும் உருவாக்கி தவறான மென்பொருளை உள்ளீடு செய்ய, அது டேனியையும் அழித்து மேலும் ரஜினி போன்ற சிட்டி ரோபாக்களை தாங்களே உருவாக்கிக்கொள்ளும் திறம்கொண்டு விடுகிறது. அதனால் ஏற்படும் குழப்பம், அவை செய்யும் நாச வேலைகள், பிருமாண்ட இறுதிக்காட்சிகள என்பதுதான் மீதிக் கதையே.

ஷங்கர் தன் வாழ்நாள் சாதனைப் படமாக சொன்னது எந்திரனைத்தான். அதற்காக அவர் உழைத்த உழைப்பு வீண்போகவில்லை. இயக்குனரின் கற்பனையை அப்படியே திரையில் கொண்டு வந்திருக்கிறார்கள். மூன்றே கதாப்பாத்திரங்கள், 21/2 மணிநேரத்துக்கும் மேலான படம், ஆனாலும் விறுவிறுப்பில் பஞ்சமில்லை. அதுவும் இறுதிக்காட்சிகள், கண்டிப்பாக ஹாலிவுட்டிற்கு நிகரேதான். முதல் பாதி காதல், அறிவியல் என்று செல்கையில் இரண்டாம் பாதி அதிரடிக்காட்சிகள், ஒரு கட்டிடம் முழுக்க ரஜினி, ஆம் அத்துனையும் ரஜினிகள். பிரமிக்க வைக்கும் காட்சிகள் அவை, அதிலும் வில்லனாக ரஜினியே வர திரையரங்கள் விசில்கள் பறக்கின்றன. 

இரும்பிலே ஒரு இதயம் காட்சியினூடாகவே செல்கிறது, பூம் பூம் ரோபாடா ஆட்டம் பாட்டம் கொண்டாட்டம்,அதிலும் மைக்கேல் ஜாக்சன் போன்றே ரஜினி ஆடும் காட்சிகள் வாவ். கிளிமஞ்சாரோ பாடலில்தான் இயல்பாக நாம் பார்த்த ரஜினியை பார்க்க முடிகிறது, மீதியெல்லாம் இயக்குனரின் நடிகராகவே வந்து போகிறார். காதல் அணுக்கள் பாடலில் வரும் இடம், புதிது, ஐந்து மணிநேரம் பயணம் செய்தே அந்த இடத்தை அடைந்தார்களாம். அழகு அழகு அழகு. பாடல்களில் குறிப்பிட்டுச் சொல்ல வேண்டியவை: ஐஸ்வர்வாவை படம் பிடித்திருக்கும்
அழகும், அவரின் நடனப் பாங்கும், ரஜினியும் ஒத்துழைத்திருக்கிறார், ஆனாலும் ஐஸ்வர்யாவின் அழகு ரஜினியின் ஆட்டத்தை குறைவாகவே காட்டுகிறது. fashion Show பூனை நடை, நடனங்களில் நளினம், அவர் பிறந்தநாள் காட்சிகள் எல்லாம் இருவர் ஐஸ்வர்யா போலவே இருக்கிறார்.

படத்திற்கு  ஒரு தூண் ஒளிப்பதிவென்றால், ஆஸ்கார் நாயகன் மற்றுமொரு மிகப் பெரிய தூண். கிடைத்த வாய்ப்பை சரியாக பயன்படுத்திக்கொண்டுள்ளார். வசனம்: சுஜாதா, ஷங்கர், கார்க்கி. இதுவரை ஷங்கரின் எண்ணத்தை பேச வைத்தவர் சுஜாதா. இந்தப் படத்தில் சுஜாதாவின் இழப்பு தெரியாத வகையில் ஈடு செய்திருக்கிறார்கள். அதிவும் அத்துனை அறிவியல் வார்த்தைகளையும் தமிழாகவும் ஆக்கி, புரியும்படி செய்திருப்பதற்கும் அறிவியலை நடைமொழிக்கு மொழி பெயர்த்திருப்பதற்கும் ஒரு பெரிய சல்யூட். படத்தின் குறைகளாக சிலவற்றைச் சொல்லலாம், கொசு பிடிக்கும் காட்சி, வில்லன் தயாரித்த ரோபோவை வெளிநாட்டு மக்களுக்கு விற்க முனைவது, விஞ்ஞானி என்றால், காதல் மறந்த, சோப்ளாங்கியாகவே காட்டுவது, சந்தானம், கருணாஸ் கதாபாத்திரங்கள். இப்படி வெகு சில மட்டுமே.

படத்தின் நாயகன் ரஜினி, வில்லனும் ரஜினியே. ரஜினியை வில்லனாக பார்க்க ஆசைப் பட்ட மக்களுக்கு இந்தப் படம் செம தீனி. ஆறிலிருந்து அறுபது வரை, முள்ளும் மலரும், மூன்று முகம் வரிசையில் ரஜினிக்கு நடிப்பில் எல்லைத் தொட்ட படம். எந்திரன் ரஜினிக்கு ஒப்பனை செய்ததை விஞ்ஞானி ரஜினிக்கும் செய்திருக்கலாம். அழுதால்தான் நடிப்பு என்று நம்பியிருக்கும் நம் மக்களுக்கு ரஜினி உழைப்பு தெரியுமா என்பதுதான் சந்தேகமே.நான் இப்படி நடித்தால்தான் மக்கள் ஏற்றுக்கொள்வார்கள் என்று கழுத்தருக்கும் நடிகர்களுக்கு மத்தியில் எப்படி நடித்தாலும் சூப்பர் ஸ்டார்தான் என்று நிரூபித்து சாட்டையால் விளாசியிருக்கிறார் ரஜினி.

படத்திற்கான செலவு அதிகம், மீண்டும் இப்படி ஒரு முயற்சி தமிழில் வர இன்னும் சிலகாலம் ஆகலாம். குறைந்த பட்சம் இந்த மாதிரியான முயற்சிகள் இந்தியாவை தாண்டிச் செல்லும் என்பதில் எந்த வித சந்தேகமும் இல்லை.குடும்பத்தோடு தாராளமாக பார்க்கலாம், இது அனைவருக்குமான படம். எப்படியோ சன் பிக்ஸர்ஸ் தயாரித்த முதல் படமே மாபெரும் வெற்றி.

ரஜினிக்காகவே ஷங்கர் எடுத்தப் படம் சிவாஜி, இந்தப் படம் ஷங்கருக்காக ரஜினி நடித்துக் கொடுத்திருக்கிறார், அதுவும் ஒரு இயக்குனரின் நடிகராகவே. இறுதியாக கமல் ஷாருக்கான் தவற விட்ட படங்களின் படியலில் எந்திரன் முதல் இடத்தைப் பிடிப்பான்.
 
எந்திரன், ரஜினியின் ஷங்கரன்.

தொடர்புடைய படைப்புகள் :

10 thoughts on “எந்திரன் விமர்சனம்

  • October 5, 2010 at 5:14 am
    Permalink

    Rajini is the first victim in Endiran.

    Reply
  • October 3, 2010 at 11:07 am
    Permalink

    boss shankar kitta sarakku illa.boys ,anniayn,sivaji,enthiran. last 4 film continue flop. sorry shankar sir better luck next time.
    oru migaperiya super star oda hard work waste madhiri akkettenga. verum prammandam mattum than shankar. neenga waste madiri theriyudhu. love-a, action-a, nu neenga romba thadu mari irukkenga, hollywood style la termintaror,the europe,matrix madhiri copy adikathinga.
    inimel neenga unga brain a use pannunga. old shankar ,gentleman,mudhalvan,indian .shankar than engalukku venum.music,graphics,sound effect,photography & total team hard work loooooooooong time panni irukkanga. neenga enna pannitu iruntheenga
    .final touch neenga thane koduthu irukkanum. sorry mr.shankar sir neenga conitnue-a 4 film flop kuduthathunala neenga return assistant director -a 2 years training edunga. contact to jayam_company@yahoo.co.in

    Reply
  • October 2, 2010 at 9:13 am
    Permalink

    Super Star than eppaume Super Star.Tharmathin Thalaimagan Tamil Thiraiyen Muthal magan engal Super Star.Suriyanum Super Starum Onnu than pakathula Yaralayum Nerunga Mudiyathu.ENTHIRAN The MASS

    Reply
  • October 2, 2010 at 8:24 am
    Permalink

    enthiran is very nice film Supar star acting and a.r.r and shankar and ishwarya mirattal

    Reply

Leave a Reply

Your email address will not be published. Required fields are marked *

கடைசியாக : October 1, 2010 @ 9:47 am