தமிழோவியம்
பெண்ணோவியம் : முதுகு வலி
- மீனா

சமீப காலங்களில்  பெண்களைப் பாதிக்கும் பிரச்சினைகளில் முதுகு வலி முக்கிய இடத்தைப் பிடித்து விட்டது. வீட்டிலிருக்கும் பெண்கள், அலுவலகம் போகும் பெண்கள் என வித்தியாசம் பார்க்காமல் அனைவரையும் வாட்டி வதைக்கும் இந்நோய்க்கான காரணங்களையும் இதற்கான

சிகிச்சைகளையும் உங்களுடன் பகிர்ந்துகொள்ள விரும்புகிறோம்..

* உடலுக்கு எந்த வேலையையுமே கொடுக்காத பெண்களுக்கு முதுகுவலி வரும் வாய்ப்புகள் அதிகமாம்.

* உடல் எடை அதிகாரிக்கும் போதும் முதுகு வலி வரலாம். கர்ப்ப காலத்தில் பல பெண்களுக்கு முதுகு வலி வருவதும் இதனால்தான்.

* மெனோபாஸ் காலத்தில் பெண்களது உடலில் ஈஸ்ட்ரோஜென் என்ற ஹார்மோன் சுரப்பு குறைய ஆரம்பிக்கும். அதனாலும் முதுகுவலி வரலாம்.

* உடலமைப்பிற்கும், முதுகு வலிக் கும் எந்தத் தொடர்புமில்லை. முதுகு வலி என்பது குண்டான, ஒல்லியான, உயரமான, குட்டையான என எல்லாப்   பெண்களுக்கும் வரலாம்.

* ஒரே இடத்தில் நீண்ட நேரம் உட்கார்ந்திருப்போருக்கும் முதுகு வலி வரலாம். எனவே அப்படிப் பட்ட வேலை பார்ப்பவர்கள் அடிக்கடி எழுந்து   நிற்கவோ, நடக்கவோ வேண்டும்.

* படுக்கும் போதும் அடிக்கடி திரும்பிப் படுக்க வேண்டும். ஒரே மாதிரித் துரிங்கக் கூடாது.

இனி சிகிச்சைகள்

* நிற்கும் போது உடலின் எடையை இரு கால்களும் சம அளவு தாங்கியிருக்கும் படி நிற்க வேண்டும். பைசா கோபுரம் கணக்கில் சாய்ந்து நிற்கும்   வேலை வேண்டாம்.

* உட்காரும் போது முதுகுப் பகுதிக்கு சப்போர்ட் இருக்கும்படி பார்த்துக் கொள்ள வேண்டும். பின்னால் குஷன் வைத்த தலையணை வைத்துக்   கொள்ளலாம்.

* கீழே விழுந்த எதையாவது எடுக்க வேண்டுமானால் அப்படியே வளைந்து குனியாமல், உட்கார்ந்து முதுகை வளைக்காமல் எடுக்கவும்.

* ஏற்கனவே முதுகுவலியால் அவதிப்பட்டுக் கொண்டிருப்பவரானால், நீண்ட நேரம் உட்கார்ந்திருப்பதைத் தவிர்க்கவும்.

* அதிக எடையுள்ள பொருட்களைத் துரிக்க வேண்டாம். கொஞ்சம் எடை அதிகமான பொருளைக்கூட வயிற்றுக்கு மேல் உயர்த்தித் தூக்க   வேண்டாம்.

* மருத்துவாரின் ஆலோசனையின்றி எந்த உடற்பயிற்சியையும் செய்ய வேண்டாம்.

* முதுகு வலி இருப்பவர்கள் நிற்கும் போது முழங்கால்களை டைட்டாக வைத்துக் கொள்ளாமல், தளர்வாக வைத்துக் கொள்வது நல்லது.

* ஹை ஹீல்ஸ் செருப்பு மற்றும் ஷூக் களைத் தவிர்க்க வேண்டியது மிக முக்கியம். எப்போதாவது அணிந்து கொள்ளலாமே தவிர தினம் கூடாது.   தவிர அதை அணிந்து கொண்டு நீண்ட நேரம் நிற்பதோ, நடப்பதோ கூடாது.

* நீச்சல் பயிற்சி செய்யலாம். மற்றபடி டென்னிஸ், ஏரோபிக்ஸ் போன்றவை தவிர்க்கப்பட வேண்டும்.

* மல்லாக்கப் படுத்துத் துரிங்குவதே நல்லது. குப்புறப் படுத்துத் துரிங்குவது முதுகு வலிக்கு வழி செய்வதோடு, உங்கள் முகத் தசைகளையும் சீக்கிரமே   முதுமையாக்கி விடும்.

* ரொம்பவும் மெத்தென்று இருக்கும் படுக்கையில் படுக்க வேண்டாம். கடினமான படுக்கையே நல்லது. அதுதான் முதுகுக்கு இதமளிக்கும். மென்மை யான படுக்கையில் படுத்தால், முதுகின் அடிப்பகுதி அதிகம் பாதிக்கப்படும்.

* தலைக்குக் கூடியவரை எதுவுமே இல்லாமல் துரிங்கலாம். முடியாத பட்சத்தில் மிக மெல்லிய தலையணை போதும்.

* திடீரென குனிவது, உடலைத் திருப்புவது போன்ற ஏடாகூடமான அசைவுகள் தவிர்க்கப்பட வேண்டும்.

Copyright © 2005 Tamiloviam.com - Authors